1 पत्रु 4:14 - पवित्र पोल्‍ले

¹⁴ मीकुन ओक्‍कला बोरन्‍ना किरिस्‍तुना पोरोलताहेंदाल अपमानम कीते, मिमेट आसिर्वाद दोर्कतोरे आंदिर. बारित्‍ते पेनदा महिमाता आत्मा मीपोर्रो मंता.

1 पत्रु 4:14 Iomraidhean Croise

मत्‍तयाल 5:11

“मिमेट नावा सिस्युल्क आताहाटीं लोकुल्‍क मीवा अपमानम कींतुर, तिप्‍पल्‍क कींतुर, मीवा विरोदमते बच्‍चुंगो आबद्‍दम पोल्‍लें वेहांतुर, अस्‍के मीकुगुडा पेन आसिर्वाद हींता.

मत्‍तयाल 5:16

अदुनहाटीं मीवा पिस्वर लोकुल्‍कुना मुन्‍ने इल्‍हा मनना गदा मीवा वेलगुनसोंटा बेसता कबाह्‍कुन हूळसि वेरेतोर स्वर्गमता बाबानद कदर कियानुर.

लूकाल 6:22

मनकना रूपमते पुटता पेनदा मर्रिना सिस्युल्क आताहाटीं, बस्के अय्ते लोकुल्‍क मीकुन हय्साकोंटा आंतुर, गेदमिसींतुर, अपमानम कींतुर, मिमेट हेळसोत्‍तिर इंचि, मीवा पोरोल एताकोंटा आंतुर, अस्‍के मीकु पेन आसिर्वाद हींता.

योहान 15:21

नाकुन लोहचीतोन ओर एरपाट किय्युर, अदुनहाटीं ओर मीकुन नावा पोरोलहाटीं इव अन्‍नि तकलिप्क कींतुर.”

योहान 8:48

अस्‍के यहुदिल्क, “निमे सामरियातोन आंदिन, नीकुन देय्यम पीता, इंचि इनानय्ते, मोमोट इनानद निजमे गदा?” इंचि येसुन पूसकीतुर.

योहान 9:28

अस्‍के परिसिल्क, “निमेन ओना सिस्युन आंदिन, मोमोट मूसाना सिस्‍युल्‍कुम आंदुम.

योहान 9:34

इव पोल्‍लें केंजसि परिसिल्क, “निमे अय्ते पुरागा पापमते पुट्‍सि-बेरस्तोन आंदिन. निमे माकु कराहंतिना?” इंचेके आ मनकन पेचाहचि गेदुमतुर.

प्रेरितुल्‍कुना कबाह्‍क 13:45

अच्‍चो वेल्‍ले मंदितुन हूळसि यहुदिल्कुना जीवा मसुल्ता, अदुनहाटीं ओर पौलुसना पोल्‍लेंक विरोद कीसि ओन बदनाम कियालय दल्‍गतुर.

प्रेरितुल्‍कुना कबाह्‍क 18:6

गानि यहुदि लोकुल्‍क पौलुसुन हय्‍सा हिल्‍लुर. ओना अपमानम कीतुर. अस्‍के पौलुस ओना कपडिं दुल्‍पसेके ओर्कुन, “मीवा नेत्‍तुर मीवा तल्‍लापोर्रो अर्रि. अव्टे नावद बतल दोसेम हिल्‍ले. इंदकेटाल नना वेरे जातितोर हेके दांतन,” इंचि इत्‍तोर.

प्रेरितुल्‍कुना कबाह्‍क 28:22

गानि अन्‍नि जेगाने नासरेत पार्टितोरा विरोदतेन वळ्‍कानद माकु एर्का मंता. अयना नीवा विचारम बतल मंता, इद मोमोट नीवाहेंदाले केंजंतोम,” इंचि इत्‍तुर.

प्रेरितुल्‍कुना कबाह्‍क 5:41

प्रेरितुल्कुन होळसीतस्के, येसुना पोरोलताहाटीं मोमोट देब्बां तित्‍तोम, इंचि बेस आनंदमते पंचादिताल पेय्सि होत्‍तुर.

2 कुरेंति 12:10

नना कमजोर आतस्‍केने, किरिस्‍तुना लोप्पो गट्‍टिगा मनंतन. अदुनहाटीं कमजोर आयिना, अपमानम आयिना, कस्‍टम आयिना, सताव आयिना आनि आपत्‍तिं वायिना नना कुसिते मनंतन.

2 कुरेंति 4:10

येसुना पिस्वर मावा मेंदुल्ते दिस्‍सागोम इंचि येसुना हामुटुन बस्‍केळ्‍क मा मेंदुल्ते पीसि तिरियंतोम.

2 कुरेंति 4:16

अदुनहाटीं मोमोट दैरनेम होळसोम. मावा मेंदुल पलाताल जिग्‍गि हिलाकोंटा आसेके मंता, गानि लोप्पो मंदना आत्मा मात्रम रोज पूनगा आसेके मंता.

गलातिया 1:24

इल्‍हा इंचेके ओर नावाहेंदाल पेनदुन तल्‍सकुनुंदुर.

इब्रि 11:26

पेनदाहेंदाल दोर्कना इनामुनाहाटीं ओर उंदितीर एदुर हूळसेक मत्‍तोर. अदुनहाटीं ओर इजिप्‍त देसेमता दनम-संपत्‍तिकन्‍ना, किरिस्‍तुनाहाटीं अपमानम सहन कियमळतुने पेद्‍दा दनम इन्कुत्‍तोर.

याकोब 1:12

बोर अय्ते परिक्‍सां वातस्के अवुन ओर्सकुंतोर, ओर आसिर्वाद दोर्कतोर आंदुर. बारित्‍ते परिक्‍साने गट्‍टिगा नित्‍तिसि मंचि बोर अय्ते पेनदुन पावरम कींतोर, ओनकु पिस्वरता किरिटम हींतन इंचि पेन पोल्‍ले हीसि मत्‍ता, अद ओनकु हिय्यार.

याकोब 5:11

हुळाट! बोर अय्ते ओप्के पीसि मत्‍तुर, ओर्कुन आसिर्वाद दोर्कतोर इंतोम. अय्यूब ओप्के पीसि मत्‍ताहेंका ओन्क पेनदाहेंदाल आसिर्वादगुडा दोर्कता इंचि मिमेट केंजतिरे. इदुनहेंदाल पेन एक्‍को जीवा कियानद, दया कियानद आंदु, इंचि तेळियंता.

1 पत्रु 2:12

मिमेट अविस्वासुल्‍कुना नड्‍डुम मंतिट इंचि बेस ताकट. ओर मीकुन कराब लोकुल्‍क इंचि बदनाम किय्यिनागानि मीवा बेस कबाह्‍कुन हूळसि, पेन वायाना रोजुने ओर इंका पेनदा कदर कियानुर.

1 पत्रु 3:14

ओक्‍कला मिमेटगिंटा नीति कबाह्‍क कियानेंके मीक कस्‍टाल्‍क वायिना, पेन मीक आसिर्वाद हिय्यार. ओर वेराहते मिमेट वेरियमट, परेसान आयमट.

1 पत्रु 3:16

गानि मिमेट किरिस्‍तुना लोप्पो बेस पिसमळतुन हूळसि बोर अय्ते मीवा अपमानम कींतुर, असंटोर्क मीवा ताकमळतुन हूळसि सिग्गु वायानाल मीवा विवेक बुद्‍दितुन बेस इर्सि ताकट.

1 पत्रु 4:16

ओक्‍कला मीलोप्‍पो बोरन्‍ना किरिस्‍तुनोर आताहाटीं तकलिपकु बोगांचनय्ते, ओर सिग्गु अर्रानायो, गानि किरिस्‍तुना पोरोल दोर्कताहाटीं पेनदुक महिमा हियागोम.

2 पत्रु 2:2

वेल्‍ले लोकुल्‍क ओरा सिग्गु हिल्वा कबाह्‍कुन हूळसि ओरालेह्केन कियानुर. ओरसंटोराहाटींगे सत्‍तेमता हर्रि बदनाम आंता.