1 तेसलोनि 1:5 - पवित्र पोल्‍ले

⁵ बारित्‍ते, मोमोट वेहता बेसता कबुर सिराप पोल्‍लेनतोने आयो गानि ताकतते, पवित्र आत्माते आनि पूरा गट्‍टि विस्वासमते मिहगा वाता. मोमोट मीवा नड्‍डुम मंचेके बल्हा ताकतोम मीक एरपाटे मंता.

1 तेसलोनि 1:5 Iomraidhean Croise

मरकुस 16:20

पजा येसुना सिस्युल्कु नालुं-मूलां होंचि अन्‍नि जेगाने ओना बारेमते प्रचार कीतुर. सामि ओरतोनि मंचेके कबळ कियुंदुर. कबळ कियनेंके जर्गना चिन्‍हाना हेंदाल सामि ओना पोल्‍ले निजम इंचि रुजुव कियुंदुर. आमेन.

लूकाल 1:1

तियपिलुस सायाब, मावा नड्‍डुम येसु कीता कबाह्‍कुना बारेमते वेल्‍लेन लोकुल्‍क रासालय कोसिस कीतुर. बोर अय्ते जर्गुता आ गटनन कळ्‍कुने हूळतुर आनि पेनदा बेसता कबुरतुन कराहतुर, ओरे माकु ई पोल्‍लें एव्विचि हीतुर. माकु एव्ता पोल्‍लेन ननागुडा बेस हदविसि, परमेरका कीसि तेळियागोटकुत्‍तन. अदुनहाटीं इव अन्‍नि पोल्‍लेन बेस उंदान पज्जो उंदि नीकु रासि लोहना इंचि नाकु अनपिस्ता. दीनहेंदाल निमे बतल अय्ते करियतिनो, अदे निजम इत्‍ता संगति नीकु तेळियंता.

प्रेरितुल्‍कुना कबाह्‍क 11:21

सामिना ताकत ओरतोनि मत्‍ता इंचि वेल्‍लेटुर लोकुल्‍क विस्वास कीसि सामिनहेके तिरियतुर.

प्रेरितुल्‍कुना कबाह्‍क 16:14

अवुन लोप्पो उंदि लिदिया पोरोलता मुरतळ मत्‍ता. अद तुयतीरा सहरतद आंद. दान्क पेनदापोर्रो वेल्‍लेन विस्वासम मत्‍ता. अद वेल्‍लेन दराता नेडि पंडि रंगुना कपडिं अम्मुंदु. अद बेस मनसु दोस्‍सि मावा पोल्‍लें केंजसेके मत्‍ता. पौलुस वेहना पोल्‍लेन बेस केंजालय सामि दाना मनसुन तयार कीतोर.

प्रेरितुल्‍कुना कबाह्‍क 2:33

इंदके पेन येसुन दाना तिना बाजुंक उपिस्ता. पवित्र आत्मातुन हींतन इंचि पेन पोल्‍ले हीसि मत्‍ता अद ओन्क दोर्कता. येसु अदे पवित्र आत्मातुन वळियतोर, अदुन मिमेट हूळसेक, केंजसेक मंतिर.

रोम सहरतोरहाटीं पौलुसना सिट्‍टि 1:16

विस्वासम कियना अंटोर्कुंक, इत्‍ते मुन्‍ने यहुदिल्कुंक पजा युनानि लोकुल्‍कुंक मुक्‍ति हियालय ई बेसता कबुरते पेनदा ताकत मंता. अदुनहाटीं नना पेनदा बेसता कबुर वेहालय सिग्गु अर्रोन.

रोम सहरतोरहाटीं पौलुसना सिट्‍टि 15:13

मिमेट विस्वासम कीताहाटीं, मीकु आसे हियना पेन अन्‍नि तीरकुना कुसि, सांति हियिकांटीं. इल्‍हा पवित्र आत्माता ताकतहेंदाल मीवा आसे बेरस्सेक होंदार.

रोम सहरतोरहाटीं पौलुसना सिट्‍टि 2:16

नना वेहना बेसता कबुर परकारम, बोर्क तेळियाकोंटा मनकालोर्क कीता कबाह्‍कुन पोर्रोटाल, अद रोजुने पेन येसु किरिस्‍तुनाहेंदाल लोकुल्‍कुना न्‍यायम किय्‍यार.

1 कुरेंति 1:24

गानि पेन बोर्कुन अय्ते केयता, ओर यहुदिल्क आयिर, युनानिर आयिर, ओराहाटीं पेनदा ताकत, पेनदा तेल्वि किरिस्‍तु आंदुर.

1 कुरेंति 10:33

ननागुडा ओर पिसागोम इंचि, नावा पाय्दा हूळाका, वेल्‍लेटुर लोकुल्‍कुना पाय्दाताहाटीं, अन्‍नि पोल्‍लेने अंटोर्कुन कूस इरंतन. बारित्‍ते ओर्क मुक्‍ति दोर्कगोम.

1 कुरेंति 3:16

मिमेट पेनदा गुळि आंदिर, पेनदा आत्मा मीलोप्‍पो मनंता, इद मीक तेळियोना?

1 कुरेंति 3:6

नना पेळे वाटतन, अप्‍पुलोस एर दोस्तोर, गानि दान बेर्सागोटनद पेने आंदु.

1 कुरेंति 4:20

बारित्‍ते पेनदा राज्येम पोल्‍लेने आयो गानि दाना ताकतते मनंता.

1 कुरेंति 9:14

अल्‍हेने किरिस्‍तुना बेसता कबुर वेहानोर्कुंक, बोर अय्ते अद कबुर केंजसि विस्वास कींतुर, ओरा हेंदाले पिस्वर दोर्कागोम इंचि सामि हुकुम हीतोर.

2 कुरेंति 3:6

पेन माकुन पूना करारता सेवक आयाना लायकगुडा कीता. अद करार मूसाना नियमते रासि मत्‍ताप आयो गानि, पेनदा आत्माताहेंदाल मंता. मूसाना नियम हामुरतेके ओंता गानि पवित्र आत्मा पिस्वरताहेके ओंता.

गलातिया 2:2

नाकु अगा तप्‍पाकोंटा होनापींता इंचि पेन वेहचि हुपिस्ताहाटीं नना होत्‍तन. पेनदाहाटीं नना कीता कस्‍टम एर्तम आयानायो इंचि यहुदि आयवोर्क नना वेहता बेसता कबुरतुन अगटा लीडर्कुन बाजुंक केय्‍सि ओर्क वेहतन.

गलातिया 5:5

बारित्‍ते मनम विस्वासमताहेंदाल पेनदा मुन्‍ने नीतिमंतुल्क आतोम इंचि आसे इरतोम. अदे आसेताहाटीं आत्मा बलमते दाना एदुर हूळसेक मंतोम.

इपीसि 2:10

बारित्‍ते, पेने मनाकुन पुट्‍टिस्‍ता. मनम किरिस्‍तु येसुनलोप्‍पो बेसता कबाह्‍क कियाना इंचि अद मनाकुन पुटिस्ता. अव बेसता कबाह्‍क बव आंदुंगो अवुन पेन मुन्‍नेने तयार कीसि इरता.

इपीसि 3:20

इंदके पेन मना पिस्वरता लोप्पो दाना ताकत परकारम कबळ कीसेकेन मंता. इच्‍चोने आयो, मनम तल्‍कानदुंकन्‍ना, मनम विचारम कियानादानकन्‍ना एक्‍को, अद मनालोप्‍पो कबळ किय्‍या पर्रंता.

पिलिपिया 4:9

मिमेट नावाहेंदाल करियसि दोर्किच्‍कुत्‍ता पोल्‍लें, केंजता पोल्‍लें, आनि हूळता कबाह्‍क इव मत्‍ताप ताकट. अस्‍के सांति हियना पेन मीकुन कापाळंता.

कुलुसि 2:2

इद कस्‍टम बारि कीसेके इत्‍ते, मिमेट मीवा विस्वासमते दैरनेमते मनना, मिमेट पावरमते वरोंक-वरोर कलियसि मंदना, मीक पूरा बुद्‍दिता पूरा दनम दोर्कना, पेनबाबाना मर्मम इत्‍ते किरिस्‍तुना लोप्पो मक्‍किस मत्‍ता बुद्‍दि, तेल्‍विता कजानातुन एरपाट कियाना.

1 तेसलोनि 2:13

बस्के अय्ते पेनदा पोल्‍ले मावाहेंदाल मिहगा एव्ता, अस्‍के अद मनकालोराहेंदाल वातद आयो, गानि पेनदाहेंदाल वाता निजम पोल्‍ले आंद इंचि मिमेट केंजसि ओप्कुत्‍तिर. अदुनहाटीं मोमोट पेनदुक बस्‍केळ्‍क दन्यवाद कींतोम. मीवा विस्वासुल्कुना नड्‍डुम पेनदा पोल्‍लेगुडा कबळ कीसेके मंता.

2 तेसलोनि 2:14

इल्‍हा मिमेट मना सामि येसु किरिस्‍तुना महिमातुन दोर्किच्‍कुनना इंचि, पेन मोमोट वेहता बेसता कबुरताहेंदाल मीकुन केयता.

2 तिमोति 2:10

अदुनहाटींगे नना, किरिस्‍तु येसुना लोप्पो दोर्कना मुक्‍ति पेन पेरतोर्क, बस्‍केळ्‍क मनना दाना महिमातोनि दोर्कना इंचि बच्‍चुं कस्‍टाल्‍क अयना सहन कींतन.

2 तिमोति 2:8

नना वेहता बेसता कबुर परकारम, दाविद राजाना वंसंमते पुटसि, हामुरताल मर्रा जीवाते तेदता येसु किरिस्‍तुन मतिते इर्रा.

इब्रि 10:22

अदुनहाटीं मनम सत्‍तेम मनसुने, पुरागा विस्वासमते, इंका मना विवेकमतुन दोसेम हिलाकोंटा कियानाहाटीं मना मनसुनपोर्रो किरिस्‍तुना नेत्‍तुर सल्सि, इंका मेंदुल्तुन बेस साप एते नोर्सि पेनदा दग्गेर्क दाकोम.

इब्रि 6:11

मनम बदुनाहाटीं अय्ते आसे पळसि एदुर हूळसेक मंतोमो अद दोर्कनदाका, मी लोप्पोटा हरेक मनकल पुरागा गट्‍टि आसेते आकिरदाका कोसिस कीसेके मनना इंचि मोमोट मनसुनाल कोरसंतोम.

1 पत्रु 1:12

इव पोल्‍लें ओरा पायदाताहाटीं आयों गानि मीवाहाटीं इंचि पेने ओर्क तेळियागोट्‍सि वेहचि हुपिस्‍ता. इदवेरादाका बदाय्ते बेसता कबुर वेहतुर, अद स्वर्गमताल लोहचीता पवित्र आत्माहेंदाले मीक वेहतुर. इव पोल्‍लेना बारेमते पेनदा दूतांगुडा बल्हा आंतानो इंचि हूळना इच्‍चाते मंतां.

1 पत्रु 1:3

मना सामि येसु किरिस्‍तुना पेनबाबाना दन्यवाद आयि! ओना वेल्‍ले दयाताहेंदाल मनाकुन पूना रीतुने पुटिचमळ जर्गता. अद बल्हा इत्‍ते, पेनबाबाल येसु सामिन हातोरा लोप्पोटाल मर्रा तेहाचि, मनाकु उंदि पिस्वरता आसे हीतोर.

1 पत्रु 5:3

मीकु अप्पजेपता मंदापोर्रो अदिकारम हूप्‍साकोंटा, ओरा मुन्‍ने उंदि उदाहरनलेसीं मंटु.

2 पत्रु 1:10

अदुनहाटीं विस्वासुल्‍कुनिटा! पेन मीकुन केय्‍सि पेरता इत्‍ता पोल्‍लेतुन पक्‍का कियालय बस्‍केळ्‍क आतच्‍चोन कोसिस कीम्‍टु, अल्हा कीते मिमेट बस्‍केने विस्वासमताल अर्सि होन्‍निर.

2 पत्रु 1:19

मनाकु पेनदा कबुरतोरा पोल्‍लेपोर्रो एक्‍को बरोसा अनपिस्ता. अद पोल्‍ले हीकटते एलगना वेळसिलेसीं दिसंता. अदुनहाटीं पंगातारित्‍ते हक्‍केटा सुक्‍का मीवा मनसुने एलगनदाका आ पोल्‍ले परकारम ताकते मीके बेस.