1 पत्रु 4:16 - पवित्र पोल्‍ले

¹⁶ ओक्‍कला मीलोप्‍पो बोरन्‍ना किरिस्‍तुनोर आताहाटीं तकलिपकु बोगांचनय्ते, ओर सिग्गु अर्रानायो, गानि किरिस्‍तुना पोरोल दोर्कताहाटीं पेनदुक महिमा हियागोम.

1 पत्रु 4:16 Iomraidhean Croise

प्रेरितुल्‍कुना कबाह्‍क 11:26

अगा ओन दोर्किच्‍कुंचि अंताकियाक पीसि वातोर. अगा ओर इव्वुर अगाटा कलिसियातोर्क कलियसेके, वेल्‍लेन लोकुल्‍कुंक कराहसेके मत्‍तुर. इल्‍हा ओर इव्वुर उंदि एडादिमेड अंताकियातेन मत्‍तुर. अय्ते मोट्‍टा मोदाला सिस्युल्कुन “किरिस्‍तुनोर” इंचि इन्‍मळ ई अंताकियातेन जर्गुता.

प्रेरितुल्‍कुना कबाह्‍क 26:28

अस्‍के, “बिरानेन नाकुन किरिस्‍तुनोन कियालय हूळसंतिना?” इंचि अग्रिपाल पौलुसुन इत्‍तोर.

प्रेरितुल्‍कुना कबाह्‍क 28:22

गानि अन्‍नि जेगाने नासरेत पार्टितोरा विरोदतेन वळ्‍कानद माकु एर्का मंता. अयना नीवा विचारम बतल मंता, इद मोमोट नीवाहेंदाले केंजंतोम,” इंचि इत्‍तुर.

प्रेरितुल्‍कुना कबाह्‍क 5:41

प्रेरितुल्कुन होळसीतस्के, येसुना पोरोलताहाटीं मोमोट देब्बां तित्‍तोम, इंचि बेस आनंदमते पंचादिताल पेय्सि होत्‍तुर.

पिलिपिया 1:20

नाकु बसोंटा परिस्तिति वायिना सिग्गु अर्रोन, नना इदवेरादाका दैरनेमते किरिस्‍तुना सेवा कीतन, अल्‍हेने इंदकेगुडा कीसेक मंतन. नना हायिना-पिस्सिना नावा पिस्वरताहेंदाल किरिस्‍तुना पोरोल्तुन अंटोर कदर कियगोम इंचि नना वेल्‍लेन आसेते एदुर हूळसेक मंतन.

पिलिपिया 1:29

सिराप किरिस्‍तुन विस्वासम कियालये आयो गानि ओनाहाटीं तिप्‍पल्‍क अर्रालयगुडा पेन किरिस्‍तुनहेंदाल मीकु आसिर्वाद हीता.

2 तिमोति 1:12

इदुनाहाटींगे नना इद जेलते तकलिप्क बोगांचेक मंतन. अय्नागानि नना सिग्गु अर्रोन. बारित्‍ते नना बोनपोर्रो विस्वासम इरतन ओर नाकु एर्के. इंका ओर नाकु बतल अय्ते अप्पजेपतोरो अदुन, मल्सि वायाना आ रोजु वायनदाका कापाळा परांतोर इंचि नाकु बरोसा मंता.

याकोब 2:7

किरिस्‍तुना कदर हियना पोरोल मीक दोर्कता, अद पोरोलतुनगुडा अपमानम कियानुर ईरे दनवंतुल्‍क गदा?

1 पत्रु 2:12

मिमेट अविस्वासुल्‍कुना नड्‍डुम मंतिट इंचि बेस ताकट. ओर मीकुन कराब लोकुल्‍क इंचि बदनाम किय्यिनागानि मीवा बेस कबाह्‍कुन हूळसि, पेन वायाना रोजुने ओर इंका पेनदा कदर कियानुर.

1 पत्रु 4:11

बोन्क अय्ते पेनदा पोल्‍ले वेहाना वरम दोर्कता, ओर पेन वेहतापे वळ्कना. बोर अय्ते सेवा कींतोर, ओर पेन हिय्यना बलमतेने कियाना. अन्‍नि पोल्‍लेने येसु किरिस्‍तुनाहेंदाल पेनदुके महिमा दोर्काना. महिमा आनि ताकत युगा-युगाल्‍कुनदाका पेनदादे आंद. आमीन.

1 पत्रु 4:14

मीकुन ओक्‍कला बोरन्‍ना किरिस्‍तुना पोरोलताहेंदाल अपमानम कीते, मिमेट आसिर्वाद दोर्कतोरे आंदिर. बारित्‍ते पेनदा महिमाता आत्मा मीपोर्रो मंता.

1 पत्रु 4:19

अदुनहाटीं बोर अय्ते पेनदा इच्‍चा मत्‍ताप तकलिप अरसेक मंतुरो, ओर बेसता कबाह्‍क कीसेके, मनाकुन पुटिस्ता विस्वासमल्‍ला पेनदुक ओरा आत्मानु अप्पजेप्पना.