1 पत्रु 2:23 - पवित्र पोल्‍ले

²³ ओन तेरहिना गानि दानकु बदुल ओर बोने तेरहा हिल्‍लोर. ओन बच्‍चोनो तकलिप कीतुर गानि दानकु बदुल ओर बोर्कुने बेदरिचा हिल्‍लोर, दानकु बदुल सत्‍तेमते न्‍यायम कियाना पेनदुक ओनद-ओर अप्पजेपतोर.

1 पत्रु 2:23 Iomraidhean Croise

लूकाल 23:41

मनम अय्ते तप्पु कीतोम इंचि न्‍यायम परकारम मनाकु सिक्‍सा दोर्कता. गानि ईर अय्ते बतले तप्पु किया हिल्‍लोर,” इंचि इत्‍तोर.

लूकाल 23:46

अस्‍के येसु, “ए पेनबाबा! नना नावा आत्मातुन नीवा कय्‍दे अप्‍पजेपंतन,” इंचि लगांचि वरगेयसि जीवा होळस्तोर.

लूकाल 23:9

अस्‍के ओर येसुन वेल्‍लेन सवाल्क पूसकीतोर. गानि येसु बतले जवाब हिया हिल्‍लोर.

प्रेरितुल्‍कुना कबाह्‍क 17:31

अद पेर्कुत्‍ता मनकनाहेंदाल, इद दुनियाते मनना हरेक मनकना न्‍यायम नीतिते कियानाहाटीं पेन उंदि रोजुन पिक्‍स कीता. अचोने आयका अद पेर्कुत्‍ता मनकन हातोराव्टेटाल मर्रा जीवा अरहचि अंटोर मनकालोर्कुंक अद हीता पोल्‍लेतुन रुजुव कीता.”

प्रेरितुल्‍कुना कबाह्‍क 4:29

अदुनहाटीं, सामि! इंदके ओर वेराहसेक हूळा, नीवा पोल्‍ले दैरनेमते वेहालय सेवाकुल्कुंक बलम हीम.

प्रेरितुल्‍कुना कबाह्‍क 7:59

लोकुल्‍क बंडाने तनानेंके स्‍टिपन, “येसु सामि, नावा आत्मातुन निमे एतकुन.” इंचि पारतना कीतोर.

प्रेरितुल्‍कुना कबाह्‍क 9:1

अदे वेलाते साऊल सामिनपोर्रो विस्वासम कियानोर्कुन हव्कंतन इंचि बेदरिचेक मत्‍तोर. ओर पेद्‍दा पेर्मानगा होत्‍तोर.

रोम सहरतोरहाटीं पौलुसना सिट्‍टि 2:5

गानि गट्‍टि मनसु, हेंडुतनमहेंका बस्‍केने मिमेट मनसु मार्सा हूळिर. इल्‍हा कीसि मीवा सिक्‍सातुन मिमेटे बेरसागोटसंतिर. बस्के अय्ते पेन दाना होंगुन मीपोर्रो हुप्पिचि, मीकु सिक्‍सा हिय्यार अस्‍के लोकुल्‍क दाना सत्‍तेमता न्‍यायमतुन हूळानुर.

इपीसि 6:9

मालकुरिटा! मिमेट मीवा दासुल्‍कुन वेरहुळ-बेदरिच्‍चुळ कियमट, ओर्कुन बेस हूळकुंटु. मीवा इव्वुरागुडा मालक स्वर्गमते मंतोर. ओर सिन्‍ना-पेद्‍दा हूळोर, इद मति इर्कुंटु.

2 तेसलोनि 1:5

इद पेनदा सत्‍तेम न्‍यायमता रुजुव आंदु. मिमेट पेनदा राज्येमते होननालायक आयागोम इंचि इवन्‍नि बादां अरसेक मंतिर.

2 तिमोति 1:12

इदुनाहाटींगे नना इद जेलते तकलिप्क बोगांचेक मंतन. अय्नागानि नना सिग्गु अर्रोन. बारित्‍ते नना बोनपोर्रो विस्वासम इरतन ओर नाकु एर्के. इंका ओर नाकु बतल अय्ते अप्पजेपतोरो अदुन, मल्सि वायाना आ रोजु वायनदाका कापाळा परांतोर इंचि नाकु बरोसा मंता.

2 तिमोति 4:8

नावाहाटीं इर्सि मत्‍ता नीतिता किरिटम, सत्‍तेमते न्‍यायम कियना सामि, ओर मल्सि वातानाडु नाकु अदुन हींतोर. सिराप नाके आयो गानि, बोर-बोर अय्ते ओर दिस्‍सना रोजुन पावरमते एदुर हूळसेक मंतुरो, ओर्कु अंटोर्कगुडा हींतोर.

इब्रि 12:3

पापि लोकुल्‍क ओना पोर्रोटा पगाते ओन बच्‍चोनो तिप्‍पल्‍क-बादां कीतुर. गानि मिमेट दैरनेम होळसि विस्वासमताल पजोळ्क आयामन्‍नि इंचि ओर अवन्‍नि ओर्सकुत्‍तोर. मिमेट ओना बारेमते विचारम कीम्‍टु.

1 पत्रु 3:9

कराबता बदला कराबतोनि एतमट; तेराहतोर इंचि तेराहमट गानि ओर्क आसिर्वाद हीम्टु. बारित्‍ते मीक आसिर्वाद दोर्काना इंचि पेन मीकुन केयता.

1 पत्रु 4:19

अदुनहाटीं बोर अय्ते पेनदा इच्‍चा मत्‍ताप तकलिप अरसेक मंतुरो, ओर बेसता कबाह्‍क कीसेके, मनाकुन पुटिस्ता विस्वासमल्‍ला पेनदुक ओरा आत्मानु अप्पजेप्पना.

पेन हुपिस्‍ता पोल्‍लें 19:11

अस्‍के स्वर्गम कुल्‍ला आसि मत्‍तद हूळतन, अगा नाकु उंदि तेल्‍ला गुर्रम दिस्ता. दानपोर्रो उद्‍दिस मत्‍तोन, विस्वासमगल्‍लोड, सत्‍तेमतोर इंतुर. ओर नीतिते न्‍यायम कीसि लडाइ कींतोर.