1 पत्रु 4:11 - पवित्र पोल्‍ले

¹¹ बोन्क अय्ते पेनदा पोल्‍ले वेहाना वरम दोर्कता, ओर पेन वेहतापे वळ्कना. बोर अय्ते सेवा कींतोर, ओर पेन हिय्यना बलमतेने कियाना. अन्‍नि पोल्‍लेने येसु किरिस्‍तुनाहेंदाल पेनदुके महिमा दोर्काना. महिमा आनि ताकत युगा-युगाल्‍कुनदाका पेनदादे आंद. आमीन.

1 पत्रु 4:11 Iomraidhean Croise

मत्‍तयाल 6:13

माकुन पट्‍टुने अर्राकोंटा कापाळा, सेड्‍डातनमताल माकुन पिसागोट्‍टा. बस्केळक राजाल निमेन आंदिन. अदुनहाटीं ताकत आनि महिमा बस्केळक नीवदे आंद.” आमीन!

योहान 13:31

यहुदल पलाते होत्‍तस्के, येसु इल्‍हा वेहालय दल्‍गतोर. “मनकना रूपमते पुटतोंक नाकु, महिमा दोर्कना वेला इंदके एव्ता. नाकु जर्गना अन्‍निटवुनहेंदाल पेनदुक महिमाता कदर दोर्कार.

प्रेरितुल्‍कुना कबाह्‍क 7:38

मना इस्राएल लोकुल्‍क बय्‍लि जेगाते मत्‍तस्के ओरतोनि कलियसि मत्‍तोर ईरे मूसाल आंदुर. इंका सिनाइ गुट्‍टापोर्रो पेनदा दूतातोनि ईरे मूसाल वळकुतोर. अचोने आयका पेन दाना पिस्वर हियना पोल्‍लेन मनाकु एवसानाहाटीं बोन्क अय्ते हीतानो ओर ईरे मूसाल आंदुर.

रोम सहरतोरहाटीं पौलुसना सिट्‍टि 11:36

दुनियाते मनानव अन्‍नि पेनदागटाले वातां, अन्‍निन अदे पुटिस्ता, दुनियाते मनानव अन्‍नि दानाहाटींगे मंतां. युगा-युगाल्‍कुनदाका दानदे महिमा आयि, आमीन.

रोम सहरतोरहाटीं पौलुसना सिट्‍टि 12:3

पेन दाना कुर्पाते नाकुन सेवक इंचि निलाहता, दानहाटीं नना मीकु वरोर-वरोंक बतल वेहसेक इत्‍ते, पेन मीक तूसि हीता विस्वासमता लेक्‍का परकारमे वळ्कना अचोने, दानकन्‍ना एक्‍को विचारम कियमट.

रोम सहरतोरहाटीं पौलुसना सिट्‍टि 3:2

विलवा अय्ते वेल्‍लेने मंता. अद बल्हा इत्‍ते, पेन दाना पोल्‍लेन मोट्‍टा मोदाला यहुदिल्कुंके हीता.

1 कुरेंति 10:31

अदुनहाटीं मिमेट उनमळ, तिनमळ बतल कियाना गानि पेनदा महिमाताहाटींगे कियाना.

1 कुरेंति 12:4

वरमकु वेरे-वेरे मनना गानि पवित्र आत्मा उंदे आंद.

1 कुरेंति 3:10

नाक पेन हीता कुर्पाहेंदाल, वरोर बेसता मिस्‍त्रिनलेसीं पुनादि दोहतन, दानपोर्रो इंकावरोर रद्‍दा दोस्सेक मंतोर, इल्‍हा वरोर-वरोर दानपोर्रो दोस्सानोर बल्हा रद्‍दा दोस्सेक मंतोर, ओर बेस हूळसि दोसना.

1 कुरेंति 6:20

बारित्‍ते पेन मीकुन दरा दोस्‍सि अस्‍कुत्‍ता, अदुनहाटीं मिमेट मीवा मेंदुलताहेंदाल दाना महिमा कीम्‍टु.

2 कुरेंति 2:17

बोर अय्ते पेनदा पोल्‍लें वेहचि सतता पायदा कीकुंतुर, असंटा वेल्‍लेटोरव्टेटाल मोमोट हिल्‍लोम. गानि मोमोट सत्‍तेम मनसुने, किरिस्‍तुना अदिकारमते पेनदा पोल्‍लें वेहासेक मंतोम. माकुन लोहता पेन माकुन हूळसेक मंता इंचि माक एरपाट मंता.

2 कुरेंति 9:13

बारित्‍ते मिमेट इद सेवा कीसि, किरिस्‍तुना बेसता कबुरतुन ओप्‍कुंचि अद मत्‍ताप ताकसेक मंतिर. अचोने आयाका पेनदा लोकुल्‍कुंक, वेरे अंटोर्कुंक मीवा मनसुनाल सहायम कीसेक मंतिट. इदुन हूळसि ओर पेनदा महिमा कींतुर.

इपीसि 1:19

अचोने आयाका किरिस्‍तुन हामुरताल मर्रा जीवाते तेहाचि स्वर्गमते दाना तिना बाजुंक उपिच्‍नेंके पेन दाना पेद्‍दा ताकततुन हुपिस्‍ता. अय्ते मनम किरिस्‍तुन विस्वासम कियानोरम उंदि आयालयगुडा अदे पेद्‍दा ताकत दानागा मंता. पेनदा ताकत बस्‍केन मारो, इदुन पेन मीकु तेळियागोट्‍टि इंचि नना विनंति कीसेके मंतन.

इपीसि 4:29

मीवा तोळ्‍दाल बस्‍केन कराब पोल्‍ले पेय्‍सानायो. केंजानोर्कुंक कुर्पा दोर्किसि, ओरा बक्‍तिते पायदा वायाना बेसता पोल्‍लेंगे पेय्‍सगोम. ओरा अव्‍सरमतुन पीसि मिमेट वळ्‍काना.

इपीसि 5:20

अन्‍नि पोल्‍लेनाहाटीं, मना सामि येसु किरिस्‍तुना पोरोलते मना पेनबाबांक बस्‍केळ्‍क दन्यवाद कीसेके मंटु.

इपीसि 6:10

आकिरते नना वेहानद बतल इत्‍ते, सामिनतोनि ओना पेद्‍दा ताकतते उंदासि मंटु.

पिलिपिया 1:11

मीवा पिस्वरते येसु किरिस्‍तु मत्‍ताहाटीं, मिमेट बस्‍केळ्‍क नीति कबाह्के कीसेक मंदना. दीनहेंदाल पेनदा पोरोल, कदर वेल्‍लेन बेरस्सेक दांता.

पिलिपिया 2:11

इंका “येसु किरिस्‍ते सामि आंदुर,” इंचि हरेक नाल्के ओप्कुनगोम. इल्‍हा पेनबाबांक कदर दोर्कना इंचि अल्हा कीता.

कुलुसि 4:6

हरेक मनकंक बेस जवाब हिया वायमळ गावाले इंचि मीवा पोल्‍ले बस्‍केळ्‍क कुर्पाते आनि होव्वोर वाटते रुसि मत्‍ताप मना पींता.

1 तेसलोनि 2:4

गानि पेन माकुन दाना बेसता कबुरता लायक कीसि, बेसता कबुरतुन वेहालय माक अप्पजेपता. अदुनहाटीं मावा मनसुन परिक्‍सा कीसि हूळना पेनदुन कूस कियालय वेहंतोम गानि मनकालोर्कुन कूस कियालय पेनदा पोल्‍ले वेहोम.

1 तिमोति 1:17

बस्‍केळ्‍क मनना राजाल, बस्‍केने नासडेम आयवोर, बस्‍केने दिस्सोर असोंटा मावा उंदे पेनदुक पीळि-पीळिनदाका कदर, पेदातनम दोर्कि. आमीन.

1 तिमोति 6:16

ओन्क बस्‍केने हामुर हिल्‍ले. मनम बोरे होना पर्रोम असोंटा वेल्‍गुने ओर मनंतोर. ओन इदवेरादाका बोरे हूळा हिल्‍लुर, बस्‍केने हूळा परुरगुडा. अंटावुंकन्‍ना बलमाता आ पेनदुके बस्‍केळ्‍क कदर दोर्कि. आमीन.

तीतु 2:1

निमे मात्रम बस्‍केळ्‍क सत्‍तेम बोदाकु ओप्‍पनालायक पोल्‍लें करहा.

तीतु 2:15

इव अन्‍नि पोल्‍लें निमे पूरा अदिकारमते दटांचि तेळियागोट्‍सि वेहा, करहा. नीकुन सिन्‍नगा बोने हूळा हियमा.

इब्रि 13:7

मीकु मोट्‍टा मोदाला पेनदा पोल्‍ले वेहता मीवा पेद्‍दाल्कुन मति कीम्‍टु. ओर बल्हा आकिरदाका पेनदापोर्रो विस्वासम इरसि पिस्तुरो मति कीसि, अल्हेन मिमेटगुडा ताकट.

इब्रि 5:12

अल्हा हूळते इदवेरदाका मिमेट गुरुल्क आया मत्‍ता. गानि इंदके मीके वेरे बोरन्‍ना वासि पेन हिय्यना मुक्‍ति बारेमता पोल्‍लें मर्रा कराहना अव्‍सरम मंता. मिमेट इदवेरदाकागुडा पाल उनानोरालेसींगे मंतिट, गाटो तिननालायक आया हिल्‍लिट.

याकोब 1:19

नावा पावरमगल्‍ला विस्वासुल्‍कुनिटा, मिमेट इद पोल्‍ले तेल्‍पिचकुंटु, हरेक मनकल केंजालय बिराना तयार मंदना, वळ्कालय ओप्के मंदना आनि बिराना होंग वायाकोंटा मंदना.

याकोब 1:26

बोरन्‍नागिंटा ओनद-ओर बक्‍तुन इनकुंतोर गानि ओना नाल्केतुन आपकुन्‍नोर, अय्ते ओर, ओनद-ओरे पसांचकुंचेके मंतोर. ओना बक्‍ति एर्तमे आंदु.

1 पत्रु 2:12

मिमेट अविस्वासुल्‍कुना नड्‍डुम मंतिट इंचि बेस ताकट. ओर मीकुन कराब लोकुल्‍क इंचि बदनाम किय्यिनागानि मीवा बेस कबाह्‍कुन हूळसि, पेन वायाना रोजुने ओर इंका पेनदा कदर कियानुर.

1 पत्रु 2:5

मिमेटगुडा जीवाते मंदना बंडानलेसीं पवित्र आत्माता लोन दोहचेक मंतिट. येसु किरिस्‍तुनाहेंदाल पवित्र आत्माता बक्‍तितुन मोक्‍कु हीताप पेनदुक ओप्‍पनालायक मनालय, मिमेट पवित्र पेर्मालोरलेसीं निलाहतुर आंदिर.

1 पत्रु 4:10

अंटोर्क वेरे-वेरे वरम दोर्कता, अदुनहाटीं वरोंक-वरोर सेवा कियालय पेनदा तीरतीराता कुर्पा दोर्कता बेसता दिवांजिनलेसीं अदुन वाळकुंटु.

1 पत्रु 4:16

ओक्‍कला मीलोप्‍पो बोरन्‍ना किरिस्‍तुनोर आताहाटीं तकलिपकु बोगांचनय्ते, ओर सिग्गु अर्रानायो, गानि किरिस्‍तुना पोरोल दोर्कताहाटीं पेनदुक महिमा हियागोम.

1 पत्रु 5:11

दानादे राज्येम युगा-युगाल्‍कुनदाका मन्‍निकांटी, आमीन.

यहुदा 1:25

अद उंदे पेनदुक, मनाकु मुक्‍ति हियानोर सामि येसु किरिस्‍तुनाहेंदाल, महिमा, पेद्‍दातनम, ताकत, अदिकारम मुन्‍नेटा कालमते मत्‍ताप इद कालमते आनि युगा-युगाल्‍कुनदाका मन्‍निकांटी, आमीन.