1 पत्रु 2:17 - पवित्र पोल्‍ले

¹⁷ अंटोरा कदर कियाना, मना दंटता विस्‍वासुल्‍कुन पावरम कियाना. पेनदुक वेरियसि ताकना, राजाना कदर इर्राना.

1 पत्रु 2:17 Iomraidhean Croise

मत्‍तयाल 22:21

“कैसर राजानद,” इंचि ओर इत्‍तुर. पजा येसु ओर्कु वेहतोर. “बद कैसर राजानद मंता, अद कैसर राजांक हीम्टु, बद अय्ते पेनदाद मंता, अद पेनदुक हीम्टु.” इत्‍तोर.

योहान 13:35

मीवा वरोनद वरोर पावरम कियमळतुन हूळसि, मिमेट नावा सिस्युल्क आंदिर, इंचि अंटोर लोकुल्‍कुंक तेळियसि दांता,” इंचि येसु वेहतोर.

रोम सहरतोरहाटीं पौलुसना सिट्‍टि 12:10

उंदि कुटुंबतोरलेसीं वरोंक-वरोर बेस पावरम कीकुंटु, वरोंक-वरोर कदर हियनेंके, मनाकन्‍ना एक्‍को इंकावरोंक कदर हीम्टु.

रोम सहरतोरहाटीं पौलुसना सिट्‍टि 13:7

सरकारुंक बतलय्ते हियना मंतांगो अव हीसीम्टु, कर दोहनद दोहटु, तासिल दोहनद दोहटु, अदिकारिल्कुंक वेरियसि मनना इत्‍ते ओर्क वेरियट, बोर्क कदर हियना मंता ओर्क कदर हीम्टु.

2 कुरेंति 7:1

पावरमगल्‍लोरिटा! पेन हीता इव पोल्‍लें मनकगुडा दोर्किसे मंतां, अदुनहाटीं मनम मना मेंदुल्क, आत्माक अंट्‍सि मत्‍ता मुर्कितुन नोर्सि साप कीकोम, पेनदुक वेरियसि पूरा पवित्र आसेके दाकोम.

इपीसि 5:21

मनसुने किरिस्‍तुना वेर्रे इर्सि वरोंक-वरोर लोंगिस मंटु.

पिलिपिया 2:3

सतता पाय्दाताहाटीं आयि, पेद्‍दातनम हुप्‍सालय आयि बदे कबळ कियमट. गानि वेरेतोरा कदर कीसेके मनम कुद्‍दु ओरा मुन्‍ने सिन्‍नोड आसि मनना.

1 तिमोति 6:1

बोर अय्ते दासि कबळ कीसेके मंतुरो, ओर अंटोर ओरा मालकुल्कुन अन्‍नि तीरकुना मान-मर्यादालायक इनकुनगोम. अस्‍केने पेनदा पोरोल आनि कराहता पोल्‍ले बदनाम आयाकोंटा मनंता.

इब्रि 13:1

मिमेट अंटोर उंदि लोतोरलेसीं वरोंक-वरोर पावरम कीसेके मंटु.

1 पत्रु 1:22

मिमेट सत्‍तेमता हर्रि ताकसि मीवा आत्मातुन पवित्र कीकुत्‍तिर. अदुनहाटीं मिमेट वरोंक-वरोर पावरम कीसेके मंतिट. अल्‍हेने इंदके मीलेसीं विस्वासुल्‍क आतोर्कुन मिमेट पूरा मनसुनाल पावरम कीम्‍टु.

1 पत्रु 2:13

मिमेट सामिनाहाटीं दुनियाते मनना अदिकारिल्कुना कय्‍दा हिळु मंटु. राजाल पेद्‍दोड इंचि ओना कय्‍दा हिळु मंटु. अदिकारिल्कुना पोल्‍ले केंजाट, बारित्‍ते बेसता कबळ कियानोर्कुंक मेच्‍कुनालय आनि कराब कियानोर्कुंक सिक्‍सा हियालय ओर्कुन लोहमळ जर्गता.

1 पत्रु 5:5

अल्‍हेने ए लेय्युरिटा! मिमेटगुडा पेद्‍दाल्क वेहताप ताकट, वरोंक-वरोर सेवा कियानाहाटीं सिन्‍नागासि मुन्‍ने ताकट. बारित्‍ते, पेन गर्रा कियानोर्कुंक अड्‍डम तिरियंता, गानि सादा-सिंपल मंचि ताकानोर्कुंक कुर्पा हींता.