1 तेसलोनि 1:8 - पवित्र पोल्‍ले

⁸ बारित्‍ते मीहेंदाल सामिना पोल्‍ले सिराप मेसिडोनिया आनि अकाया राज्येमतेन एवता इंचि आयो गानि पेनदापोर्रोटा मीवा विस्वासमता बारेमते अन्‍नि जेगाने तेळियसि होत्‍ता. अदुनहाटीं मोमोट मीक वेहाना बतल अव्‍सरम हिल्‍ले.

1 तेसलोनि 1:8 Iomraidhean Croise

प्रेरितुल्‍कुना कबाह्‍क 18:12

गल्‍लिया पोरोलतोर वरोर अकाया इनना एरियाक राज्यपाल मत्‍तोर, अस्‍के यहुदिल्क अंटोर उंदि आसि, पौलुसुंक अड्‍डम तिरियतुर आनि ओन कोरटते पीसि वासि, “ई मनकल नियम परकारम हिलुवा पदतकुने पेनदुन आरादना कियालय लोकुल्‍कुंक वेहासेक मंतोर,” इंचि इत्‍तुर.

रोम सहरतोरहाटीं पौलुसना सिट्‍टि 1:8

मोदाला नना मीकु वेहानद बतल इत्‍ते, मीवा विस्वासम बारेमते पूरा दुनियाक तेळियसि होत्‍ता. इदुन मति कीसेक मीवा अंटोराहाटीं येसु किरिस्‍तुनहेंदाल पेनदुक दन्यवाद कींतन.

रोम सहरतोरहाटीं पौलुसना सिट्‍टि 15:26

बारित्‍ते मेसिडोनिया, अकाया एरियातोर विस्वासुल्‍क संदा वाटसि, येरुसलेम सहरते मत्‍ता पेनदा लोकुल्‍कुनाल बोर अय्ते गरिब मंतुरो ओर्क सहायम कियना इंचि विचारम कीसि नाक हीतुर.

रोम सहरतोरहाटीं पौलुसना सिट्‍टि 16:19

बेसता कबुरता पोल्‍लें मत्‍ताप मिमेट ताकसेक इंचि अंटोर केंजतुर, अदुनहाटीं नना वेल्‍ले कुसिते मंतन. मिमेट बेसता पोल्‍लेनहाटीं बुद्‍दितोर आसि मंटु, सेड्‍डा पोल्‍लेनहाटीं लक्‍कु मंटु इंचि नना मीकु वेहासेक मंतन.

1 कुरेंति 14:36

बतल! पेनदा पोल्‍ले मिहगाटाले पेय्सतना? सिराप मिहागळ्के वाताना?

2 कुरेंति 2:14

पेनदुक दन्यवाद आयि! अद किरिस्‍तुनलोप्‍पो मनाकुन बस्‍केळ्‍क गेल्‍सागोटसेक ओंता आनि गमा-गमा गब्‍बुनसोंटा दाना तेल्‍वितुन मनाहेंदाल अन्‍नि जेगाने पैलांचंता.

2 कुरेंति 3:4

किरिस्‍तुनाहेंदाल माकु पेनदापोर्रो इसोंटा बरोसे मंता.

कुलुसि 3:16

किरिस्‍तुना पोल्‍ले मीलोप्‍पो निंडिसि मन्‍निकांटी, मिमेट पूरा तेल्‍विते वरोंक-वरोर करहट, तेळियागोट्‍सि वेहाटु, पेनदुक दन्यवाद कीसेके मना मनसुनाल बजनकु, कीर्तनकु, पाटां पारसेके होंटु.

2 तेसलोनि 1:4

अचोने आयाका मिमेट तकलिपकुन, बादन ओप्के पीसि पेनदा लोप्पो गट्‍टिगा विस्वासमते निल्‍सि मंतिर. अदुनहाटीं मोमोट मीवा बारेमते पेनदा कलिसियाने पेद्‍दातनम वेहकुंचेके मंतोम.

2 तेसलोनि 3:1

विस्वासुल्‍कुनिटा! मीक आकिरते वेहानद बतल इत्‍ते, सामिना पोल्‍ले मीलोप्‍पो पैलांचतापे, वेरेतोरा लोप्‍पोगुडा बिराना पैलांचि पेद्‍दातनम दोर्कनाहाटीं पारतना कीम्‍टु.

1 तिमोति 2:8

अदुनहाटीं पारतना कियना अन्‍नि जेगाने मनसुने बतले होंगु-जगडम इर्रांकोंटा पवित्र कय्‍कु पोर्रो तेहचि मांडसा पारतना कियना इंचि नावा इच्‍चा मंता.

2 तिमोति 2:9

इदे बेसता कबुर वेहताहाटीं नना जेलुंक होत्‍तन. वरोर तप्पु कीतोना कय्‍कुंक वाटताप नावा कय्‍कुंक बेडीं वाटतुर. गानि पेनदा पोल्‍ले मात्रम बेडिने दोह्‍चि हिल्‍ले.

3 योहान 1:12

देमेतिरियुसना बारेमते अंटोरगुडा बेसतोर इंचि गवाइ वेहांतुर. पेनदा सत्‍तेमते ताकतोर इंचि सत्‍तेमता नदरतेगुडा ओर बेस मनकल आंदुर. ओर बेसतोर इंचि ननागुडा गवाइ हींतन, नावा गवाइ सत्‍तेम इंचि मीकु अय्ते एरपाटे मंता.

पेन हुपिस्‍ता पोल्‍लें 14:6

अद आता पजा नना पेनदा इंकुंदि दूतातुन मब्बुना नड्‍डुमताल परियसेक मननद हूळतन, दानागा बूमिपोर्रो मनना अंटोर्क, हरेक जातितोर्क, हरेक बासा वळ्कानोर्क, अंटोर लोकुल्‍कुंक आनि दुनियाता अन्‍नि देसेल्‍कुना लोकुल्‍कुंक वेहालय बस्‍केळ्‍क पिस्सना पिस्वर बारेमता बेसता कबुर मत्‍ता.

पेन हुपिस्‍ता पोल्‍लें 22:17

पेनदा आत्मा आनि मरमिना पेगिड, “हिक्‍के वा” इंचि वेहांता. केंजानोरगुडा, “वा” इंचि इन्‍निरकांटी. दूपा आसि मत्‍तोर बोरे आयिर इद पिस्वर हियना एतुन पुक्‍कटते उन्‍ना वच्‍चु.