1 पत्रु 2:24 - पवित्र पोल्‍ले

²⁴ मनम पापाल्कुनाहाटीं हासि होंचि सत्‍तेमताहाटीं पिसागोम इंचि येसु ओना मेंदुल्तुन क्रुस पोर्रो हीतोर. ओर तित्‍ता देब्बाना हेंदाल मना बिमार्क बेस आतां.

1 पत्रु 2:24 Iomraidhean Croise

मत्‍तयाल 27:26

अस्‍के पिलातुस, बरब्बन होळसिसि, येसुन बारे पोट्‍टेते तंचि, क्रुसुनपोर्रो मोल्‍लां कोह्‍किसि हव्कालय सिपाइल्कुना कय्‍दे अप्पजेपतोर.

मत्‍तयाल 5:20

नना मीकु वेहासेक मंतन केंजट. दर्मसास्‍त्रम कराहना गुरुल्क आनि परिसिल्क ईरकन्‍ना मिमेट एक्‍को नीतिमंतुल्क आयवा स्वर्ग राज्येमते नेंगा पर्रिट.

मत्‍तयाल 8:17

अद अल्हा बारि जर्गुता इत्‍ते एनकटा बस्‍केनो यसायाह इनना पेनदा कबुरतोर वेहता पोल्‍ले पुरागा आयना इंचि जर्गुता. यसयाल इल्‍हा वेहचि मत्‍तोर: “ओर मना रोगाल्‍कुन तेंडसि पोहतोर मना बादन एतकुत्‍तोर.”

मरकुस 15:15

पिलातुसुंक लोकुल्‍कुन कूस कियाना मत्‍ता इंचि ओराहाटीं बरब्बन होळसिसि येसुन बारे पोट्‍टे देब्बां तंचि क्रुसुनपोर्रो वेलाड वाटालय सिपाइल्कुना कय्‍दे अप्पजेपतोर.

लूकाल 4:18

“पेनदा पवित्र सेवक इल्‍हा वेहचंतोर, पेनदा आत्मा नावापोर्रो वाता. गरिबोर्कुंक बेसता कबुर वेहालय, पेन नाकुन अबिसेकम कीता. दोहचि वाटसि ओतोर्कुन, पेन होळसीता इंचि वेहालय, गुड्‍डोर्कुन, मिमेट हूळंतिर इंचि वेहालय, तकलिपते मनानोर्कुन, तकलिपताल तेंडालय,

योहान 1:29

इंकुंदि रोजु योहान, येसु ओनाहेके वायनद हूळसि, “अद हुळाट, दुनियातुन पापमता सिक्‍साताल तप्‍सानाहाटीं मोक्‍कु आयाना पेनदा गोर्रे पोरिनसंटोर!

योहान 19:1

अस्‍के पिलातुस येसुन दोर्कापीसि पोट्‍टे देब्बां तना वेहतोर.

प्रेरितुल्‍कुना कबाह्‍क 10:35

दुनियाता अन्‍नि देसेल्‍कुना लोकुल्‍क ओर बोरन्‍ना आयिर, ओर पेनदुक वेरियसि नीति कबाह्‍क कियानय्ते पेन ओनपोर्रो कूस मनंता.

प्रेरितुल्‍कुना कबाह्‍क 10:39

येरुसलेम, यहुदिया देसेमते ओर कीता अन्‍नि कबाह्‍कुन मोमोट प्रेरितुल्कुम, कळ्‍कुने हूळतोम. इंका ओर ओन क्रुसुनपोर्रो वेलाड वाटसि हव्कतुर.

प्रेरितुल्‍कुना कबाह्‍क 13:29

येसुन बतल-बतल कियानुर इंचि रासि मत्‍तानो, अव अन्‍नि पूरा आतस्के ओन क्रुसुनपोर्रोटाल हिळु रेहचि बोंदा दोस्तुर.

प्रेरितुल्‍कुना कबाह्‍क 5:30

मिमेट येसुन क्रुस पोर्रो वेलाड वाटसि हव्कतिर गानि मावा पेद्‍दाल्कुना पेन ओन हामुरताल मर्रा तेहता.

रोम सहरतोरहाटीं पौलुसना सिट्‍टि 6:11

इल्‍हा मिमेटगुडा पापमताहाटीं हातोरलेह्का मंचि, पेनदाहाटीं येसु किरिस्‍तुने जीवाते मंतोम इनकुंटु.

रोम सहरतोरहाटीं पौलुसना सिट्‍टि 6:13

मीवा मेंदुलतुन सेड्‍डा कबाह्‍क कियालय पापमता कय्‍दुक हियमट. अल्हा कियाकोंटा, “मनम हामुरताल जीवाते तेदतोरम,” इद पोल्‍लेतुन मति कीसि, मीपोर्रो पेनदुक अदिकारम हीम्टु आनि मीवा मेंदुलतुन नीति कबाह्‍क कियनाहाटीं पेनदुक अप्‍पजेप्‍पट.

रोम सहरतोरहाटीं पौलुसना सिट्‍टि 6:16

सेवा कींतन इंचि मीवद मिमेट ओप्कुत्‍ते मिमेट बा मालकुनगा अय्ते सेवा कीसंतिरो, ओन्क मिमेट निजमे दासुल्क आंतिर. इद पोल्‍ले मीकु तेळियोना? मिमेट पापमता दासुल्क आते अद मीकु हामुरता हर्रि हुप्‍संता. गानि मिमेट पेनदा पोल्‍ले केंजते अद मीकुन नीतिमंतुल्क कींता.

रोम सहरतोरहाटीं पौलुसना सिट्‍टि 6:2

बस्‍केने कियामन्‍नि. पापि गुनाल्कुनाल उंदि मल्का मनम बस्‍केळ्‍ताहाटीं वेरे आसि हासोत्‍ताप आतोम. मर्रा असोंटा पापि गुनाल्‍कुने बल्हा पिसकोम?

रोम सहरतोरहाटीं पौलुसना सिट्‍टि 6:22

गानि इंदके पेन मीकुन पापमता कय्‍दाल होळसीताहेंका मिमेट दाना दासुल्क आतिर. अदुनहाटीं इंदके मीकु दोर्कना इनाम बतल इत्‍ते, पेन मीकुन दाना पवित्र हर्दे ताक्‍किचि, आकिरते बस्‍केळ्‍क पिस्सना पिस्वरताहेके ओंता.

रोम सहरतोरहाटीं पौलुसना सिट्‍टि 6:7

बोर अय्ते पडना पिस्वरतुन हाताप होळसीतोरो, ओर ओना पापाल्कुनाल मुक्‍ति दोर्किसि नीतिमंतुड आतोर.

रोम सहरतोरहाटीं पौलुसना सिट्‍टि 7:6

मनम बद नियमते अय्ते दोह्‍चि वाटताप मत्‍तोमो, आ मूसाना नियमताहाटीं इंदके मनम हासि, अव्टेटाल पलाते अरतोम. दानहाटीं मनम आ रासि मत्‍ता पडना नियम परकारम इंदके पिस्सेक हिल्‍लोम. गानि पेनदा आत्मा हुपिस्‍ता पूना हर्दुन एरपाट कीसि अद वेहताप ताकसेके दाना सेवा कीसंतोम.

1 कुरेंति 15:3

अदुनहाटीं अन्‍निंकन्‍ना मुन्‍ने नहगा एवता पोल्‍लेतुने मिहगा एविस्तन. अद बतल इत्‍ते, दर्मसास्‍त्रमता पोल्‍ले मत्‍ताप, किरिस्‍तु मना पापाल्कुनाहाटीं हातोर,

2 कुरेंति 6:17

पेन इल्‍हागुडा इंता गदा, “विस्वासम कियवोरागटाल पेय्‍सट, अलग आम्टु, सापसुतरा हिल्वा वस्‍तुकुन इटमट, अस्‍के नना मीकुन ओप्‍कुंतन.

गलातिया 3:13

“मराकु वेलाड वाटता हरेक मनकल सापनेम दल्‍गतोरे,” इंचि दर्मसास्‍त्रमते रासतद मंता. अदुनहाटीं मूसाना नियमहेंका मनाकु दल्‍गता सापनेमतुन किरिस्‍तु कुद्‍दु येतकुत्‍तोर. इल्‍हा किरिस्‍तु सापनेम दल्‍गतोर आसि मनाकुन आ सापनेमताल कापाळतोर.

इपीसि 5:9

वेलगुने पिसते सिराप अन्‍नि तीरकुना बेसतनम, नीतितनम आनि निजम इवे दिसंतां.

पिलिपिया 1:11

मीवा पिस्वरते येसु किरिस्‍तु मत्‍ताहाटीं, मिमेट बस्‍केळ्‍क नीति कबाह्के कीसेक मंदना. दीनहेंदाल पेनदा पोरोल, कदर वेल्‍लेन बेरस्सेक दांता.

कुलुसि 2:14

नियमकुना पुस्तकम मनाकु विरोदमते मत्‍ता, गानि पेन किरिस्‍तुन क्रुसुनपोर्रो मोल्‍लां कोह्‍किसि अद पुस्‍तकमताल मनाकु विरोदमते मत्‍ता पोल्‍लें तेंडसि पोहता.

कुलुसि 2:20

गानि इंदके मिमेट दुनियाता पोल्‍लेनाल किरिस्‍तुनतोनि हासि होत्‍तिर, अय्ते “अद इटमट, अदुन तिनमट, अदुन पियमट” इंचि दुनियातोरालेसीं नियमकुने बारि ताकसेक मंतिट?

इब्रि 10:5

अदुनहाटींगे, किरिस्‍तु इद दुनियाते वातस्के पेनतोनि इल्‍हा इत्‍तोर: “निमे मोक्‍कुल्क आयि, दानाल्‍क आयिं कोराहिल्‍लिन, गानि नाहाटीं उंदि मेंदुल तयार कीतिन.

इब्रि 12:13

मिमेट मीवा विस्वासमता हरदे सवरगा ताकाटु. अस्‍के बोर अय्ते विस्वासमते कुंटि आसि मंतोरो, ओर विस्वासमते इंकिच्‍चो कुंटि आयाकोंटा गट्‍टि पळानुर.

इब्रि 7:26

येसु पवित्र मत्‍तोर, ओनगा बतले कसूर मनाहिल्‍ले, ओन्क बस्‍केने पापम अंटा हिल्‍ले, पापिल्कुनाल लक्‍कु मत्‍तोर. अदुनहाटीं ओन स्वर्गमकन्‍ना एत्‍तु तेहामळ जर्गता. इसोंटा पेद्‍दा पेर्मले मनाहाटीं बेस कुदरंतोर.

इब्रि 9:28

अल्हेन किरिस्‍तु, वेल्‍लेटोरा पापाल्कुन नासडेम कियानाहाटीं उंदे मल्का ओना सतता जीवातुन मोक्‍कु हीतोर. ओर मरुंदि मल्का मल्सि वायना मंतोर. अय्ते ई मल्का ओर पापमतुन नासडेम कियालय आयो, गानि ओनाहाटीं बच्‍चोनो ओप्‍केते बस्के वांतोर इंचेके एदुर हूळसेक मनानोर्कुन पिसागोटनाहाटीं वायानुर.

याकोब 5:16

अदुनहाटीं मिमेट वरोना मुन्‍ने वरोर मीवा पापाल्कुन ओप्‍कुंटु, वरोनाहाटीं वरोर पारतना कीम्‍टु, अस्‍के मिमेट बेस आकिट. नीति मनकना पारतनाते वेल्‍लेने ताकत मनंता.

1 योहान 2:29

मिमेट ओक्‍कला किरिस्‍तु नीतिमंतुड इंचि तेल्‍पिचकुत्‍तोर आयानय्ते, सत्‍तेमता कबळ कियाना हरेक मनकल पेनदाहेंदाले पुट्तोर इंचिगुडा मीकु तेळियंता.

1 योहान 3:7

पिलाल्‍कुनिटा! मीकुन बोरे पसांचकोंटा जेगर्ता मंटु. बोर अय्ते सत्‍तेम कबाह्‍क कींतोर, ओर किरिस्‍तुनलेसीं नीतिमंतुडे आंदुर.