1 तेसलोनि 1:1 - पवित्र पोल्‍ले

¹ नना पौलुस, सिल्‍वानुस आनि तिमोति मोमोट इद सिट्‍टि मीक तेसलोनि सहरते मंदना कलिसियातोराहाटीं रासेके मंतोम. मिमेट पेनबाबाल आनि सामि येसु किरिस्‍तुनतोनि कलियसि मंतिट इंचि मीक पेनदाहेंदाल कुर्पा, सांति दोर्किकांटी.

1 तेसलोनि 1:1 Iomraidhean Croise

प्रेरितुल्‍कुना कबाह्‍क 15:22

पजा प्रेरितुल्क, पेद्‍दाल्क आनि कलिसियातोर अंटोर कलियसि, अगाटा विस्वासुल्‍कुनाल इच्‍चुर लोकुल्‍कुन पेरसि पौलुस आनि बरनाबासुनतोनि अंताकियाक लोहना निरनायम कीतुर. पजा बरसब्बान आनि सिलासुन ईर इव्वुर्कुन पेरतुर. ईर इव्वुरगुडा विस्वासुल्‍कुनाल मुक्‍य मनकालोर मत्‍तुर.

प्रेरितुल्‍कुना कबाह्‍क 15:27

अय्ते मोमोट सिट्‍टिते रासता अन्‍नि पोल्‍लें यहुदल आनि सिलास ओर ओरा तोळ्‍दाल मीकु वेहना इंचि ओर्कुन मीहेके लोहसेक मंतोम.

प्रेरितुल्‍कुना कबाह्‍क 15:40

पजा पौलुस ओनतोनि मननाहाटीं सिलासुन पेरकुंचि अगटाल होत्‍तोर. अय्ते अगाटा विस्वासुल्कगुडा पौलुसुंक आनि सिलासुंक पेनदा कुर्पा दोर्कानाहाटीं पारतना कीसि ओर्कुन पेनदा कय्‍दे अप्पजेपतुर.

प्रेरितुल्‍कुना कबाह्‍क 16:19

पजा आ पेगिटा मालकुल्कुंक दोर्कना दनम दोर्काकोंटा आताहेंके ओर पौलुसुन आनि सिलासुन दोर्कापीसि, इग्‍गिसेके नड्‍डुम सहरते अदिकारिल्कुना मुन्‍ने ओतुर.

प्रेरितुल्‍कुना कबाह्‍क 16:25

नळजाम नर्काटा वेलाते पौलुस, सिलास पेनदा स्‍तुति पाटां पारसेके, पारतना कीसेक मत्‍तुर. जेलने मत्‍ता वेरेतोर केंजसेके मत्‍तुर.

प्रेरितुल्‍कुना कबाह्‍क 16:29

अस्‍के वरोनतोनि वेडसि ताया वेहचि आ अदिकारि बिराना लोप्पो होत्‍तोर. वनकुसेक पौलुस, सिलासुना काल्कुनपोर्रो अरतोर.

प्रेरितुल्‍कुना कबाह्‍क 17:11

तेसलोनि सहरता यहुदिल्कुंकन्‍ना इगेटा यहुदिल्क बच्‍चोरो बेस मत्‍तुर. ईर पौलुस वेहना पोल्‍लेन बेस मनसु ताससि केंजुंदुर. हरेक रोजु दर्मसास्‍त्रमतुन हद्‍विसि पौलुस वेहना पोल्‍लें निजमेना इंचि बेस अर्तम कीकुनुंदुर.

प्रेरितुल्‍कुना कबाह्‍क 18:5

सिलास आनि तिमोति मेसिडोनिया एरियाताल वातस्के, पौलुस ओना पूरा वेला पेनदा पोल्‍लें कराहमळतेन तासुंदुर. इंका यहुदिल्कुनतोनि वळकिसि, येसे किरिस्‍तु आंदुर, इंचि वेहचि गवाइ हियुंदुर.

प्रेरितुल्‍कुना कबाह्‍क 19:22

दानहाटीं ओर तिमोति आनि इरास्‍तुस पोरोलता इव्वुर सेवाकुल्कुन मेसिडोनिया एरियाते लोहचीतोर. ओर कुद बारे इंका इच्‍चुं रोजकु आसिया एरियातेन आगतोर.

प्रेरितुल्‍कुना कबाह्‍क 20:4

बिरिया सहरता पिरूस इनानोना मर्रि सोपत्रु, तेसलोनि सहरता अरिसतरकुस आनि सेकुंदल, दिरबे सहरताल गयुसु, आसिया एरियाताल तुकिकुस आनि तोरोपिमुस, इंका तिमोति. ईर अंटोर आसिया एरिया एवनाल पौलुसुनतोनि मत्‍तुर.

रोम सहरतोरहाटीं पौलुसना सिट्‍टि 1:7

रोम सहरते मनना मीकु अंटोर्क ई सिट्‍टि रासि नना बतल वेहासेक इत्‍ते, पेनदुक मिमेट इत्‍ते वेल्‍लेन पावरम. इंका अद मीकुन दाना पवित्र लोकुल्‍क आयालय केयता. मना पेनबाबाल आनि येसु किरिस्‍तु सामिनहेंदाल मीकु कुर्पा, सांति दोर्कि.

1 कुरेंति 1:2

कुरेंति सहरते मनानोर किरिस्‍तु येसुनलोप्‍पो पवित्र आता पेनदा कलिसियातोर्कुंक, आनि वेरे-वेरे जेगाने मना सामि इत्‍ते, ओरा आनि मना येसु किरिस्‍तुना पोरोलते आरादना कियाना अंटोर बक्‍तुल्कुंक रासता सिट्‍टि,

2 कुरेंति 1:1

पेनदा इच्‍चाताहेंदाल किरिस्‍तु येसुना प्रेरित आतोन नना पौलुसुन आनि मना तम्मुर तिमोति ओक्‍कला कुरेंति सहरते मंदना कलिसियातोर्क अल्‍हेने अकाया एरियाता अंटोर पवित्र लोकुल्‍कुंक सिट्‍टि रासेक मंतोम.

2 कुरेंति 1:19

बारित्‍ते, नना, सिल्‍वानुस आनि तिमोति मोमोट मीवा नड्‍डुम पेनदा मर्रि येसु किरिस्‍तु आंदुर इंचि वेहतोम. येसु किरिस्‍तु “हो, हिल्‍ले” इल्‍हा रोंडु पोल्‍लें वळ्‍कोर गानि ओर बस्‍केळ्‍क “हो” इंचे इंतोर.

गलातिया 1:2

इद सिट्‍टि गलातिया इनना एरियाते मनना कलिसियानोर्क, इत्‍ते मीवाहाटींगे नना नावातोनि मनना दादालोराहेंदाल रासतन.

गलातिया 1:22

गानि यहुदिया एरियाते मनना कलिसियानोर अय्ते नाकुन बस्‍केने हूळा हिल्‍लुर.

इपीसि 1:2

मना पेनबाबानहेंदाल आनि सामि येसु किरिस्‍तुनाहेंदाल मीकु कुर्पा, सांति दोर्किकांटी.

पिलिपिया 1:1

पिलिपिया सहरते येसु किरिस्‍तुना लोप्पो मनना पेनदा अंटोर पवित्र लोकुल्‍कुंक, पेद्‍दाल्कुंक आनि अदिकारिल्कुनाहाटीं नना पौलुस, नावा दंटातोर तिमोति, मोमोट येसु किरिस्‍तुना सेवाकुल्‍कुम इद सिट्‍टि रासेक मंतोम.

कुलुसि 1:1

पेनदा इच्‍चाताल किरिस्‍तु येसुना प्रेरित आतोन नना पौलुसुन आनि तम्मुर तिमोतिनाहेंदाल, कुलुसि सहरते मंदना पवित्र अल्हेन किरिस्‍तुनलोप्‍पो विस्वासमलायक कलिसियाता लोकुल्‍कुंक इद सिट्‍टि रासेक मंतन. मना पेनबाबानाहेंदाल मीक कुर्पा, सांति दोर्किकांटी.

2 तेसलोनि 1:1

नना पौलुस, सिल्‍वानुस आनि तिमोति मोमोट इद सिट्‍टि मीकु तेसलोनि सहरते मंदना कलिसियातोर्कुंक रासेक मंतोम. मना पेनबाबाल आनि सामि येसु किरिस्‍तुनाहेंदाल कुर्पा, सांति दोर्किकांटी.

1 तिमोति 1:2

विस्वासमते नावा निजम मर्रि आता तिमोतिंकु इद सिट्‍टि रासतन. मना पेनबाबानाहेंदाल आनि मना सामि येसु किरिस्‍तुनहेंदाल नीकु कुर्पा, दया आनि सांति दोर्कि.

2 तिमोति 1:2

नावा पावरमगल्‍ला मर्रि तिमोतिंकु नना रासतन. नीकु मना पेनबाबनहेंदाल, सामि किरिस्‍तु येसुनाहेंदाल कुर्पा, दया, सांति दोर्किकांटी.

इब्रि 13:23

मना तम्मुनसोंटा तिमोति जेलनाल पेय्सता पोल्‍लेतुन मिमेट तेल्‍पिचकुंटु. ओर ओक्‍कला नहगा बिराना वाते, नना ओनतोनि, मीकु कलियालय वांतन.

1 पत्रु 5:12

विस्वासमगल्‍ला तम्मुर इंचि नना नम्मुता सिल्‍वानुसना कय्‍दे इद सिन्‍ना सिट्‍टि रासतन. इदे पेनदा निजम कुर्पा आंदु, इव्टे मिमेट गट्‍टिगा निल्‍सि मंटु, इंचि नना मीकु इद सिट्‍टिते रासि तेळियागोट्‍सि वेहासेक मंतन.

1 योहान 1:3

मोमोट अय्ते पेनबाबानतोनि ओना मर्रि येसु किरिस्‍तुनतोनि कलियसि उंदासि पिस्सेक मंतोम, अदुनहाटीं मोमोट बतल अय्ते हूळतोम, केंजतोम, अदुना बारेमते मीकुगुडा वेहासेक मंतोम. दीनहेंदाल मिमेटगुडा मातोनि कलियसि मनम उंदासि मंदकोम.

यहुदा 1:1

नना यहुदन, येसु किरिस्‍तुना सेवकुन आनि याकोबुना तम्मुन आंदुन. पेनबाबाल मीकुन केय्‍सि पावरम कीतोर आनि येसु किरिस्‍तुना कय्‍दे कापाळसेक मंतोर, मी अंटोर्क नना जोहर कींतन.