1 पत्रु 5:14 - पवित्र पोल्‍ले

¹⁴ मिमेट वरोंक-वरोर कय कल्‍पिसि पवित्र पावरमते जोहार कीम्‍टु. बोर अय्ते किरिस्‍तुने मंतुर मी अंटोर्क सांति दोर्कि.

1 पत्रु 5:14 Iomraidhean Croise

मत्‍तयाल 5:47

निमे ओक्‍कला नीवा दंटातोर्कुनतोने बेस मत्‍ते, निमे वेरे बतल बेस कीसंतिन? यहुदि आयवोरगुडा अल्हे कींतुर.

योहान 14:27

नना मीकु सांतितुन हीसि होंचंतन. दुनिया हियानसोंटा सांति आयो, गानि नना नावा सांतितुन मीकु हीसंतन. अदुनहाटीं मिमेट मीवा मनसुन कस्‍टमते वाटमट, वेरिया हियमट.

योहान 16:33

नाहगटाल मीकु सांति दोर्कि, इंचि इव पोल्‍लें मीकु वेहतन. दुनियाते मीकु तिप्‍पल्‍क-कस्‍टाल्‍क वायनुं, गानि नना दुनियाता ताकततुन गेल्सतन, अदुनहाटीं मिमेट बेस दैरनेमते मंटु,” इंचि येसु वेहतोर.

योहान 20:19

अदे रोजु इत्‍ते वारमता मोदाटा रोजु, पोळ्‍द अर्रना वेलाक, सिस्युल्क अंटोर, यहुदि पेद्‍दाल्कुना वेर्रेक, तल्‍पुंक तालम वाटसि, उंदि अर्राते जमा आसि मत्‍तुर. अचानक, येसु ओरा नड्‍डुम वासि निल्‍सि, “मीकु सांति दोर्कि,” इंचि इत्‍तोर.

योहान 20:26

ओर अल्हा इंचि एनिमिदि रोजुक आता पजा, सिस्युल्क मर्रा अदे लोते तल्‍पुंक तालम वाटसि जमा आसि मत्‍तुर. ई मल्का ओरतोनि तोमालगुडा मत्‍तोर. तल्‍पुंक तालम वाटसि मननेंकेगुडा येसु ओरा नड्‍डुम वासि निल्तोर. निलसि, “मीकु सांति दोर्कि,” इंचि इत्‍तोर.

रोम सहरतोरहाटीं पौलुसना सिट्‍टि 1:7

रोम सहरते मनना मीकु अंटोर्क ई सिट्‍टि रासि नना बतल वेहासेक इत्‍ते, पेनदुक मिमेट इत्‍ते वेल्‍लेन पावरम. इंका अद मीकुन दाना पवित्र लोकुल्‍क आयालय केयता. मना पेनबाबाल आनि येसु किरिस्‍तु सामिनहेंदाल मीकु कुर्पा, सांति दोर्कि.

रोम सहरतोरहाटीं पौलुसना सिट्‍टि 16:16

मिमेट वरोंक वरोर कलियतस्‍के पवित्र पावरमते जोहार कीम्‍टु. किरिस्‍तुना अन्‍नि कलिसियानाहेंदाल मीकु जोहार.

रोम सहरतोरहाटीं पौलुसना सिट्‍टि 8:1

अदुनहाटीं बोर अय्ते येसुन नम्मिसि ओनतोनि कलियतुर, ओर्क पेन सिक्‍सा हिय्यो. बारित्‍ते येसुन विस्वासम कीतोर, ओर ओरा बुद्‍दि मत्‍ताप आयो गानि आत्मा वेहताप ताकंतुर.

1 कुरेंति 1:30

पेनदाहेंदाले येसु किरिस्‍तुनलोप्‍पो मीवा पिस्वर मंता, किरिस्‍तुनाहेंदाल मनाकु तेल्वि, नीति, पवित्र आतोम आनि पापमता सिक्‍साताल पिसतोम.

1 कुरेंति 16:20

इग्‍गेटा अंटोर विस्वासुल्‍क मीकुन जोहर कीसेक मंतुर. मिमेट वरोंक-वरोर पवित्र पावरमते कलियसि जोहार वेहकुंट.

2 कुरेंति 13:12

मिमेट वरोंक-वरोर कलियतस्‍के पवित्र पावरमते जोहार कीम्‍टु.

2 कुरेंति 5:17

बल्हा इत्‍ते, इंदके बोर अय्ते किरिस्‍तुने मंतोर, ओर पूना मनकल आतोर. पळाना पिस्वर होत्‍ता, पूना पिस्वर सुरुव आता.

इपीसि 6:23

अंटोर विस्वासुल्कुंक पेनबाबाल आनि सामि येसु किरिस्‍तुनहेंदाल, सांति आनि विस्वासमतोनि पावरम दोर्कि.

1 तेसलोनि 5:26

अंटोर विस्वासुल्‍क, वरोंक-वरोर कय कल्‍पिसि पवित्र पावरमते जोहार कीम्‍टु.

1 पत्रु 1:2

पेनबाबाल मीकुन मुन्‍नेन पेरसि निलाहतोर. अदुनहाटींगे, मिमेट येसु किरिस्‍तु वेहताप ताकगोम, ओना पोंगता नेत्‍तुरते मीवा पापाल्क पायसि होनगोम इंचि पवित्र आत्माताहेंदाल मीकुन पवित्र कीतोर. पेनदा कुर्पा, सांति मीक इरगा दोर्किकांटी.

3 योहान 1:14

बिरानेन नीकु कलियना इंचि नना आसे पडसेक मंतन. कलियतस्‍के, मनम मोकोम मुन्‍नेन वळ्‍क्‍कुनकोम.