1 पत्रु 2:7 - पवित्र पोल्‍ले

⁷ अदुनहाटीं मिमेट विस्वासम कीतिर इंचि अद बंडा मीक विलुवातद, गानि बोर अय्ते अदुन विस्वासम किय्युर, ओराहाटीं दर्मसास्‍त्रम इल्‍हा वेहता गदा: “बद बंडातुन दोहानोर बतक ओज्‍जो इत्‍तुर, अदे बंडा इंदके सेंकु मूलाता मोदोल बंडा आता.”

1 पत्रु 2:7 Iomraidhean Croise

मत्‍तयाल 21:42

पजा येसु ओर्कुन इल्‍हा इत्‍तोर. “मिमेट दर्मसास्‍त्रमते बस्‍केन हदवा हिल्‍लिरा? बद बंडातुन अय्ते मिस्‍त्रिल्‍क कबळ्‍क ओज्‍जो इंचि हय्‍सा हिल्‍लुर, अदे बंडा सेंकु मूलाता पुनादि बंडा आता. इद सामि कीता कबळ आंद, इद मना नदरते इचंत्रमाता कबळ आंद,” इत्‍तोर.

लूकाल 2:32

वेरे जातिनोर्क बेसता हर्रि हुप्‍सना वेल्‍गु, नीवा इस्राएल लोकुल्‍कुंक पेनदाहेंदाल दोर्कुता पेद्‍दातनम ओरे आंदुर.”

लूकाल 2:34

पजा सिमोन ओर्क आसिर्वाद हीसि, येसुना यावल मरियमुंक इल्‍हा वेहतोर: “हूळा, इस्राएलते ई पेडनहेंदाल वेल्‍लेन मंदि लोकुल्‍कुंक नस्‍टम जर्गार अल्‍हेने वेल्‍लेन मंदि लोकुल्‍कुंक बेसगुडा जर्गार. ई पेडल इत्‍ते पेनदाद उंदि चिन्‍ह आंदुर. ई चिन्‍हातुन वेल्‍लेन मंदि पास्कानुर.

लूकाल 20:17

अस्‍के ओरहेके हूळसि येसु ओर्कुन इल्‍हा इत्‍तोर. “बद बंडातुन अय्ते मिस्‍त्रिल्‍क कबळ्‍क ओज्‍जो इंचि हय्‍सा हिल्‍लुर, अदे बंडा सेंकु मूलाता पुनादि बंडा आता. इल्‍हा पेनदा पोल्‍लें रासि मंतां, इवुना अर्तम बतल आंदु?

योहान 4:42

“सिराप निमे वेहताहेंकेन मोमोट येसुन नम्मा हिल्‍लोम. इंदके कुद्‍दु मोमोटे ओना पोल्‍ले केंजसि, दुनियातोर्कुन पिसागोटना निजम किरिस्‍तु ईरे आंदुर इंचि मोमोट विस्वासम कीतोम,” इंचि आ लोकुल्‍क मुरतटुन इत्‍तुर.

प्रेरितुल्‍कुना कबाह्‍क 26:19

अदुनहाटीं अग्रिपा राजा! पोर्रोटाल नाक हुपिस्‍ता दर्सनम हूळसि, अद आदेस परकारम ताकतन.

रोम सहरतोरहाटीं पौलुसना सिट्‍टि 10:21

गानि इस्राएल लोकुल्‍कुना बारेमते पेन बतल इत्‍ता इत्‍ते, “ना पोल्‍ले केंजाकोंटा मर्लाबळता लोकुल्‍कुनाहाटीं, नना दिन्‍नम एदुर हूळसेक मत्‍तन,” इंचि पेन वेहता पोल्‍लेतुन यसायाहल रासतोर.

2 कुरेंति 2:16

नासडेम आयानोराहाटीं हामुर गब्‍बुलेसीं मंतोम आनि मुक्‍ति दोर्कानोराहाटीं पिस्वरता बेसता गब्‍बुलेसीं मंतोम. इसोंटा कबळ कियानालायक बोर मंतुर?

कुलुसि 2:10

अंटोर राज्येम कियानोर्कुनपोर्रो, अदिकारकुनपोर्रो किरिस्‍तु तल्‍लालेसीं मंतोर, ओनालोप्‍पो मिमेट पूरा आतिर.

तीतु 3:3

मुन्‍ने मनमगुडा तेल्वि तक्‍कोतोरम, बोरदे पोल्‍ले केंजवोरम, वेरेतोरा पोल्‍लेने मुळ्‍गुतोरम, वेरे-वेरे इच्‍चां आनि सुकाल्कुना गुलामगिरि कीसेके मत्‍तोम. इंका होंगु-पगाते निंडिस मत्‍ता पिस्वर पिसुंदुम, कळकु पोत्‍तुमळ, वेरेतोर मनाकुन हय्साकोंदुर, मनमगुडा वरोंक-वरोर हय्साकोंदुम.

इब्रि 11:31

विस्वासमहेंदाले, यरिहो सहरता रहाब इनना वेस्या, तेळियाकोंटा जाळा कियालय वाता इस्राएलतोर्कुन दाना लोते केय्‍सि सांतिते सहायम कीता, अदुनहाटीं पेनदा पोल्‍ले केंजवा लोकुल्‍कुनतोनि दाना नासडेम पेन किया हिल्‍ले.

इब्रि 4:11

इस्राएल लोकुल्‍क पेनदा पोल्‍ले परकारम ताकुवाहेंका ओर नासडेम आतुर, गानि मनम ओरालेसीं आयाकोंटा, पेनदा पोल्‍ले परकारम ताकसेके अद जेगाते होळियाना इरगा कोसिस कियागोम.

1 पत्रु 1:8

मिमेट येसुन हूळाकोन्‍ना गानि पावरम कींतिट; इंदके ओर दिसाकोन्‍ना ओन विस्वासम कीसि, पोल्‍लेने वेहा परवच्‍चोन आनंदमते आनि महिमाते निंडिस मंतिर.

1 पत्रु 2:4

मिमेट जीवाते मंदना बंडातसोंटा किरिस्‍तुनगा वट, मनकालोर्क ओन हय्‍सा हिल्‍लुर गानि ओर पेनदा लोप्पो पेरकुत्‍तोर आनि विलुवातोर आंदुर.

1 पत्रु 2:8

इंका दर्मसास्‍त्रमते इल्‍हा मंता गदा, “अद बंडा लोकुल्‍कुंक दल्‍गंता, इंका पर्पु बंडा ओर्कुन हिळु अरहंता. बारित्‍ते, ओर पेनदा पोल्‍लेने ताकवाहेंके, बंडा दल्‍गिसि हिळु अर्रंतुर. ओर हिळु अर्रनाहाटींगे इल्‍हा निलाहमळ जर्गता.”