1 पत्रु 5:4 - पवित्र पोल्‍ले

⁴ इल्‍हा मत्‍तिर इत्‍ते अंटोर्कुंकन्‍ना पेद्‍दा कोहानोर किरिस्‍तु वायानुर अस्‍के, बस्‍केने कळियसि होनवसोंटा पेद्‍दातनमता किरिटम मीकु दोर्कार.

1 पत्रु 5:4 Iomraidhean Croise

योहान 10:11

बेस मेहानोन ननाने आंदुन. बेस मेहानोर, गोर्रेनाहाटीं ओर ओना जीवा हींतोर.

1 कुरेंति 9:25

कर्सानोर अंटोर बेस करियसि ओरद-ओर तयारते मनंतुर, अदगुडा नासडेम आयाना किरिटम दोर्किच्‍कुनालय इवन्‍नि कींतुर. गानि मनम अय्ते बस्‍केने नासडेम आयवा किरिटम दोर्किच्‍कुनालय कींतोम.

2 तिमोति 4:8

नावाहाटीं इर्सि मत्‍ता नीतिता किरिटम, सत्‍तेमते न्‍यायम कियना सामि, ओर मल्सि वातानाडु नाकु अदुन हींतोर. सिराप नाके आयो गानि, बोर-बोर अय्ते ओर दिस्‍सना रोजुन पावरमते एदुर हूळसेक मंतुरो, ओर्कु अंटोर्कगुडा हींतोर.

इब्रि 13:20

सांति हिय्यना पेन दाना विचारम परकारम मिमेट कियालय, मीकु अन्‍नि तीरकुना बेसता पोल्‍लें हिय्यि. येसु किरिस्‍तुनाहेंदाल मीवा पिस्वरते दान्क नच्‍चना पोल्‍लें जर्गिं. किरिस्‍तु येसुना नेत्‍तुरहेंदाल पेन मातोनि बस्‍केळ्‍क मननाहाटीं पूना करारतुन निल्‍हाता. इद पूना करार निल्‍लना इंचि पेन येसुन हामुरताल मर्रा जीवाते तेहाता. इल्‍हा येसु किरिस्‍तु मावा बेस मेहानोर आतोर. मनकालोर अंटोर बस्‍केळ्‍ताहाटीं ओन्‍के कदर हिय्यिर. आमीन.

याकोब 1:12

बोर अय्ते परिक्‍सां वातस्के अवुन ओर्सकुंतोर, ओर आसिर्वाद दोर्कतोर आंदुर. बारित्‍ते परिक्‍साने गट्‍टिगा नित्‍तिसि मंचि बोर अय्ते पेनदुन पावरम कींतोर, ओनकु पिस्वरता किरिटम हींतन इंचि पेन पोल्‍ले हीसि मत्‍ता, अद ओनकु हिय्यार.

1 पत्रु 1:4

इंका अद बस्‍केने नासडेम आयवद, तप्पु हिलवद आनि कर्गुवसोंटा वारसान हक्‍क स्वर्गमते मीवाहाटीं इर्सि मंता.

1 पत्रु 2:25

मुन्‍ने मिमेट हर्रि तप्‍ता गोर्रेनलेसीं तिरियसेक मत्‍तिर. गानि इंदके मीवा जीवातुन कापाळसि कोहानोनगा मल्सि वातिर.

1 पत्रु 5:2

मीवा जिम्मेदारिते मत्‍ता पेनदा मंदातुन पोस कीम्‍टु. इद कबळ बलमिते आयो गानि पेनदा इच्‍चा परकारम कुसिते कीम्‍टु, दोंगा कमाइताहाटीं आयो गानि मनसुनाल कीम्‍टु.

1 योहान 3:2

नावा पावरमगल्‍लोरिटा! इंदके मनम पेनदा पिलाल्‍कुम आंदुम. गानि वायाना कालमते मनम बल्हा बतल मनंतोम इत्‍तद, इंका तेळिया हिल्‍ले. अय्नागानि, किरिस्‍तु मर्रा मल्सि वायानुर अस्‍के, ओर बल्हा मंतोर अल्हे ओन मनम हूळांतोम. अस्‍के मनमगुडा ओनालेसींगे मनंतोम इंचि माकु एरपाट मंता.

पेन हुपिस्‍ता पोल्‍लें 1:7

हुळाट, येसु किरिस्‍तु मब्बु तेर्पेनतोनि वासेक मंतोर. अंटोर ओन हूळानुर. ओरव्टे ओन कोह्‍कतोरगुडा मंदानुर. दुनियातोर अन्‍नि वंसाल्कुना लोकुल्‍क सातितुन तंचेके दुक्‍कम कियानुर. हो इल्हे आयार आमीन!

पेन हुपिस्‍ता पोल्‍लें 2:10

बव तिप्‍पल्‍क अय्ते नीकु वायानव मंतां अवुना बारेमते निमे वेरियमा. हुळाट! देय्यम मी अव्टेटाल इच्‍चुर लोकुल्‍कुन जेलने वाटंता, मीवा विस्वासमता परिक्‍सा एतालय अल्हा जर्गार. मीकु पदि रोजकु तिप्‍पल्‍क अर्रापींता. हायाना वेला वायिनागानि मिमेट विस्वासमते गट्‍टिगा मंटु. अस्‍के मीकु पिस्वरता किरिटम हींतन” इंचि इत्‍ता.

पेन हुपिस्‍ता पोल्‍लें 3:11

नना बिरानेन निहागा वांतन. नीवा किरिटमतुन निहागटाल बोरे गुंजा मन्‍नि इंचि, निहागा बतलय्ते विस्वासम मंता अदुन इंका गट्‍टिगा पीसि ताका.