1 पत्रु 3:1 - पवित्र पोल्‍ले

^1-2 अल्‍हेने मुत्‍तोह्कुनिटा, मिमेट मीवा मुय्दुरा कय्‍दा हिळु वेर्रेते मंटु. ओक्‍कला ओर पेनदा पोल्‍लेते ताकाकोंटे, पोल्‍लेनतोनि आयाकोन्‍ना मीवा पवित्र आनि सत्‍तेमते ताकानदुन हूळसि विस्वासमते वायानुर.

1 पत्रु 3:1 Iomraidhean Croise

मत्‍तयाल 18:15

ओक्‍कला तम्मुर आयि दादाल आयि नीवा विरोदमते पापम कियानय्ते, निमे वरोने ओनगा होंचि ओर कीता पापम ओन्क तेळियागोट्‍सि वेहा. ओर ओक्‍कला नीवा पोल्‍ले केंजानय्ते निमे ओना मनसुन गेल्सताप.

रोम सहरतोरहाटीं पौलुसना सिट्‍टि 10:16

गानि इस्राएल लोकुल्‍क अद बेसता कबुरतुन केंजसिगुडा अंटोर विस्वासम किया हिल्‍लुर. बारित्‍ते, “ए सामि! मोमोट वेहता कबुरतुन बोर नम्मुतुर?” इंचि दीना बारेमते दर्मसास्‍त्रमते यसायाहल रासतोर.

रोम सहरतोरहाटीं पौलुसना सिट्‍टि 6:17

मुन्‍ने मिमेट पापमता दासुल्के मत्‍तिर, गानि मीकु एव्ता पेनदा पोल्‍लेन मिमेट बेस केंजसि, करियसि इंदके अवुन पीसि ताकसंतिर. इंचि पेनदुक नना दन्यवाद कींतन.

रोम सहरतोरहाटीं पौलुसना सिट्‍टि 7:2

सरे, उंदि उदाहरन वेहांतन. मूसाना नियम परकारम उंदि मुरतळ दाना मुय्दो पिस्सि मत्‍ताचुं रोजके अद ओना मुत्‍तो आसि मनंता. गानि दाना मुय्दो हासोत्‍ते, मूसाना नियम परकारम अद मुरतळ मुय्दोंक संबंदिस्‍ता नियमताल इळबळंता.

1 कुरेंति 11:3

गानि मीक इद पोल्‍ले तेळियमळ गावाले, किरिस्‍तु, मांडसाता तल्‍लातालेसीं आंदुर, मांडसा मुरताह्कुना तल्‍लातालेसीं आंदुर, पेन किरिस्‍तुना तल्‍लातालेसीं आंदु.

1 कुरेंति 14:34

कलिसियातोर जमा आतस्के मुर्ताह्क चुपचाप मंदना, बारित्‍ते अवुंक वळ्कना अदिकार हिल्‍ले. गानि कय हिळु मंदना आदेस मंता. इल्‍हा दर्मसास्‍त्रमतेगुडा रासि मंता.

1 कुरेंति 7:16

ए मुरतटुना, नीवा विस्वासम कियवा मुय्दोन पिसागोटंतिन इंचि नीकु बतल एरपाट? ए मांड्‍सातुना, नीवा विस्वासम कियवा मुत्‍तोन पिसागोटंतिन इंचि नीकु बतल एरपाट?

इपीसि 5:33

बल्हैना बेसे! मीवाव्टेटाल हरेक मांड्‍सा, मीवद मिमेट सतातुन बच्‍चोन पावरम कींतिरो, अचोने मीवा मुत्‍तोनगुडा पावरम कीम्‍टु. अल्‍हेने मुत्‍तोगुडा मुय्दोना कदर कियगोम.

कुलुसि 3:18

मरमिं आता मुरताह्‍कुनिटा! मिमेट पेनदुक नच्‍चानालायक मीवा मुय्‍दुर्कुना पोल्‍लेपोर्रो ताकट.

कुलुसि 4:5

विस्वासम कियवोरतोनि बेस तेल्‍विते ताकट, मोका दोर्कतस्के ओर्क बेसता कबुर वेहाना पायदा तप्‍पाकोंटा एतट.

2 तेसलोनि 1:8

बोर अय्ते पेनदुन एरपाट किय्युर, बोर अय्ते मना सामि येसुना बेसता कबुरतुन पीसि ताकुर, ओर्क पेन सिक्‍सा हिय्यार.

इब्रि 11:8

विस्वासमहेंदाले पेन अब्राहामुन, “नना नीकु हुप्‍साना देसेमते होन, अगाटा पूरा जेगा नीकु हीकन” इंचि इत्‍तस्के, बेके होनना इंचि तेळियाकोन्‍ना गानि तेळियवा जेगाहेके होनालय पेय्सतोर.

इब्रि 5:9

इल्‍हा, ओन्क बल्हा अय्ते आयाना मत्‍ता अल्हा पुरागा आसि, ओना पोल्‍लेपोर्रो ताकाना अंटोराहाटीं ओर, बस्‍केळ्‍ताहाटीं मुक्‍ति हियानोर आतोर.

1 पत्रु 1:22

मिमेट सत्‍तेमता हर्रि ताकसि मीवा आत्मातुन पवित्र कीकुत्‍तिर. अदुनहाटीं मिमेट वरोंक-वरोर पावरम कीसेके मंतिट. अल्‍हेने इंदके मीलेसीं विस्वासुल्‍क आतोर्कुन मिमेट पूरा मनसुनाल पावरम कीम्‍टु.

1 पत्रु 3:7

अल्‍हेने मुय्दुर्कुनिटा! मीवा मुत्‍तोह्कुंकगुडा मी अचोने पेनदा कुर्पाता वारसान हक्‍क मंता. गानि अवुंक मीलेसीं ताकत हिल्‍ले. अदुनहाटीं मिमेट मुत्‍तोह्कुंक बेस कदर हीसि पिस्‍सट. अस्‍के मीवा पारतनाकु बतले अड्‍डम वायो.

1 पत्रु 4:17

बारित्‍ते न्‍यायम कियाना वेला एवता. पेन मनातोने न्‍यायम सुरुव कींता अय्ते, बोर अय्ते पेनदा बेसता कबुरतुन केंजुर ओरा गति बतल आयार?