1 पत्रु 2:5 - पवित्र पोल्‍ले

⁵ मिमेटगुडा जीवाते मंदना बंडानलेसीं पवित्र आत्माता लोन दोहचेक मंतिट. येसु किरिस्‍तुनाहेंदाल पवित्र आत्माता बक्‍तितुन मोक्‍कु हीताप पेनदुक ओप्‍पनालायक मनालय, मिमेट पवित्र पेर्मालोरलेसीं निलाहतुर आंदिर.

1 पत्रु 2:5 Iomraidhean Croise

रोम सहरतोरहाटीं पौलुसना सिट्‍टि 12:1

अय्ते विस्वासुल्‍कुनिटा! पेन मनापोर्रो कीता दयातुन मति कीसि, नना मीकुन बतिमलाडसि विनंति कियानद बतल इत्‍ते, मिमेट मीवा पिस्वरतुन पवित्र इरसि, पेनदुक नच्‍चनसोंटा मोक्‍कु हीताप मी पिस्वरतुन जीवाते मननेंकेन अप्‍पजेप्‍पट. इल्‍हा कीतेन मिमेट पेनदा निजम सेवा कीसि तलस्कुत्‍ताप आंता.

1 कुरेंति 3:16

मिमेट पेनदा गुळि आंदिर, पेनदा आत्मा मीलोप्‍पो मनंता, इद मीक तेळियोना?

1 कुरेंति 3:9

मोमोट पेनतोनि कलियसि कबळ कियानोर्कुम आंदुम, मिमेट पेनदा नेलितसंटोर, पेनदा लोतसंटोर आंदिर.

1 कुरेंति 6:19

मीवा मेंदुल पवित्र आत्माता गुळि आंद, अद पेनदाहेंदाल मीलोप्‍पो वासि मनंता, ई मेंदुल मीवद आयो, इंचि मीक तेळियोना?

2 कुरेंति 6:16

बोम्मांक, पेनदा गुळिकु बाता संबंदम? बारित्‍ते मनम अय्ते जीवाते मनना पेनदा गुळि आंदुम. पेनदा दर्मसास्‍त्रमते, “नना ओरा लोप्पो मनंतन, ओरतोनि तिरियंतन, नना ओरा पेन आसि मनंतन, ओर नावा लोकुल्‍क आयानुर,” इंचि रासि मंता.

गलातिया 6:10

अय्ते मरि, मनाकु बल्हा मोका दोर्कते अल्हा अंटोराहाटीं, एक्‍कोते-एक्‍को मना विस्‍वासुल्‍कुनाहाटीं बेस सहायम कीकोम.

पिलिपिया 1:11

मीवा पिस्वरते येसु किरिस्‍तु मत्‍ताहाटीं, मिमेट बस्‍केळ्‍क नीति कबाह्के कीसेक मंदना. दीनहेंदाल पेनदा पोरोल, कदर वेल्‍लेन बेरस्सेक दांता.

पिलिपिया 2:17

पेनदा सेवा कियनाहाटीं मिमेट उंदि मोक्‍कुनलेह्का आसि वेल्‍लेन तिप्‍पल्‍क अरसंतिर. इदंता मीकु पेनदापोर्रो वेल्‍लेन विस्वासम मत्‍ताहेंका आसंता. अदुनहाटीं इसोंटा मीवा मोक्‍कुनतोनि नावा जीवा हीसि नेत्‍तुर वारागिच्‍चालयगुडा नना पजोळ्क होन्‍नोन, गानि वेल्‍लेन कूस मनंतन.

पिलिपिया 4:18

नहगा अन्‍नि मंतां, नाक बच्‍चोर अय्ते गावाले दानकन्‍ना एक्‍को मंतां. मिमेट इपपरदिसुनतोनि लोहता सहायम नाक दोर्कता. अवुनतोनि नावा अव्‍सराल्क अन्‍नि तीरतां. बल्हा अय्ते मोक्‍कु हीतारित्‍ते पेन दाना गब्‍बु एतंता, अल्‍हेने मिमेट लोहतवुन पेन कुसिते एतकुंता.

कुलुसि 3:17

अचोने आयाका, पोल्‍ले आयि, कबळ आयि बतल किय्‍यिना मिमेट सामि येसुना पोरोलतेन कीम्‍टु. ओनाहेंदाले पेनबाबांक दन्यवाद कीम्‍टु.

इब्रि 3:6

गानि पेनदा विस्वासमगल्‍ला मर्रि, किरिस्‍तु, पेनदा पूरा लोतोरा अदिकारि आसि मत्‍तोर. मनमगिंटा मना विस्वासम आनि आसेता बारेमते आकिरदाका इरगा गट्‍टिगा मत्‍ते, मनमगुडा पेनदा लोतोरम आसि मनंतोम.

1 पत्रु 2:9

गानि मिमेट अय्ते पेन पेरकुत्‍ता वंसमतोर, राजुल्कुनसोंटा पेर्मालोर्क, पवित्र राज्येमतोर, पेनदा लोकुल्‍क आंदिर. अदुनहाटीं मिमेट दाना अद्‍बूतामाता कबाह्‍कुन वेहाना इंचि मीकुन हीकटताल अद्‍बूतामाता वेल्‍गुने तत्‍ता.

1 पत्रु 4:11

बोन्क अय्ते पेनदा पोल्‍ले वेहाना वरम दोर्कता, ओर पेन वेहतापे वळ्कना. बोर अय्ते सेवा कींतोर, ओर पेन हिय्यना बलमतेने कियाना. अन्‍नि पोल्‍लेने येसु किरिस्‍तुनाहेंदाल पेनदुके महिमा दोर्काना. महिमा आनि ताकत युगा-युगाल्‍कुनदाका पेनदादे आंद. आमीन.

1 पत्रु 4:17

बारित्‍ते न्‍यायम कियाना वेला एवता. पेन मनातोने न्‍यायम सुरुव कींता अय्ते, बोर अय्ते पेनदा बेसता कबुरतुन केंजुर ओरा गति बतल आयार?

पेन हुपिस्‍ता पोल्‍लें 1:6

मना पेनबाबाना पेद्‍दातनम, अदिकारम बस्‍केळ्‍क मननाहाटीं ओर मनाकुन पेनदा राज्येमतोर आनि पेर्मालोर्क कीतोर. आमीन!

पेन हुपिस्‍ता पोल्‍लें 3:12

बोर अय्ते गेल्सांतोर, ओन नना नावा पेनदा गुळिते बस्‍केने पलाते पेय्साकोंटा उंदि कंबालेसीं निपसंतन. नना ओनपोर्रो नावा पेनदा पोरोल, नावा पेनदागटा स्वर्गमताल हिळु वायाना पूना येरुसलेमता पोरोल आनि नावा पूना पोरोल रासंतन.