1 पत्रु 4:4 - पवित्र पोल्‍ले

⁴ इंदके मिमेट असोंटा पेद्‍दा बोगमतनाल्कुने ओरतोनि कलियसेके हिल्‍लिर इंचि ओर इचंत्रम आसेक मंतुर. अदुनहाटीं ओर मीकुन बदनाम कीसंतुर.

1 पत्रु 4:4 Iomraidhean Croise

मत्‍तयाल 23:25

अरे डोंगि दर्मसास्‍त्रम कराहना गुरुल्क आनि परिसिल्कुनिटा, मीकु गोसा तप्‍पो. बारित्‍ते, मिमेट गिन्‍नें-गिलासकु सिराप लोकुल्‍कुंक दिसालय पलाताल तोमसि साप कींतिर, गानि लोप्पो मात्रम मीवा कराब गुनाल्‍क, पापाल्क निंडिस मंतां.

लूकाल 15:13

“कोन्‍नि रोजकुना पजा, सिन्‍ना मर्रि ओना पालुंक वाता संपत्‍तितुन बोत्‍तिगा पीकुंचि, बेकेनो लक्‍कु देसेम पेय्सि होत्‍तोर. अगा होंचि बोगम कबाह्‍कुने ओना संपत्‍तितुन नासडेम कीतोर.

प्रेरितुल्‍कुना कबाह्‍क 13:45

अच्‍चो वेल्‍ले मंदितुन हूळसि यहुदिल्कुना जीवा मसुल्ता, अदुनहाटीं ओर पौलुसना पोल्‍लेंक विरोद कीसि ओन बदनाम कियालय दल्‍गतुर.

प्रेरितुल्‍कुना कबाह्‍क 18:6

गानि यहुदि लोकुल्‍क पौलुसुन हय्‍सा हिल्‍लुर. ओना अपमानम कीतुर. अस्‍के पौलुस ओना कपडिं दुल्‍पसेके ओर्कुन, “मीवा नेत्‍तुर मीवा तल्‍लापोर्रो अर्रि. अव्टे नावद बतल दोसेम हिल्‍ले. इंदकेटाल नना वेरे जातितोर हेके दांतन,” इंचि इत्‍तोर.

रोम सहरतोरहाटीं पौलुसना सिट्‍टि 13:13

पोद्‍दला ओप्‍पनालायक मनम ताकाना. अदुनहाटीं लावारिस तिरिया मनि, कराब पार्टिं कियामन्‍नि, रिम्मा वायानव उनामन्‍नि, बोगम कबाह्‍क कियामन्‍नि, जगडाल्‍क कियामन्‍नि, इंकावरोन पोर्रो कळ्‍क पोत्‍ता मन्‍नि, गानि मनम बेसता हर्दे ताकाना.

इपीसि 5:18

इरगा कल उंचि ऊंगसेके मनमट, कल रिम्माते मीहेंदाल पापम जर्गा पर्रंता. कल उंचेके मनानदानकन्‍ना पवित्र आत्माते निंडिसि मंटु.

1 पत्रु 2:12

मिमेट अविस्वासुल्‍कुना नड्‍डुम मंतिट इंचि बेस ताकट. ओर मीकुन कराब लोकुल्‍क इंचि बदनाम किय्यिनागानि मीवा बेस कबाह्‍कुन हूळसि, पेन वायाना रोजुने ओर इंका पेनदा कदर कियानुर.

1 पत्रु 3:16

गानि मिमेट किरिस्‍तुना लोप्पो बेस पिसमळतुन हूळसि बोर अय्ते मीवा अपमानम कींतुर, असंटोर्क मीवा ताकमळतुन हूळसि सिग्गु वायानाल मीवा विवेक बुद्‍दितुन बेस इर्सि ताकट.

2 पत्रु 2:12

गानि ईर ई लोकुल्‍क ओर्क तेळियवा पोल्‍लेना बारेमते तेराहसेक मनांतुर, दोर्कापीसि हव्कानाहाटीं पुटता बुद्‍दि हिल्वा जिवरासिनसंटोर ईर आंदुर. अवुनालेसीं ईरगुडा नासडेम आंतुर.

2 पत्रु 2:22

इद ओरा बारेमते, “नय अद कक्‍कुतदुन तिनालय मर्रा मल्‍लंता, बेस नोरता पद्‍दि मर्रा बुर्दातेन पोर्लंता,” इनना निजम सात्रम परकारम जर्गता.

यहुदा 1:10

ई लोकुल्‍कुंक बव पोल्‍लें अय्ते तेळियों अवुन हय्सुर, गानि बुद्‍दि हिल्वा जिवरासिनलेसीं बव पोल्‍लें अय्ते ओर्क तेळियंतां अवुनाहेंदाले ओर नासडेम आंतुर.