1 पत्रु 3:7 - पवित्र पोल्‍ले

⁷ अल्‍हेने मुय्दुर्कुनिटा! मीवा मुत्‍तोह्कुंकगुडा मी अचोने पेनदा कुर्पाता वारसान हक्‍क मंता. गानि अवुंक मीलेसीं ताकत हिल्‍ले. अदुनहाटीं मिमेट मुत्‍तोह्कुंक बेस कदर हीसि पिस्‍सट. अस्‍के मीवा पारतनाकु बतले अड्‍डम वायो.

1 पत्रु 3:7 Iomraidhean Croise

मत्‍तयाल 18:19

अचोने आयका नना वेहनद निजम बतल इत्‍ते, ई बूमिपोर्रो मीवा लोप्पोटाल बोरन्‍ना इव्वुर उंदि आसि मीकु बतल अय्ते गावालेनो अद तल्कानय्ते स्वर्गमते मनना नावा पेनबाबाल तप्‍पाकोंटा हींतोर.

1 कुरेंति 7:3

मुय्दो ओना मुत्‍तोना हक्‍कु पूरा कियमळ गावाले, मुत्‍तो दाना मुय्दोना हक्‍कु पूरा कियमळ गावाले.

इपीसि 3:6

आ मर्ममता पोल्‍ले बतल इत्‍ते, यहुदि आयवोर लोकुल्‍क बेसता कबुर केंजसि किरिस्‍तु येसुनपोर्रो विस्वासम इरतुर, अदुनहेंदाल ओरगुडा यहुदि विस्वासुल्‍कुनतोनि कलियसि येसुनगा दोर्काना हक्‍कुने वारसदार्क आतुर. इल्‍हा ओर उंदि मेंदुलतोर आनि पेन हीता पोल्‍लेते हिस्‍सादार्क आतुर.

इपीसि 4:30

मुक्‍तिता रोजुनदाका, “ईर ना लोकुल्‍क” इंचि पेन मीपोर्रो उंदि सिक्‍का तंचि इर्ता. अदुनहाटीं मिमेट दाना पवित्र आत्माकु दुक्‍कम वायाकोंटा पिस्‍सट.

इपीसि 5:33

बल्हैना बेसे! मीवाव्टेटाल हरेक मांड्‍सा, मीवद मिमेट सतातुन बच्‍चोन पावरम कींतिरो, अचोने मीवा मुत्‍तोनगुडा पावरम कीम्‍टु. अल्‍हेने मुत्‍तोगुडा मुय्दोना कदर कियगोम.

इपीसि 6:18

अन्‍नि वेलाने पवित्र आत्माते बस्‍केळ्‍क पारतनां, विनंतिं कीसेके मंटु. इंका अंटोर विस्‍वासुल्‍कुनाहाटीं आगाकोंटा बस्‍केळ्‍क पारतना कीसेके मंटु.

कुलुसि 3:19

मुय्दुर्कुनिटा! मीवा मुत्‍तोह्‍कुन पावरम कीम्‍टु, अवुनतोनि कडकते मनमट.

1 तेसलोनि 4:4

मीवा लोप्पोटाल हरेक मनकल ओना मेंदुल्तुन ओप्के पीसि, पवित्र, कदर कियानालायक मनमळ गावाले.

तीतु 3:7

ओर इल्‍हा बारि कीतोर इत्‍ते, मनम ओना कुर्पाहेंदाल नीतिमंतुल्क आयगोम आनि बस्‍केळ्‍क पिस्सना पिस्वरता आसेते मनम ओना वारसदार्क आयाना इंचि.

इब्रि 1:14

पेनदा अन्‍नि दूतां दाना सेवा कियाना आत्मांगें आयोंगां! बोर्क अय्ते पापाल्क मापि आसि मुक्‍ति दोर्कतनो ओर्कु सहायम कियानाहाटीं पेन इवुन लोहांता.

1 पत्रु 3:1

अल्‍हेने मुत्‍तोह्कुनिटा, मिमेट मीवा मुय्दुरा कय्‍दा हिळु वेर्रेते मंटु. ओक्‍कला ओर पेनदा पोल्‍लेते ताकाकोंटे, पोल्‍लेनतोनि आयाकोन्‍ना मीवा पवित्र आनि सत्‍तेमते ताकानदुन हूळसि विस्वासमते वायानुर.