1 पत्रु 4:7 - पवित्र पोल्‍ले

⁷ इंदके दुनियाते मनना अन्‍निटवुना आकिर रोजकु दग्‍गेरा एवतां. अदुनहाटीं मिमेट पारतना कियानेंके बेस विचारमते, तेल्‍विते मंटु.

1 पत्रु 4:7 Iomraidhean Croise

मत्‍तयाल 24:42

बद रोजु मीवा सामि वायानुर अद मीकु एरपाट हिल्‍ले, अदुनहाटीं मिमेट तेल्‍विते मंटु.

मत्‍तयाल 25:13

पजा येसु सिस्युल्कुन इल्‍हा इत्‍तोर. “मनकना रूपमते पुटतोन नना वायानदगुडा इल्हे मनंता. अद रोजुन आनि वेलातुन मिमेट बिल्कुल एरपाट किय्‍यिर. अदुनहाटीं मिमेट तेल्‍विते मंटु,” इत्‍तोर.

लूकाल 21:34

“अदुनहाटीं मिमेट पार्टिं किय्युड, कल उनुड इंका इद दुनियाता रंदिनेन मीवा मनसु मनना आयो. गानि नना मर्रा वायना रोजु अचानक अर्रना कोम्मालेह्का मीपोर्रो वासि अर्राकोंटा मीवद मिमेट जेगर्ता मंटु.

लूकाल 21:36

अदुनहाटीं वेल्‍लेन उसारते मंचि, बव अय्ते गटनां जर्गनद मंता, अव अन्‍नि गटनानाल पिस्‍सनाहाटीं ताकत दोर्कगोम इंचि बस्केळक पारतना कीसेक मंटु. अल्हा मत्‍तिरित्‍ते, बस्के अय्ते मनकना रूपमते पुटतोन नना वांतन, अस्‍के नावा मुन्‍ने वेरियाकोंटा नित्‍ता परकिट.”

लूकाल 22:46

अस्‍के येसु ओर्कुन, “मिमेट बारि निद्रा होत्‍तिर? तेदट! तेदसि मिमेट पट्‍टुने अर्राकोंटा मननाहाटीं पारतना कीसेके मंटु,” इंचि इत्‍तोर.

रोम सहरतोरहाटीं पौलुसना सिट्‍टि 12:12

पेन हीता आसेते मिमेट बस्‍केळ्‍क कूस मंटु. तिप्‍पल्‍क वायिनागानि पजोळ्क होनाकोंटा ओर्सकुंटु. बस्‍केळ्‍क पारतना कीसेके मंटु.

1 कुरेंति 15:24

अदुन पजा, पूरा सरकार, पूरा अदिकार आनि ताकत इव अन्‍निन किरिस्‍तु नासडेम कीसि पेनबाबाना कय्‍दे राज्येम अप्‍पजेप्‍पंतोर. अस्‍के बूमिता आकिर आयार.

1 कुरेंति 7:29

विस्वासुल्‍कुनिटा! नना वेहानद बतल इत्‍ते, वेला तक्‍को मंता. अदुनहाटीं इंदकेटाल मुन्‍ने बोन्क मुत्‍तो मंता, ओर मुत्‍तो हिल्‍वाप मंदना.

इपीसि 6:18

अन्‍नि वेलाने पवित्र आत्माते बस्‍केळ्‍क पारतनां, विनंतिं कीसेके मंटु. इंका अंटोर विस्‍वासुल्‍कुनाहाटीं आगाकोंटा बस्‍केळ्‍क पारतना कीसेके मंटु.

पिलिपिया 4:5

मिमेट सादा-सिंपलतोर इंचि अंटोर्क तेळियनाल पिस्‍सट, बारित्‍ते सामि वायाना वेला दग्‍गेरा मंता.

कुलुसि 4:2

मिमेट बस्‍केळ्‍क पेनदुक पारतना कीसेके मंटु. दानकु दन्यवाद कीसेके जेगर्ताते मंटु.

2 तिमोति 4:5

गानि निमे बसोंटा परिस्तिति वायिना, पजोळ्क होनाकोंटा नित्‍तिसि मन. तकलिप्क वाते सहन कीम, बेसता कबुरतुन वेहाना नीवा कबळतुन कीसेके, निमे कियना पेनदा सेवाता कबळ पुरागा कीम.

तीतु 2:12

अद दया मनाकु, मनम पेनदुक नच्‍चुवा पिस्वर आनि सततुन आपकुंचि, इद दुनियाते बेस बक्‍तिते, सवरटा हर्दे आनि पेनदुक नच्‍चना पिस्वर पिसगोम, इंचि कराहंता.

इब्रि 10:25

आरादनाहाटीं उंदगा जमा आयाना जेगाते वायाकोंटा मनमळ इच्‍चुर्कु अलवट आसि मंता. गानि मनम ओरलेह्का मनामन्‍नि. मुक्‍केमाता पोल्‍ले बतल इत्‍ते, येसु सामि मरुंदि मल्का वायाना रोजु दग्गेर्क वासंता, अदुनहाटीं मनम अंटोरम उंदासि, वरोंक-वरोर दैरनेम हीसेक मुन्‍ने अरकोम इंचि इंकिच्‍चो जिद्‍दिते वेहासेक मंदना.

इब्रि 9:26

ओक्‍कला अल्हा ऊके-ऊके मोक्‍कु हियमळगिंटा आसि मत्‍ते, दुनिया पुट्तस्केटाल इदवेरदाका बच्‍चुंगो मल्कां किरिस्‍तुंक ओना जीवा हिय्या पियवड. गानि इद युगमता आकिरते, किरिस्‍तु सतता मोक्‍कु हीसि, पापमतुन नासडेम कियानाहाटीं उंदे मल्का वातोर.

1 पत्रु 1:13

अदुनहाटीं मिमेट बेसता बुद्‍दितोनि, हुसारते मंटु. येसु किरिस्‍तु मर्रा मल्सि वातस्के मीक दोर्कना कुर्पाताहाटीं पूरा आसेते मंटु.

1 पत्रु 3:7

अल्‍हेने मुय्दुर्कुनिटा! मीवा मुत्‍तोह्कुंकगुडा मी अचोने पेनदा कुर्पाता वारसान हक्‍क मंता. गानि अवुंक मीलेसीं ताकत हिल्‍ले. अदुनहाटीं मिमेट मुत्‍तोह्कुंक बेस कदर हीसि पिस्‍सट. अस्‍के मीवा पारतनाकु बतले अड्‍डम वायो.

1 पत्रु 5:8

मीवा पगातद पेद्‍दा देय्यम बोन तिनकन इंचि सिंहमतालेसीं वरगेयसेके नालुं मूलां तिरियसेक मंता, अदुनहाटीं हुसारते, तेल्‍विते मंटु.

पेन हुपिस्‍ता पोल्‍लें 16:15

अव आत्मां आ राजालोर्कुन इब्रानि बासाते अरमिगदोन इनना जेगातगा कल्‍पतां. अदुनहाटीं येसु, “हुळाट नना मिहगा दोंगानलेसीं वांतन, बोर अय्ते तेल्‍विते मंचि, केर्राना कपडिन कापाळकुंतोर ओरे आसिर्वाद दोर्कतोर आंद. बोरे आयिर अल्हा मनाकोंटे मेंदुल कुळकें दिस्‍सि लोकुल्‍कुना मुन्‍ने ओनद ओरे सिग्गु पोगोटकुत्‍तोर आंतोर” इंचि वेहतोर.