1 पत्रु 3:5 - पवित्र पोल्‍ले

⁵ एनकटा कालमते पेनदापोर्रो आसे इर्राना पवित्रमाता मुर्ताह्क बेसता गुनमते सिंगारिंचुंदुं आनि मुय्दोना पोल्‍लेते ताकुंदुं.

1 पत्रु 3:5 Iomraidhean Croise

लूकाल 2:37

इल्‍हा अद मुंडामोससि एनबै नालुं वर्सां आतां. अद रोज-रोज गुळिते वासेके मनुंदु. अद बस्केळक ओक्‍कापोद्‍दु मंचेके पेनदुक पारतना कियुंदु.

प्रेरितुल्‍कुना कबाह्‍क 1:14

ईरतोनि इच्‍चुंग मुर्ताह्क, येसुना यावल मरियम, ओना तम्मुह्‍क ईर अंटोर उंदे मनसुने पारतना कीसेके मनुंदुर.

प्रेरितुल्‍कुना कबाह्‍क 9:36

यापा सहरते उंदि विस्वासि मुरतळ मनुंदु, दाना पोरोल तबिता. तबिता इत्‍ते युनानि बासाते, दोरकस, इत्‍ते तल्‍लुर दुप्‍पि इंचि अर्तम. अद मुरतळ बस्‍केळ्‍क बेसता कबाह्‍क कीसेके, गरिबोर्कुंक दान-दर्मम कीसेके मनुंदु.

इपीसि 5:33

बल्हैना बेसे! मीवाव्टेटाल हरेक मांड्‍सा, मीवद मिमेट सतातुन बच्‍चोन पावरम कींतिरो, अचोने मीवा मुत्‍तोनगुडा पावरम कीम्‍टु. अल्‍हेने मुत्‍तोगुडा मुय्दोना कदर कियगोम.

1 तिमोति 2:15

गानि अद ओक्‍कला विस्वासम, पावरम, पवित्र आनि ओप्‍केते पिलाल्क कंचेके तल्‍लुना जिम्मेदारिं पूरा कियानय्ते, दानकु तप्‍पाकोंटा मुक्‍ति दोर्कार.

1 तिमोति 5:10

इंका अद मुरतळ बेस कबाह्‍कुने बेस पोरोल तरकुंचि मनगोम, मर्क-मियाह्कुन पोस कीतद आयगोम, वाता हेळमितोरा सेवा कीतद आयगोम, पवित्र लोकुल्‍कुना काल्क नोरतद आयगोम, तकलिपने मत्‍तोर्कुंक सहायम कीतद आयगोम इंका अन्‍नि परिस्तितिने बेस कबाह्‍क कियालय अप्पजेपतद आयगोम.

1 तिमोति 5:5

बद मुरतळ अय्ते निजमते मुंडामोसि, बोरे दिक्‍कु हिलाका उंदे मनंता, अद मुरतळ दाना आसे पेनदापोर्रो इर्सि, नर्का-पल्हीं पेनदुक विनंतिं, पारतनां कीसेके मनंता.

इब्रि 11:11

विस्वासमहेंदाले अब्राहामुंक ओना मुत्‍तो सारानतोनि कलियसि, मातिरतनमतेगुडा मर्रिन कनाना बलम दोर्कता. बारित्‍ते, ओन्क संतानम हींतन इंचि बद पेन अय्ते पोल्‍ले हीतानो, अद पोल्‍ले तप्‍पो इंचि ओर दानपोर्रो विस्वासम इरतोर.

1 पत्रु 1:3

मना सामि येसु किरिस्‍तुना पेनबाबाना दन्यवाद आयि! ओना वेल्‍ले दयाताहेंदाल मनाकुन पूना रीतुने पुटिचमळ जर्गता. अद बल्हा इत्‍ते, पेनबाबाल येसु सामिन हातोरा लोप्पोटाल मर्रा तेहाचि, मनाकु उंदि पिस्वरता आसे हीतोर.