1 पत्रु 5:9 - पवित्र पोल्‍ले

⁹ मिमेट विस्वासमते गट्‍टिगा मंचि, दान्क विरोद कीम्‍टु. दुनियाते मनानोर विस्वासुल्कगुडा इल्हेने तकलिप बोगांचेके मंतुर इद मीक एरपाटे मंता.

1 पत्रु 5:9 Iomraidhean Croise

लूकाल 22:32

गानि निमे विस्वासमताल पजोळ्क होनाकोंटा मनना इंचि नना नीवाहाटीं पारतना कीतन. अयना निमे मर्रा विस्वासमते नाहेके तिरियतस्के नीवा दंटाता विस्वासुल्कुना विस्वासमतुनगुडा गट्‍टिगा कीम,” इंचि वेहतोर.

योहान 16:33

नाहगटाल मीकु सांति दोर्कि, इंचि इव पोल्‍लें मीकु वेहतन. दुनियाते मीकु तिप्‍पल्‍क-कस्‍टाल्‍क वायनुं, गानि नना दुनियाता ताकततुन गेल्सतन, अदुनहाटीं मिमेट बेस दैरनेमते मंटु,” इंचि येसु वेहतोर.

प्रेरितुल्‍कुना कबाह्‍क 14:22

अगा होंचि, “पेनदा राज्येमते होनना इत्‍ते तिप्‍पल्‍क वांतां, दानाहाटीं विस्वासमते गट्‍टिगासि मंटु,” इंचि वेहचि दैरनेम हीतोर.

1 कुरेंति 10:13

अंटोर्क वायानसोंटवे परिक्‍सां मीक वातां, दानकन्‍ना एक्‍को परिक्‍सां मीक वाया हिल्‍लें. गानि पेन विस्वासमगल्‍लद आंद. अद मीतोनि आया परवसोंटा एक्‍को परिक्‍साने अर्रा हिय्यो, परिक्‍सां वाते मिमेट सहन कियागोम इंचि अव्टेटाल पेय्‍सना हर्रिगुडा पेन कींता.

इपीसि 4:27

मीवा पिस्वरते देय्यमतुन होळिया हियमट.

इपीसि 6:16

इव अन्‍निंकन्‍ना मुक्‍केमातद बतल इत्‍ते, लडाइ कियनेंके मिहगा डालुनलेह्का विस्वासम मनगोम. अस्‍के देय्यमताहेंदाल पोतसेके वायना अन्‍नि बानाल्कुन मिमेट आपा परकिट.

कुलुसि 2:5

नना मेंदुल्ते मिहागटाल लक्‍कु मंतन, गानि आत्माते मिहागेन मंतन. मीवा रोजता पिस्वर आनि किरिस्‍तुनलोप्‍पो मंदना मीवा गट्‍टि विस्वासम हूळसि नाक वेल्‍लेन कुसि आसेक मंता.

1 तिमोति 6:12

नीवा विस्वासमतुन दक्‍किच्‍कुनालय बेस लडाइ कीसेके मन्‍नु, बस्‍केळ्‍क पिस्सना पिस्वरतुन गट्‍टिगा पीसि ताका, इद पिस्वरहाटींगे नीकुन केयमळ जर्गता. ई मंचि पोल्‍लेतुन निमे वेल्‍लेन मंदि गवाइदार्कुना मुन्‍ने ओप्कुत्‍तिन.

2 तिमोति 3:12

किरिस्‍तु येसुना लोप्पो पेनदा बक्‍तिते ताकंतन इंचि इच्‍चा इर्राना अंटोर्क कस्‍टाल्‍क अय्ते वायानुंगे.

2 तिमोति 4:7

सामिना पोर्रोटा विस्वासम बारेमता लडाइते, नना लडाइ बेस कीतन, नना बेस वित्‍तुतन. नावा विस्वासमतुन नना कापाळकुत्‍तन.

इब्रि 11:33

विस्वासमहेंदाले इरव्टेटाल इच्‍चुर लोकुल्‍क राज्येल्‍क गेल्सतुर, इच्‍चुर लोकुल्‍क सत्‍तेम कबाह्‍क कीतुर, इच्‍चुर लोकुल्‍क, पेन हींतन इंचि पोल्‍ले हीतदुन दोर्किच्‍कुत्‍तुर, इच्‍चुर लोकुल्‍क सिंहाना कतराताल पलाते अरतुर.

इब्रि 12:8

पेन दाना अंटोर मर्क-मियाह्कुन सुद्रांचनाहाटीं टेरनिंग हींता. आ टेरनिंगगिंटा मीकु दोर्काकोंटे, मिमेट दाना निजम मर्क आयिर.

याकोब 4:7

अदुनहाटीं पेनदा पोल्‍लेपोर्रो ताकट, देय्यमकु एदुर तिरियट. अस्‍के अद मिहागटाल वित्‍तंता.

1 पत्रु 1:6

अदुनहाटीं मिमेट इरगा कूस आम्टु. इंदके मीक गडसेमताहाटीं बच्‍चुंगो तीरकुना परिक्‍सां सहन किया पींता.

1 पत्रु 2:21

इदुनहाटींगे मीकुन पेन केयता आनि किरिस्‍तु मीवाहाटीं तकलिप अरतोर, मिमेट इंका ओना अळगुने अळगु वाटसि ओना पज्जो तकलिप अर्सि ताकना इंचि उंदि उदाहरनलेसीं पेन मीकुन निलाहता.

1 पत्रु 3:14

ओक्‍कला मिमेटगिंटा नीति कबाह्‍क कियानेंके मीक कस्‍टाल्‍क वायिना, पेन मीक आसिर्वाद हिय्यार. ओर वेराहते मिमेट वेरियमट, परेसान आयमट.

पेन हुपिस्‍ता पोल्‍लें 1:9

नना योहानुन मीवा दादान आंदुन. येसु बोगांसता तिप्पल्कुने, राज्येमते आनि ओप्के पियमळते मीवातोनि दंटाते मंतन. नना पेनदा पोल्‍ले आनि येसुना बारेमते गवाइ वेहताहाटीं पतमोस इनना दीबेतगा बंद कीसि मंतन.

पेन हुपिस्‍ता पोल्‍लें 6:11

पजा ओर्क अंटोर्क तेल्‍ला कपडिं हीसि, “मीकुन हव्‍कुतापे मीवा दंटाता सेवाकुल्कुन आनि विस्‍वासुल्‍कुन हव्कना मंता, ओरा लेक्‍कांगुडा पुरागा आयानदाका मिमेट गळसेप आराम कीम्‍टु,” इंचि ओर्कु वेहतोर.

पेन हुपिस्‍ता पोल्‍लें 7:14

अस्‍के, “नीकु एरपाटे महाराज,” इंचि नना ओन इत्‍तन. अस्‍के ओर, “ईर अंटोर वेल्‍ले तिप्पल्कुनाल पलाते वातोर आंदुर. ईर ईरा कपडिं गोर्रे पोरिना नेत्‍तुरते हुक्‍किसि तेल्‍लगा कीतुर आंदुर.