1 पत्रु 5:8 - पवित्र पोल्‍ले

⁸ मीवा पगातद पेद्‍दा देय्यम बोन तिनकन इंचि सिंहमतालेसीं वरगेयसेके नालुं मूलां तिरियसेक मंता, अदुनहाटीं हुसारते, तेल्‍विते मंटु.

1 पत्रु 5:8 Iomraidhean Croise

मत्‍तयाल 13:39

हकोलिं वीतुता पगातोर इत्‍ते, देय्यम आंद. पंटा कोयना वेला इत्‍ते दुनिया मुंळगना आकिर वेला. कोय्‍यानोर इत्‍ते पेनदा दूतां आंद.

मत्‍तयाल 24:42

बद रोजु मीवा सामि वायानुर अद मीकु एरपाट हिल्‍ले, अदुनहाटीं मिमेट तेल्‍विते मंटु.

मत्‍तयाल 25:41

पजा ओना डेमा बाजुंक मत्‍तोर्कुन, “सापनेमते मनानोरिटा, नहागटाल पेय्सि होंट. देय्याल्कुना मुक्‍यानाहाटीं आनि अवुना दूतनहाटीं तयार कीता बस्‍केळ्‍क पोत्‍सेके मनना तडमिते होंचि अर्रट.

मत्‍तयाल 4:1

पजा पेद्‍दा देय्यम येसुना पट्‍टु हूळागोम इंचि पेनदा आत्मा ओन बय्‍लि जेगाते ओता.

मत्‍तयाल 4:11

अल्हा इत्‍तरित्‍ते पेद्‍दा देय्यम ओन होळसि होत्‍ता. अस्‍के हुळाट! पेनदा दूतां वासि येसुना सेवा कीतां.

मरकुस 4:15

इच्‍चुर लोकुल्‍क विज्‍जां अरता हर्दा जेगातसंटोर आंदुर. ओर पेनदा पोल्‍लेतुन केंजांतुर, केंजतारित्‍ते देय्यम बिराना वासि ओर केंजतवुन तेंडसि पोहंता.

लूकाल 21:34

“अदुनहाटीं मिमेट पार्टिं किय्युड, कल उनुड इंका इद दुनियाता रंदिनेन मीवा मनसु मनना आयो. गानि नना मर्रा वायना रोजु अचानक अर्रना कोम्मालेह्का मीपोर्रो वासि अर्राकोंटा मीवद मिमेट जेगर्ता मंटु.

लूकाल 21:36

अदुनहाटीं वेल्‍लेन उसारते मंचि, बव अय्ते गटनां जर्गनद मंता, अव अन्‍नि गटनानाल पिस्‍सनाहाटीं ताकत दोर्कगोम इंचि बस्केळक पारतना कीसेक मंटु. अल्हा मत्‍तिरित्‍ते, बस्के अय्ते मनकना रूपमते पुटतोन नना वांतन, अस्‍के नावा मुन्‍ने वेरियाकोंटा नित्‍ता परकिट.”

लूकाल 22:31

येसु मर्रा सिमोन पत्रुन, “सिमोनु, ए सिमोनु हिके केंजा! मीकुन अंटोर्कुन वंजिन हेचाहताप हेचाहचि मी अंटोरा विस्वासमता पट्‍टु हूळानाहाटीं पेद्‍दा देय्यम पेनदुन अदिकारम तल्कता.

योहान 8:44

मिमेट देय्यमता पिलाल्क आंदिर, देय्यमे मीवा बाबाल आंदुर. अदुनहाटीं मीवा बाबाल कियना तप्‍पुड कबाह्‍क कियमळ इत्‍ते मीकु वेल्‍लेन इस्‍टम. देय्यम मुन्‍नेटाले जीवां तिंचेके वाता. अद सत्‍तेमतुन बस्‍केने हय्सो. दानागा सत्‍तेम हिल्‍लेन हिल्‍ले. आबद्‍दम वळ्‍कमळे दाना गुनम आंदु, अदुनहाटीं अद बस्‍केळ्‍क आबद्‍दमे वळ्कंता, आबद्‍दमतुन पुट्‍संता.

2 कुरेंति 2:11

मापि कियाकोंटे देय्यम बस्‍केनना तकलिप हिय्या परांता. बारित्‍ते दाना गुनम बसोंटदो मनक एरपाटे मंता.

इपीसि 4:27

मीवा पिस्वरते देय्यमतुन होळिया हियमट.

इपीसि 6:11

देय्यमता ताकतता मुन्‍ने वेरियाकोंटा नित्‍तालय मिमेट पेन हीता अन्‍नि आयुदाल्कुन वाळकुंटु.

1 तिमोति 2:15

गानि अद ओक्‍कला विस्वासम, पावरम, पवित्र आनि ओप्‍केते पिलाल्क कंचेके तल्‍लुना जिम्मेदारिं पूरा कियानय्ते, दानकु तप्‍पाकोंटा मुक्‍ति दोर्कार.

1 तिमोति 2:9

अल्‍हेने मुरताह्कुना हेंदाल नना कोरानद बतल इत्‍ते, अव सादा-सिंपल कपडिं पोंडसि, साप मनसुने मनगोम. इंका बेस कबाह्‍क कीसि पेनदा बेस बक्‍ति कियनावुनलेसीं मनगोम. गानि बंगाराल्क, डिस्‍को पूसाना दुम्मे वाटकुंचि, वेल्‍लेन दराता कपडिं केरसि, रका-रकाल्कुना जेडां वाटसि सिंगाराल्क अर्रानायो. बारित्‍ते मुरताह्कुंक अदे बेस.

1 तिमोति 3:11

इल्हेने मुर्ताह्कगुडा अंटोर कदर हियनलायक मनगोम. अवुनगा वेरेतोर्कुन अपमानम कियना गुनम मनामन्‍नि. गानि बेस ओप्‍केते अन्‍नि पोल्‍लेने विस्वासम कियनलायक अव मनगोम.

1 तिमोति 3:2

पजा आ पेद्‍दा मनकना पिस्वरते बतले दोसेम मननायो. ओर उंदे मुरतटा मुय्दो आयगोम, ओर ओप्के पीसि मनानोर आयगोम, ओर विचारम कीसि ताकानोर आयगोम, अंटोर ओना कदर कियनालायक ओर मनगोम, ओर वेरेतोर्कुन बेस हूळकुनानोर आयगोम आनि वेरेतोर्क कराहनालायकगुडा मनगोम.

2 तिमोति 4:17

गानि नाहेंदाल बेसता कबुर अंटोर्क एव्‍सि, दान यहुदि आयवोर अंटोर केंजगोम इंचि, सामि नाकु तोळ मंचेके नाकु बलम हीतोर. इल्‍हा नाकुन सिंहम तोळ्‍दाल कापाळतोर.

तीतु 1:8

गानि आ अदिकारि हेडमितोन बेस हूळकुनानोर आयगोम, बेस कियमळतुन पावरम कियानोर आयगोम, मनसुना आसेन आपिसि पीसि मनानोर आयगोम, ओर सादा-सिंपल मनागोम, पवित्र आनि सततुन आपकुंचि मनानोर आयगोम.

तीतु 2:12

अद दया मनाकु, मनम पेनदुक नच्‍चुवा पिस्वर आनि सततुन आपकुंचि, इद दुनियाते बेस बक्‍तिते, सवरटा हर्दे आनि पेनदुक नच्‍चना पिस्वर पिसगोम, इंचि कराहंता.

तीतु 2:2

ओप्‍केते, इमानदार मनमळते, सततुन आपकुनमळते, विस्वासमते, पावरमते, दैरनेमते, ओर्सकुनमळते गट्‍टिगा मंदालय मातरलोर्कुंक करहा.

तीतु 2:4

अल्‍हेने अव लेय्या मुरताह्कुंक, अवुना मुय्दुर्कुन, पिलाल्कुन पावरम कियाना,

तीतु 2:6

अल्‍हेने लेय्युर्कुंक जोर हीसि वेहा गदा, ओर सततुन आपकुंचि पिस्सिरकांटी.

याकोब 4:7

अदुनहाटीं पेनदा पोल्‍लेपोर्रो ताकट, देय्यमकु एदुर तिरियट. अस्‍के अद मिहागटाल वित्‍तंता.

1 पत्रु 1:13

अदुनहाटीं मिमेट बेसता बुद्‍दितोनि, हुसारते मंटु. येसु किरिस्‍तु मर्रा मल्सि वातस्के मीक दोर्कना कुर्पाताहाटीं पूरा आसेते मंटु.

1 पत्रु 4:7

इंदके दुनियाते मनना अन्‍निटवुना आकिर रोजकु दग्‍गेरा एवतां. अदुनहाटीं मिमेट पारतना कियानेंके बेस विचारमते, तेल्‍विते मंटु.

पेन हुपिस्‍ता पोल्‍लें 12:10

पजा स्वर्गमताल उंदि पेद्‍दा लेंग केंजावाता. अद इल्‍हा मत्‍ता, “मा पेनदा मुन्‍ने मावा विस्वासुल्‍कुनपोर्रो नर्का-पिय्यल बस्‍केळ्‍क दोसेम दोस्सेके मनानदुन हिळु बूमिपोर्रो दोब्‍बिसीयमळ जर्गता. अदुनहाटीं पेन मनाकु हियना मुक्‍ति, ताकत, राज्येम आनि दाना किरिस्‍तुना अदिकारम पलाते अरता.

पेन हुपिस्‍ता पोल्‍लें 12:12

अदुनहाटीं स्वर्गम आनि स्वर्गमते मनानोरिटा मिमेट कुसिते मंटु. गानि बूमिपोर्रो आनि समुद्रमते मनानोर्क मात्रम बच्‍चोन गोसा वायार! बारित्‍ते देय्यमतगा वेल्‍ले टाइम हिल्‍ले इंचि दान्क तेळियसे मंता, अदुनहाटीं अद वेल्‍लेन होंगुने मिहगा वाता,” इंचि केंजावाता.

पेन हुपिस्‍ता पोल्‍लें 12:9

पजा अद मासुल तरासतुन आनि दाना दूतन बूमिपोर्रो दोब्‍बिसीयमळ जर्गता. अद तरास दाना दूतनतोनि कलियसि पूरा दुनियातुन पसांचेके मंता. इद मासुल तरासुन पडाना तरास, हिलाकोंटे पसांचनदु, हिलाकोंटे देय्यम इंचि इंतुर.

पेन हुपिस्‍ता पोल्‍लें 20:10

अस्‍के, जिवरासितुन आनि आबद्‍दम कबुरतोर्कुन बगा अय्ते मुन्‍नेन वाटतुरो, अदे गंदकमतोनि बगा-बगा पोतसेके मनना तडमिते, ओर्कुन नडेह कियाना देय्यमतुन वाटमळ जर्गता. अगा ओर नर्का-पिय्यल युगा-युगाल्‍कुनाहाटीं तडमि मंटाते तनलाळसेक मनांतुर.

पेन हुपिस्‍ता पोल्‍लें 20:2

पजा आ दूता, बदुन अय्ते इबलीस, देय्यम इंतुरो आ पळाना मासुल तरासतुन दोर्कापीसि वेय वर्सानाहाटीं दोहाचि वाटता.