1 पत्रु 4:9 - पवित्र पोल्‍ले

⁹ बतले गुल्‍गाकोंटा वरोंक-वरोर हेडमितोरलेसीं बेस हूळकुंटु.

1 पत्रु 4:9 Iomraidhean Croise

रोम सहरतोरहाटीं पौलुसना सिट्‍टि 12:13

पेनदा लोकुल्‍कुंक अव्‍सरम अरतस्के मिहगा मत्‍तद ओर्क हीसि सहायम कीम्‍टु, बोरन्‍ना विस्वासुल्‍क मी लोन वातस्के ओरा सेवा कियालय बस्‍केळ्‍क तयार मंटु.

रोम सहरतोरहाटीं पौलुसना सिट्‍टि 16:23

नाकुन, कलिसियातोर्कुन हेडमितोरलेसीं बेस हूळना गयुसनाहेंदाल मीकु जोहार. इद नाटेना कोत्‍तना व्यवहार कियानोर, इरास्‍तुसना हेंदाल मीकु जोहार. अल्‍हेने कवारतुस दादानाहेंदाल मीकु जोहार.

2 कुरेंति 9:7

अदुनहाटीं गुल्‍गामन्‍नि, जबरदस्‍ति कियामन्‍नि हरेक मनकल बल्हा हींतन इंचि विचारम कीतोरो, अल्‍हेने हिय्याना. अल्हा आनंदमते हियानोन पेन पावरम कींता.

पिलिपिया 2:14

बद कबळ कियिनागानि गुल्‍गाकोंटा, जगडम कियाकोंटा कीम्‍टु.

1 तिमोति 3:2

पजा आ पेद्‍दा मनकना पिस्वरते बतले दोसेम मननायो. ओर उंदे मुरतटा मुय्दो आयगोम, ओर ओप्के पीसि मनानोर आयगोम, ओर विचारम कीसि ताकानोर आयगोम, अंटोर ओना कदर कियनालायक ओर मनगोम, ओर वेरेतोर्कुन बेस हूळकुनानोर आयगोम आनि वेरेतोर्क कराहनालायकगुडा मनगोम.

तीतु 1:8

गानि आ अदिकारि हेडमितोन बेस हूळकुनानोर आयगोम, बेस कियमळतुन पावरम कियानोर आयगोम, मनसुना आसेन आपिसि पीसि मनानोर आयगोम, ओर सादा-सिंपल मनागोम, पवित्र आनि सततुन आपकुंचि मनानोर आयगोम.

पिलेमोन 1:14

गानि निमे किय्‍याना इसोंटा बेसता कबळ कुसिते कियगोम, बल्‍मितोनि जर्गामन्‍नि इंचि नीवा पोल्‍ले हिल्वा नना इल्‍हा कियमळ नाकु बेस दल्‍गाहिल्‍ले.

इब्रि 13:16

वेरेतोराहाटीं बेस कियमळतुन आनि मिहगा मत्‍तव्टेटाल ओर्कु तूस हियमळतुन होळ्‍समट. इल्‍हा कियमळगुडा उंदि मोक्‍के आंद. दीनहेंदाल पेन कूस मनंता.

इब्रि 13:2

वाता हेळमितोर बोरे आयिर, ओर्कुन बेस हूळकुंटु. इल्‍हा इच्‍चुर लोकुल्‍क, एरपाट कियाकोन्‍नागानि पेनदा दूतन बेस हूळकुत्‍तुर.

याकोब 5:9

विस्वासुल्‍कुनिटा! वरोनपोर्रो वरोर चुगलीं वेहमट, अल्हा वेहतिर इत्‍ते मी पोर्रोने दोसेम दोसमळ जर्गंता. हुळाट, न्‍यायम कियानोर गलमातगा नित्‍तिसि मंतोर.