1 पत्रु 2:16 - पवित्र पोल्‍ले

¹⁶ मिमेट बोना कय्‍दा हिळु हिल्‍वाप मना परांतिट गानि “बोना कय्‍दा हिळु हिल्‍लोम” इंचि मीवा मनसुंक वाताप कराब कबाह्‍कुने ताकमट, पेनदा सेवाकुल्कुनलेसीं ताकट.

1 पत्रु 2:16 Iomraidhean Croise

मत्‍तयाल 23:13

अरे डोंगि परिसिल्क आनि दर्मसास्‍त्रम कराहना गुरुल्कुनिटा, मीक गोसा तप्‍पो. स्वर्ग राज्येमते होनानोरा हर्रि मिमेट बंद कीतिर. मिमेट अय्ते होन्‍निर, होनानोर्कुनगुडा होन्‍ना हिय्यिर.

योहान 15:22

“उंदि वेला नना वासि ओरतोनि वळ्‍काकोंटा मंचि मत्‍ते, ओरपोर्रो पापम मना कोनवळ. गानि इंदके मात्रम ओर्क ओरा पापमताल तपिच्‍कुनालय हर्रि हिल्‍ले.

रोम सहरतोरहाटीं पौलुसना सिट्‍टि 6:18

इंदके पेन मीकुन पापमता कय्‍दाल होळसीता इंचि मिमेट सत्‍तेमता कबाह्‍क कियालय पेनदा दासुल्क आतिर.

रोम सहरतोरहाटीं पौलुसना सिट्‍टि 6:22

गानि इंदके पेन मीकुन पापमता कय्‍दाल होळसीताहेंका मिमेट दाना दासुल्क आतिर. अदुनहाटीं इंदके मीकु दोर्कना इनाम बतल इत्‍ते, पेन मीकुन दाना पवित्र हर्दे ताक्‍किचि, आकिरते बस्‍केळ्‍क पिस्सना पिस्वरताहेके ओंता.

1 कुरेंति 7:22

बारित्‍ते, दास आसि मत्‍तस्के निमे सामिन विस्वासम कीतिन, अव्टेटाल इळबळतिन. इळबळतस्के सामिन विस्वासम कीतिन अय्ते किरिस्‍तुना दास आतिन.

गलातिया 5:1

मनम नियमकुना लोप्पो दासुनलेसीं मनामन्‍नि इंचि किरिस्‍तु मनाकुन अव्टेटाल इळबळिस्तोर. अदुनहाटीं विस्वासमते गट्‍टिगा मंटु, मिमेट नियमकुना बर्वु दासुल्‍कुनलेसीं मर्रा कांजमटु.

गलातिया 5:13

गानि विस्वासुल्‍कुनिटा! पेन मीकुन नियमकुना लोप्पोटाल इळबळिस्ता. अदुनहाटीं नना वेहासेक मंतन, मिमेट मीवा पापि विचाराल्कुन पूरा कियालय मीकु विचारम वाताप ताकानायो गानि पावरमते वरोंक-वरोर सहायम कीसेक मंदना.

इपीसि 6:6

सिराप लोकुल्‍क कूस आयगोम इंचि हुप्‍सालय सेवा कियानोरलेसीं मिमेट कियमट. दानकु बदुल, पेनदा इच्‍चा परकारम किरिस्‍तुना सेवा कियाना दासुल्‍कुनलेसीं मनसु तासि कबळ कीम्‍टु.

1 तेसलोनि 2:5

बारित्‍ते मोमोट मीकुन बस्‍केने बुद्रगिच्‍चना पोल्‍लें वळ्का हिल्‍लोम. अल्‍हेने मावा आस्तिताहाटीं मीकुन नळेह किया हिल्‍लोम, दीनकु पेने गवाइ मंता, इंचि मीक एरपाटे मंता.

याकोब 1:25

गानि बोर अय्ते मुक्‍तिता तप्पु हिल्वा नियम मत्‍ताप ताकंतोर आनि अदुन मरगोर, असंटोना कबळ लोप्पो पेनदा आसिर्वाद मनंता.

याकोब 2:12

बोरद अय्ते पापमताल इळबळिचना नियम परकारम न्‍यायम आयाना मंता. मिमेट ओरालेसींगे वळ्कट, कबळ कीम्‍टु.

2 पत्रु 2:19

ओर कुद्‍दे कराब कबाह्‍कुना दासुल्क आसि, इंकावरोन असोंटा गतिताल तेंडांतोम इंचि पोल्‍ले हींतुर. बारित्‍ते वरोर मनकन बतलय्ते गेल्संतोरो, ओर अदुना दासुड आसि मनंतोर.

यहुदा 1:4

बारित्‍ते चुपचाप इच्‍चुर लोकुल्‍क मीलोप्‍पो होळियतुर, ओर पेनदा बक्‍तुल्क आयुर. ओर पेनदा कुर्पातुन बिगडांचि पापमता कबाह्‍क कियानाहाटीं मना वरोरे मालक सामि येसु किरिस्‍तुन ओप्‍कुन्‍नुर. असंटोर्क सिक्‍सा आंता इंचि मोदाटाले दर्मसास्‍त्रमते रासि मंता.