1 पत्रु 2:8 - पवित्र पोल्‍ले

⁸ इंका दर्मसास्‍त्रमते इल्‍हा मंता गदा, “अद बंडा लोकुल्‍कुंक दल्‍गंता, इंका पर्पु बंडा ओर्कुन हिळु अरहंता. बारित्‍ते, ओर पेनदा पोल्‍लेने ताकवाहेंके, बंडा दल्‍गिसि हिळु अर्रंतुर. ओर हिळु अर्रनाहाटींगे इल्‍हा निलाहमळ जर्गता.”

1 पत्रु 2:8 Iomraidhean Croise

लूकाल 2:34

पजा सिमोन ओर्क आसिर्वाद हीसि, येसुना यावल मरियमुंक इल्‍हा वेहतोर: “हूळा, इस्राएलते ई पेडनहेंदाल वेल्‍लेन मंदि लोकुल्‍कुंक नस्‍टम जर्गार अल्‍हेने वेल्‍लेन मंदि लोकुल्‍कुंक बेसगुडा जर्गार. ई पेडल इत्‍ते पेनदाद उंदि चिन्‍ह आंदुर. ई चिन्‍हातुन वेल्‍लेन मंदि पास्कानुर.

रोम सहरतोरहाटीं पौलुसना सिट्‍टि 9:22

अल्‍हेने पेनदुकगुडा अद इनकुत्‍ताप कियना अदिकारम मंता. गानि नासडेम आसि होनानोर्कुन नासडेम कीसि पोहका ओप्के पीसि मत्‍ता.

1 कुरेंति 1:23

गानि मोमोट अय्ते क्रुसुनपोर्रो हाता किरिस्‍तुना पोल्‍लें वेहंतोम. इद यहुदिल्कुंक विस्वासम किया परवसोंटा पोल्‍ले आंद. आनि यहुदि आयवोर्कुंक मुर्कतनमतसोंटा पोल्‍ले आंद.

2 कुरेंति 2:16

नासडेम आयानोराहाटीं हामुर गब्‍बुलेसीं मंतोम आनि मुक्‍ति दोर्कानोराहाटीं पिस्वरता बेसता गब्‍बुलेसीं मंतोम. इसोंटा कबळ कियानालायक बोर मंतुर?

गलातिया 5:11

विस्वासुल्‍कुनिटा! ननागिंटा कतना कियना इंचि वेहासेक तिरियसि मत्‍ते, नाकुन यहुदिल्क वेल्‍लेन तकलिप कियाकोन्‍नेर, येसु सामि क्रुसुनपोर्रो हीता मोक्‍कुता हेंदाले बस्‍केळ्‍क पिस्सना पिस्वर मंता इंचि वेहताहेंकेन ओर्क होंग वाता.

1 तेसलोनि 5:9

बारित्‍ते पेन मनापोर्रो होंग हुप्‍सालय आयो, गानि मना येसु किरिस्‍तु सामिनाहेंदाल मुक्‍ति दोर्किच्‍कुनालय मनाकुन निलाहता.

1 पत्रु 2:6

बारित्‍ते दर्मसास्‍त्रमते पेन इल्‍हा इत्‍ता गदा: “नना सियोनते सेंकुमूला बंडतसंटोन वरोन इरसेक मंतन, ओन नना पेरतन, ओर वेल्‍ले विलुवातोर आंदुर. ओनापोर्रो बोर अय्ते विस्वासम इर्रंतोर, ओर बस्‍केने सिग्गुना पाल आयोर.”

1 पत्रु 2:7

अदुनहाटीं मिमेट विस्वासम कीतिर इंचि अद बंडा मीक विलुवातद, गानि बोर अय्ते अदुन विस्वासम किय्युर, ओराहाटीं दर्मसास्‍त्रम इल्‍हा वेहता गदा: “बद बंडातुन दोहानोर बतक ओज्‍जो इत्‍तुर, अदे बंडा इंदके सेंकु मूलाता मोदोल बंडा आता.”

2 पत्रु 2:3

आबद्‍दम कराहनोर, आस्तिताहाटीं तिय्यटा पोल्‍लें वेह्‍चि मीकुन ओरा पायदाहाटीं वाळकुंतुर. ओर्क हीता सिक्‍साता आदेस मुन्‍नेटाल मंता, ओरा नासडेम कूर्कसेके हिल्‍ले.

यहुदा 1:4

बारित्‍ते चुपचाप इच्‍चुर लोकुल्‍क मीलोप्‍पो होळियतुर, ओर पेनदा बक्‍तुल्क आयुर. ओर पेनदा कुर्पातुन बिगडांचि पापमता कबाह्‍क कियानाहाटीं मना वरोरे मालक सामि येसु किरिस्‍तुन ओप्‍कुन्‍नुर. असंटोर्क सिक्‍सा आंता इंचि मोदाटाले दर्मसास्‍त्रमते रासि मंता.