1 पत्रु 4:10 - पवित्र पोल्‍ले

¹⁰ अंटोर्क वेरे-वेरे वरम दोर्कता, अदुनहाटीं वरोंक-वरोर सेवा कियालय पेनदा तीरतीराता कुर्पा दोर्कता बेसता दिवांजिनलेसीं अदुन वाळकुंटु.

1 पत्रु 4:10 Iomraidhean Croise

मत्‍तयाल 20:28

बारित्‍ते मनकना रूपमते पुटतोन नना, सेवा कियागोटकुनालय वाया हिल्‍लेन गानि वेरेतोरा सेवा कियालय आनि वेल्‍लेटोर्कुन पापमताल पेचाहलय, ओराहाटीं नावा जीवा हियालय वातन,” इत्‍तोर.

मत्‍तयाल 24:14

पेनदा राज्येमता बारेमता बेसता कबुर दुनियाता अन्‍नि देसेल्‍कुना लोकुल्‍कुंक उंदि गवाइ इंचि तेळियागोटसि वेहतस्के, इद दुनियाता आकिर आयार.”

मत्‍तयाल 24:21

बारित्‍ते अद वेलाते इसोंटा तकलिप वायार गदा, दुनिया पुट्तस्केटाल अय्ते इदवेरादाका, बस्‍केन वाया हिल्‍ले. मुन्‍नेगुडा बस्‍केन वायो.

मत्‍तयाल 24:45

मालक हिल्वस्के ओनगा कबळ कियानोर्कुंक वेलापोर्रो गाटो-जावा दोस्‍सालय, वरोर बेस तेल्विगल्‍लोड, विस्वासमलायक सेवक मालाकुंक गावाले. अय्ते असोंटा सेवक बोर मंतोर? बोर सेवक अय्ते, मालक मल्सि वातस्के वेहता कबळ बरोबर कीसेक मनांतोर, ओरे सेवक बेस आसिर्वाद दोर्कुतोर आंद.

मत्‍तयाल 25:17

अल्‍हेने रोंडु मुल्‍लें दोर्कतोर इंका दंदा कीसि, रोंडु मुल्‍लें एक्‍को संपलिच्‍तोर.

मत्‍तयाल 25:44

अस्‍के ओर, “सामि, नीकुन मोमोट, कर्वेस्‍सि मत्‍तस्के, दूपातस्के, एरपाट कियवस्के, कपडिं हिल्वस्के, बिमार मत्‍तस्के आनि जेलने मत्‍तस्के हूळसि बस्के सेवा किया हिल्‍लोम?” इंचि इनानुर.

मरकुस 10:45

बारित्‍ते मनकना रूपमते पुटतोन नना सेवा कियागोटकुनालय वाया हिल्‍लेन गानि वेरेतोरा सेवा कियालय आनि वेल्‍लेटोर्कुन पापमताल पेचाहलय ओराहाटीं नावा जीवा हियालय वातन,” इत्‍तोर.

लूकाल 12:42

अस्‍के सामि इल्‍हा इत्‍तोर: “मालक हिल्वस्के ओनगा कबळ कियानोर्कुंक वेलापोर्रो गाटो-जावा दोस्‍सालय, वरोर बेस तेल्विगल्‍लोड, विस्वासमलायक दिवांजि मालाकुंक गावाले. अय्ते असोंटा सेवक बोर मंतोर?

लूकाल 19:13

होनाका मुन्‍ने ओना पदि दासुल्‍कुन केय्‍सि, मनकंक पदि बंगारम बंडि हीसि, ‘नना मल्सि वायानादाका इव कोत्‍ताने मिमेट दंदा कीम्‍टु,’ इंचि इत्‍तोर.

लूकाल 8:3

इंकुंदि मुरतळ योहानि इनानद, हेरोद राजाना दिवांजि कोजा इननोना मुत्‍तो मत्‍ता. अल्‍हेने सुसान्‍नल आनि वेल्‍लेन मुर्ताह्कगुडा मत्‍तां. इवन्‍नि मुर्ताह्क येसु आनि ओना सिस्युल्कुना सेवाताहाटीं अवुना संतम कोत्‍तन कर्स कियुंदुं.

रोम सहरतोरहाटीं पौलुसना सिट्‍टि 15:25

गानि इंदके नना पेनदा लोकुल्‍कुंक सेवा कियालय येरुसलेम दांतन.

रोम सहरतोरहाटीं पौलुसना सिट्‍टि 15:27

ओर इल्‍हा कीसि कूस मत्‍तुर, इल्‍हा कियमळे गावाले. बारित्‍ते यहुदि आयवोर्क पेनदा लोप्पो कलियालय आसिर्वाद दोर्कता, ओर यहुदि लोकुल्‍कुंक अव्‍सरम मत्‍तवुना सेवा कियमळ गावाले.

1 कुरेंति 15:10

गानि इंदके बतलय्ते मंतानो, पेनदा कुर्पाहेंदाले मंतन. अद कुर्पा नाक एर्तम आयाहिल्‍ले. नना कळमता प्रेरितुल्‍कुंकन्‍ना एक्‍को कस्‍टम कीतन. अय्नागानि निजम इत्‍ते नना किया हिल्‍लेन, पेनदा कुर्पा नावातोनि मत्‍ता, अदे कीता.

1 कुरेंति 3:10

नाक पेन हीता कुर्पाहेंदाल, वरोर बेसता मिस्‍त्रिनलेसीं पुनादि दोहतन, दानपोर्रो इंकावरोर रद्‍दा दोस्सेक मंतोर, इल्‍हा वरोर-वरोर दानपोर्रो दोस्सानोर बल्हा रद्‍दा दोस्सेक मंतोर, ओर बेस हूळसि दोसना.

1 कुरेंति 4:7

बारित्‍ते नीकुन आनि इंकावरोन बोर अलग हूळंतुर? निहगा मत्‍तव अन्‍नि पेन हीतवे गदा, अय्ते इवन्‍नि नावांगे बोरे हिया हिल्‍लुर इत्‍ताप बारि पेद्‍दिरकेम कींतिन?

2 कुरेंति 6:1

मोमोट पेनतोनि कलियसि कबळ कियानोर्कुम आताहाटीं मीक विनंति कीसेक मंतोम, मीक दोर्कता पेनदा कुर्पातुन एर्तम आया हियमटु.

2 कुरेंति 9:1

इंदके यहुदिया राज्येमता पेनदा लोकुल्‍कुनाहाटीं कियाना ई सेवाता बारेमते मीक रासाना अव्‍सरम हिल्‍ले.

इपीसि 3:8

पवित्र लोकुल्‍कुना लोप्पो नना अंटोर्कन्‍ना सिन्‍नोन आंदुन. अयना पेन नापोर्रो कुर्पा कीता. अद बतल इत्‍ते, किरिस्‍तुनगा लेक्‍का हिलुवा आसिर्वादाल्‍क मंतां, अदुना बारेमते यहुदि आयवोरगा होंचि वेहना वरम पेन नाकु हीता.

इपीसि 4:11

ओर, पेनदा सेवाहाटीं पवित्र लोकुल्‍कुन तयार कियालय आनि किरिस्‍तुना मेंदुललेसीं मनना कलिसियातोर्कुन बेस बक्‍तिते, बरोसाते बेर्सागोटनाहाटीं, इच्‍चुर्कुन प्रेरितुल्क, इच्‍चुर्कुन पेनदा कबुरतोर, इच्‍चुर्कुन बेसता कबुर वेहानोर आनि इंकिच्‍चुर्कुन बारे पास्‍टर आनि कराहनोर इंचि पेर्सि ओर्कु वराल्‍क हीतोर.

2 तिमोति 1:18

नना इपीसि सहरते मननेंके, ओर नाकु वेल्‍लेन रकाल्कुना सहायम कीतोर नीकु अय्ते बेस तेळियसि मंता. सामिना मल्सि वायाना आ रोजुने, ओनपोर्रो दया हुप्‍सालय पेन सहायम किय्यि इंचि नना कोरसेक मंतन.

तीतु 1:7

बारित्‍ते आ अदिकारि पेनदा कबाटुन मुन्‍ने ताकसानोर आंदुर. अदुनहाटीं ओनपोर्रो बदे दोसेम मननायो, ओर जिद्‍दि मनकल मनामन्‍नि, ओर बिराना होंगुंक वायानोर आयामन्‍नि, ओर कल्‍लु उनामन्‍नि, जगडाल्‍क कियामन्‍नि, तप्‍पुड कमाइ कियानोर आयामन्‍नि.

इब्रि 6:10

बारित्‍ते, पेन अन्‍यायम कियानद आयो. दाना पोरोलते मिमेट कियाना बेस कबाह्‍कुन, दाना पवित्र लोकुल्‍कुनपोर्रो मिमेट हुपिस्‍ता पावरमतुन आनि कीसेके मनना सहायमतुन अद बस्‍केने मति मर्गो.

1 पत्रु 5:10

अन्‍नि तीरकुना कुर्पा कियाना पेन मीकुन किरिस्‍तुना लोप्पो दाना बस्‍केळ्‍क मनना पेद्‍दातनमहाटीं केयता. मिमेट कोन्‍नि रोजकु तकलिपकु बोगांचतंका अदे पेन मीकुन दानलायक कींता, मीकु बलम हीसि निलाहंता.

1 पत्रु 5:12

विस्वासमगल्‍ला तम्मुर इंचि नना नम्मुता सिल्‍वानुसना कय्‍दे इद सिन्‍ना सिट्‍टि रासतन. इदे पेनदा निजम कुर्पा आंदु, इव्टे मिमेट गट्‍टिगा निल्‍सि मंटु, इंचि नना मीकु इद सिट्‍टिते रासि तेळियागोट्‍सि वेहासेक मंतन.