1 पत्रु 3:11 - पवित्र पोल्‍ले

¹¹ ओर कराब कबाह्‍कुन होळसिसि बेसता कबाह्‍क कियाना, ओर सांतितुन पहकिसि दान पीसि ताकाना.

1 पत्रु 3:11 Iomraidhean Croise

मत्‍तयाल 5:45

बारित्‍ते सेड्‍डोर्क, बेसतोर्क इव्वुर्किंका पोळ्‍दुनाहेंदाल वेलगु ओरे हींतोर. अल्हेन पापिल्कुंक नीतिमंतुल्‍कुंक पिर्रुगुडा ओरे हींतोर.

मत्‍तयाल 5:9

पगातोर्कुन उंदि कियानोर्कुंके पेन आसिर्वाद हींता, ओर्कुने पेनदा पिलाल्क इंचि इंतुर.

मत्‍तयाल 6:13

माकुन पट्‍टुने अर्राकोंटा कापाळा, सेड्‍डातनमताल माकुन पिसागोट्‍टा. बस्केळक राजाल निमेन आंदिन. अदुनहाटीं ताकत आनि महिमा बस्केळक नीवदे आंद.” आमीन!

मरकुस 14:7

गरिब लोकुल्‍क मीवातोनि बस्‍केळ्‍क मनंतुर, मिमेट बस्के इनकुत्‍ते अस्‍के ओर्क बेस किया परांतिर, गानि नना मीवातोनि बस्‍केळ्‍क मन्‍नोन.

लूकाल 1:79

हामुर इनना नीडा आनि पापमता हीकटते मनना मनापोर्रो, ओर वेल्‍गु अराहचि, मनाकुन सांतिता हर्दे ताकसंतोर.” इंचि इत्‍तोर.

लूकाल 6:35

अल्हा कियाकोंटा मिमेट मीवा पगातोर्कुन पावरम कीसि ओर्कुन बेस हुळाट. बाकि वापस दोहंतोर इंचि आसे इर्राकोंटा बाकि हीम्ट. अस्‍के पेन मीकु पेद्‍दा इनाम हियार, मिमेट अन्‍निटकन्‍ना पेद्‍दा पेनदा मर्क-मियाह्क आकिट. बारित्‍ते, बोर अय्ते पेनदुन मति किय्युर आनि कराब मंतुर असोंटा लोकुल्‍कुनपोर्रो इंका पेन दया कींता.

लूकाल 6:9

पजा येसु ओर्कुन इल्‍हा पूसकीतोर, “नना मीकुन उंदि पोल्‍ले पूसकींतन वेहाट. नियम परकारम, नोमकेम रोजुने बेस कियमळ मंचिदा, कराब कियमळ मंचिदा? हिलाकोंटे उंदि जीवातुन पिसागोटते मंचिदा, नासडेम कियमळ मंचिदा? बद बेस” इत्‍तोर.

योहान 17:15

निमे ईरकुन इद दुनियाताल ओम इंचि नना पारतना कीसेक हिल्‍लेन, गानि पेद्‍दा देय्यमताल ईरकुन कापाळा इंचि पारतना कीसंतन.

रोम सहरतोरहाटीं पौलुसना सिट्‍टि 12:18

कुदुरतच्‍चोन अंटोरतोनि बेस कलियसि सांतिते मनना कोसिस कीम्‍टु.

रोम सहरतोरहाटीं पौलुसना सिट्‍टि 14:17

पेनदा राज्येम, इत्‍ते मना पिस्वर पोर्रो किरिस्‍ते राज्येम कियना. दाना राज्येम इत्‍ते तिनमळ-उनमळता पोल्‍लेंगें अचोने इंचि इनकुनमट गानि पेनदा मुन्‍ने सत्‍तेमते पिसमळ, पवित्र आत्माहेंदाल दोर्कना सांति, आनंदमते मनमळ आंद.

रोम सहरतोरहाटीं पौलुसना सिट्‍टि 14:19

अदुनहाटीं मनम बस्‍केळ्‍क सांति दोर्कानव आनि विस्वासमते बेर्सना कबाह्‍क कीकोम.

रोम सहरतोरहाटीं पौलुसना सिट्‍टि 5:1

इल्‍हा, मना विस्वासमहेंदाल पेन मनाकुन नीतिमंतुल्क कीता. अदुनहाटीं सामि येसु किरिस्‍तुनाहेंदाल, पेनतोनि मनक सांति मंता.

रोम सहरतोरहाटीं पौलुसना सिट्‍टि 7:19

बव अय्ते बेसता कबाह्को अवे नना कियना इनकुंतन, गानि अव नना किय्योन. बव तप्‍पुड कबाह्‍क अय्ते कियना आयो इंचि इनकुंतनो, अवे तप्‍पुड कबाह्‍क नना कींतन.

रोम सहरतोरहाटीं पौलुसना सिट्‍टि 7:21

अदुनहाटीं नना बस्के अय्ते बेसता कबाह्‍क कियालय हूळंतन, अस्‍के नावा लोप्पो मनना कराब गुनाल्‍क अल्हा कियालय नाकुन आपंतां.

रोम सहरतोरहाटीं पौलुसना सिट्‍टि 8:6

इंका बोर मनकल अय्ते पापि गुनाल्‍कुने पिस्सेक मनंतोरो, ओना हामुर तप्‍पो. बोर मनकल अय्ते आत्मा वेहताप कींतोरो, ओन्क पिस्वर, सांति दोर्कंता.

गलातिया 5:22

पेनदा आत्माता कबाह्‍क इल्‍हा मंतां: पावरम कियमळ, कुसिते मनमळ, सांतिते मनमळ, ओप्के पीसि मनमळ, दया कियमळ, मंचितनम, इमानदारते मनमळ, मेत्‍तगा मनमळ, बसोंटा परिक्‍सा वायिनागानि अव्टे अर्राकोंटा सततुन आपकुनमळ.

गलातिया 6:10

अय्ते मरि, मनाकु बल्हा मोका दोर्कते अल्हा अंटोराहाटीं, एक्‍कोते-एक्‍को मना विस्‍वासुल्‍कुनाहाटीं बेस सहायम कीकोम.

कुलुसि 3:15

मीवा मनसुने किरिस्‍तुना सांतिता राज्येम ताकिकांटी, इदुनहाटींगे मीकुन उंदि मेंदुल आसि केयमळ जर्गता. पेनदुक बस्‍केळ्‍क दन्यवाद कीम्‍टु.

1 तिमोति 6:18

इचोने आयका इंका ओर्क आदेस हीम गदा, ओर बेस कबाह्‍क कीसेक मनना, बेस कबाह्‍क कीसे सिरमंत आयाना. मनागा मत्‍तदुनाल अव्‍सरम मत्‍तोंक, पंचि हियालय बस्‍केळ्‍क मनसुनाल तयार मनगोम.

इब्रि 12:14

अंटोर मनकालोरतोनि सांतिते कलियसि पवित्र मनना कोसिस कीम्‍टु, अल्हा मनाकोंटे बोरे मनकल सामिनगा होना पर्रोर.

इब्रि 13:16

वेरेतोराहाटीं बेस कियमळतुन आनि मिहगा मत्‍तव्टेटाल ओर्कु तूस हियमळतुन होळ्‍समट. इल्‍हा कियमळगुडा उंदि मोक्‍के आंद. दीनहेंदाल पेन कूस मनंता.

याकोब 4:17

अदुनहाटीं बोर अय्ते बेस कबळ कियाना इंचि तेळियसिगुडा ओर कियाकोंटे, ओनाहाटीं अद पापम आंद.

1 पत्रु 3:12

बारित्‍ते सामिना नदर नीतिमंतुल्‍कुना पोर्रो मनंता, ओरा पारतनातुन केव हीसि केंजंतोर, गानि दुस्‍टुल्कुंक सामि विरोद कींतोर.”

3 योहान 1:11

पावरमगल्‍ला दंटातोना! निमे ओनालेसीं कराबता जोलिक होन्‍मा, सिराप बेस बतल अदे कीसेके मन. बेसता कबाह्‍क कियानोर पेनदा मनकल आंदुर, सेड्‍डा कबाह्‍क कियानोर पेनदा मनकल आयोर.