1 पत्रु 3:13 - पवित्र पोल्‍ले

¹³ ओक्‍कला मिमेट बेस कियानाहाटींगे जोसने मत्‍ते, मीकुन बोर हेळाहनुर?

1 पत्रु 3:13 Iomraidhean Croise

रोम सहरतोरहाटीं पौलुसना सिट्‍टि 13:3

बेसता कबाह्‍क कियानोंकु अदिकारिना वेर्रे मन्‍नो, तप्पु कबळ कियानोंक अदिकारिना वेर्रे मनंता. अदुनहाटीं अदिकारिंक वेरियाकोंटा मंदना इत्‍ते, मिमेट सत्‍तेमते ताकट. अस्‍के ओर मीकुन मेच्‍चुकुंतोर.

रोम सहरतोरहाटीं पौलुसना सिट्‍टि 8:28

बोर अय्ते पेनदुन पावरम कींतुर, बोर्कुन अय्ते पेन दाना पिलान मत्‍ताप केयता, ओर्क बसोंटा परिस्तिति वायिना, पेन आ परिस्तिति ओरा बेसताहाटींगे कींता इत्‍ता पोल्‍ले मनाकु एरपाटे.

1 कुरेंति 14:1

पावरम इद मीवा लक्‍से मन्‍निकांटी. आत्माता वराल्कुन पह्काटु, बविस्यवानि वेहना वरम पहकसेकेन मंटु.

इपीसि 5:1

मिमेट पेनदा पावरमगल्‍ला पिलाल्क आंदिर, अदुनहाटीं पेन कीताप मिमेटगुडा कीम्‍ट.

1 तेसलोनि 5:15

मीलोप्‍पो बोरन्‍ना सेड्‍डातनमता बदला सेड्‍डातनम कियाकोंटा हूळकुंटु. गानि बस्‍केळ्‍क वरोंक-वरोर आनि अंटोराहाटींगुडा बेस कियालय कोसिस कीम्‍टु.

1 तिमोति 5:10

इंका अद मुरतळ बेस कबाह्‍कुने बेस पोरोल तरकुंचि मनगोम, मर्क-मियाह्कुन पोस कीतद आयगोम, वाता हेळमितोरा सेवा कीतद आयगोम, पवित्र लोकुल्‍कुना काल्क नोरतद आयगोम, तकलिपने मत्‍तोर्कुंक सहायम कीतद आयगोम इंका अन्‍नि परिस्तितिने बेस कबाह्‍क कियालय अप्पजेपतद आयगोम.

तीतु 2:14

इंका किरिस्‍तु मनाकुन अन्‍नि तीरकुना तप्‍पुड कबाह्कुनाल तपिच्‍चि, बस्‍केळ्‍क बेसता कबाह्के कियगोम इंचि मनसु इर्राना ओना सतता लोकुल्‍क मनम आयगोम इंचि, मनाकुन पवित्र कियनाहाटीं ओना सतता जीवातुन हीतोर.

3 योहान 1:11

पावरमगल्‍ला दंटातोना! निमे ओनालेसीं कराबता जोलिक होन्‍मा, सिराप बेस बतल अदे कीसेके मन. बेसता कबाह्‍क कियानोर पेनदा मनकल आंदुर, सेड्‍डा कबाह्‍क कियानोर पेनदा मनकल आयोर.