1 पत्रु 3:4 - पवित्र पोल्‍ले

⁴ गानि दानकु बदुल मीवा मनसुना गुनम सादा-सिंपल, नासडेम आयवा सांत आत्माते सिंगारम कीम्‍टु. इसोंटद पेनदा मुन्‍ने बच्‍चोनो विलुवातद आंद.

1 पत्रु 3:4 Iomraidhean Croise

मत्‍तयाल 11:29

ना कांडी मिमेट तेहाकुंचि नावातोनि करियट, नना बेस आनि सादा-सिंपल मंतन. इंका नावा कांडी सवरगा मंता नावा बर्वु अल्कगा मंता. इंचि मी आत्माकु सांति दोर्कंता.”

मत्‍तयाल 21:5

“सियोनुना मिय्यळ्‍क वेहट गदा, हुळाट, मीवा राजाल मीहेके वासंतोर, ओर सांत बुद्‍दितोनि, बर्वु कांजना गाडदि पोरिनपोर्रो उद्‍दिस वासंतोर.”

मत्‍तयाल 23:26

अरे गुड्‍डि परिसिल्कुनिटा! मुन्‍ने मीवा गिलासकु-गिन्‍नेन लोप्पोटाल तोमसि नोर्राटु, अस्‍के अव पलातालगुडा बेस दिसंता.

मत्‍तयाल 5:5

सादा सिंपल गुनम मत्‍तोर्कुंके पेन आसिर्वाद हींता, अद ई बूमि ओर्के हीसींता.

लूकाल 11:40

अरे बुद्‍दि तक्‍को लोकुरिटा! पलाताल तयार कीता पेने लोप्पोटाल तयार कीता.

लूकाल 16:15

पजा येसु ओर्कुन, “मिमेट लोकुल्‍कुना मुन्‍ने, ‘मोमोट नीतिमंतुल्‍कुम’ इंतिर, गानि पेन मीवा मनसुन एरपाट कींता. बव पोल्‍लें अय्ते मनकना विचारमते कदरतव मंतां, अव पोल्‍लेन पेन बिल्कुल हय्‍सो.”

रोम सहरतोरहाटीं पौलुसना सिट्‍टि 1:23

बस्‍केळ्‍क नासडेम आयाकोंटा मंदना महिमागल्‍ला पेनदुन ओर मोळ्‍कका, दाना जेगाते नासडेम आयना मनकानव, पिट्‍टेनव, जिवरासिनव आनि तरासुनलेह्का बेंगना जिवरासिना बोम्मां कीसि मोळ्‍कालय दल्‍गतुर.

रोम सहरतोरहाटीं पौलुसना सिट्‍टि 2:29

बोर अय्ते पेनदा इच्‍चा मत्‍ताप ताकंतुर ओरे निजम यहुदिल्क आंदुर. मूसाना नियम परकारम पलाताल आतदे कतना आयो, गानि पेनदा आत्माहेंदाल मनसु मारियता मनकालोरे निजम कतना आता यहुदिल्क आंदुर. इसंटा मनकालोर लोकुल्‍कुना कदरतुन आयो गानि पेनदा कदरतुन पहकंतुर.

रोम सहरतोरहाटीं पौलुसना सिट्‍टि 6:6

मना पडना पिस्वर येसुनतोनि क्रुसुनपोर्रो हाता, अदुनहाटीं पापमतोनि निंडिस मत्‍ता मना गुनम नासडेम आसि होत्‍ता. इंदके मनम पापमता अदिकारमते हिल्‍लोम इद मनाकु एरपाटे.

रोम सहरतोरहाटीं पौलुसना सिट्‍टि 7:22

पेन हीता नियमते नावा मनसु वेल्‍लेन कूस मंता.

2 कुरेंति 10:1

नना पौलुसुन, मीवातोनि मननेंके सिन्‍नागासि मनंतन, गानि लक्‍कु मननेंके वेर्रे हिलाकोंटा मनंतन इंचि इच्‍चुर इंतुर. नना मीकु किरिस्‍तुना सादा-सिंपल आनि मेत्‍तटा गुनमता हेंदाल विनंति कीसेक मंतन,

2 कुरेंति 4:16

अदुनहाटीं मोमोट दैरनेम होळसोम. मावा मेंदुल पलाताल जिग्‍गि हिलाकोंटा आसेके मंता, गानि लोप्पो मंदना आत्मा मात्रम रोज पूनगा आसेके मंता.

गलातिया 5:23

इल्‍हा ताकते इवुंक अड्‍डम बदे नियम हिल्‍ले.

इपीसि 4:2

दीना अर्तम बतल इत्‍ते, मिमेट सादा सिंपल मनना, बोर बतल इनिनागानि ओप्के पीसि मनना, वरोंक-वरोर ओर्सकुंचेके पावरमते पिस्‍सट.

कुलुसि 3:12

पेन मीकुन पवित्र आनि पावरमगल्‍ला लोकुल्‍कुनलेसीं पेर्कुत्‍ता. अदुनहाटीं दया कियमळते, पायदा कियमळते, सिन्‍नागासि मनमळते, सादा-सिंपल मनमळते ओप्के पीसि ताकट.

1 तेसलोनि 4:11

मोमोट मीक आदेस हीताप, सांतिते पिस्सना, बोना कबाह्‍क ओरे कियाना, बोना कयकुने ओरे कबळ कियाना कोसिस कीम्‍टु.

2 तेसलोनि 3:12

असोंटा लोकुल्‍क चुपचाप कबळ कीसि ओरा पिस्वरता कमाइ कियिरकांटी, ओर्क मोमोट सामि येसु किरिस्‍तुना पोरोलते आदेस हीसि, बुद्‍दि वेहंतोम.

1 तिमोति 2:2

मनम राजालोराहाटीं आनि पेद्‍दा-पेद्‍दा अदिकारिल्कुनाहाटीं पारतना कियगोम. अल्हा कीते मनम आरामते, सांतिते आनि पेनदुक नच्‍चना कदरगल्‍ला पिस्वर पिसा पर्रांतोम.

2 तिमोति 2:25

नीवा विरोदमते वळ्कानोर्कुंक सांत मनसुने तेळियागोट्‍सि वेहा. सत्‍तेमता बारेमते तेल्‍पिचकुननाहाटीं पेन ओर्कु मार मनसु हिय्यार.

तीतु 3:2

बोर्कुने बदनाम कियानायो, बोरतोने जगडाल्‍क कियानायो, मेत्‍तटा गुनम मंदना आनि अंटोरतोनि सादा-सिंपलते कलियसि मंदना इंचि ओर्क वेहा.

याकोब 1:21

अदुनहाटीं मीलोप्‍पो मत्‍ता कराब पोल्‍लेन आनि दुस्‍ट मनसुन तेंडसि पोहाचि, पेन मीवा मनसुने हीता बेसता पोल्‍लेतुन मिमेट पेद्‍दातनम हूळाकोंटा पीकुंटु. बारित्‍ते अद मीवा आत्मान पिसागोटनाहाटीं बलमतद आंद.

1 पत्रु 1:23

इंदके मिमेट पूना पिस्वरते पुटतिर, नासडेम आयाना पेडेहेंदाल आयो, गानि बस्‍केन नासडेम आयवद, बस्‍केळ्‍क जीवाते मनना पेनदा पोल्‍लेताहेंदाल, पूना पिस्वरते पुटतिर.

1 पत्रु 3:15

गानि मीवा मनसुने किरिस्‍तु मावा सामि इंचि ओनकु कदर हीम्टु. येसुना पोर्रोटा मीवा आसेता बारेमते बोरन्‍ना मीकुन पूसकीते, मिमेट सादा-सिंपल आनि मान-मर्यादाते बस्‍केळ्‍क वेहालय तयार मंटु.