1 पत्रु 2:15 - पवित्र पोल्‍ले

¹⁵ बारित्‍ते, मीवां बेसता कबाह्‍कुन हूळसि, तेल्वि तक्‍को लोकुल्‍कुना तोड्‍डि बंद कियाना इंचि पेनदा इच्‍चा मंता.

1 पत्रु 2:15 Iomraidhean Croise

मत्‍तयाल 25:2

अवनगटाल हेय्युं तेल्वि हिल्वव मत्‍तां, हेय्युं बारे तेल्‍वितव मत्‍तां.

मत्‍तयाल 7:26

गानि नावा पोल्‍लें केंजसि, दाना परकारम ताकवा हरेक मनकल, उस्केते लोन दोहकुता तेल्वि हिल्वासंटोर आंदुर.

रोम सहरतोरहाटीं पौलुसना सिट्‍टि 1:21

ओर पेनदुन अय्ते एरपाट कींतुरे, गानि पेनदुन बल्हा अय्ते तल्‍सकुनागोम अल्हा तल्सकुन्‍नुर इंका दाना कदरगुडा किय्युर. अल्हा किय्यका ओर अट्‍टि विचाराल्क कीसि ओरा मनसुने हीकटा कीकुत्‍तुर.

गलातिया 3:1

ए गलातिया एरियाता लोकुरिटा, मिमेट निजमे बुद्‍दि हिल्वोर आंदिर. येसु किरिस्‍तुन क्रुसुनपोर्रो बारि वेलाळ वाटतुर? दाना अर्तम बतल? इदंता नना मीकु बेस तेळियानाल वेहचि मत्‍तन. असल मीकुन तप्‍पुड हर्दुक तिराहतोर बोर?

1 तेसलोनि 4:3

बारित्‍ते मिमेट बोगमतनमताल लक्‍कु मत्‍ते पवित्र मनंतिर, इदे पेनदा इच्‍चा आंद.

1 तेसलोनि 5:18

अन्‍नि परिस्तितिने मिमेट पेनदुक दन्यवाद कीम्‍टु, बारित्‍ते मिमेट येसु किरिस्‍तुनलोप्‍पो इल्हे मंदना इंचि पेनदा इच्‍चा मंता.

1 तिमोति 1:13

मुन्‍ने नना बदनाम कियुंदुन, तकलिप हियुंदुन, तेंडसि पोहचि वळ्‍कुंदुन. अयना नाकु सामिना दया दोर्कता, बारित्‍ते नना कियानद बतलो तेळियका, अविस्वासमते अल्हा कीतन.

तीतु 2:8

निमे कराहना बोदा इच्‍चोन सत्‍तेम मनना गदा, अव्टे बोरे तप्पु तेंडामन्‍नि आनि नीवा विरोदमते वळ्कानोर्कुंक मना बारेमते बतले तप्पु दोर्कका ओर्क सिग्गु वायगोम.

तीतु 3:3

मुन्‍ने मनमगुडा तेल्वि तक्‍कोतोरम, बोरदे पोल्‍ले केंजवोरम, वेरेतोरा पोल्‍लेने मुळ्‍गुतोरम, वेरे-वेरे इच्‍चां आनि सुकाल्कुना गुलामगिरि कीसेके मत्‍तोम. इंका होंगु-पगाते निंडिस मत्‍ता पिस्वर पिसुंदुम, कळकु पोत्‍तुमळ, वेरेतोर मनाकुन हय्साकोंदुर, मनमगुडा वरोंक-वरोर हय्साकोंदुम.

1 पत्रु 2:12

मिमेट अविस्वासुल्‍कुना नड्‍डुम मंतिट इंचि बेस ताकट. ओर मीकुन कराब लोकुल्‍क इंचि बदनाम किय्यिनागानि मीवा बेस कबाह्‍कुन हूळसि, पेन वायाना रोजुने ओर इंका पेनदा कदर कियानुर.

1 पत्रु 3:16

गानि मिमेट किरिस्‍तुना लोप्पो बेस पिसमळतुन हूळसि बोर अय्ते मीवा अपमानम कींतुर, असंटोर्क मीवा ताकमळतुन हूळसि सिग्गु वायानाल मीवा विवेक बुद्‍दितुन बेस इर्सि ताकट.

1 पत्रु 3:17

ओक्‍कला बेसता कबाह्‍क कीताहाटींगे तकलिप बोगांचमळ पेनदा इच्‍चा मत्‍ते, कराब कबाह्‍क कीसि तकलिप बोगांचना दानकन्‍ना, इदे बेस.

1 पत्रु 4:2

ओर वायाना रोजकुने मेंदुल्ता इच्‍चाना परकारम आयो गानि पेनदा इच्‍चा परकारम पिस्संतोर.

2 पत्रु 2:12

गानि ईर ई लोकुल्‍क ओर्क तेळियवा पोल्‍लेना बारेमते तेराहसेक मनांतुर, दोर्कापीसि हव्कानाहाटीं पुटता बुद्‍दि हिल्वा जिवरासिनसंटोर ईर आंदुर. अवुनालेसीं ईरगुडा नासडेम आंतुर.

यहुदा 1:10

ई लोकुल्‍कुंक बव पोल्‍लें अय्ते तेळियों अवुन हय्सुर, गानि बुद्‍दि हिल्वा जिवरासिनलेसीं बव पोल्‍लें अय्ते ओर्क तेळियंतां अवुनाहेंदाले ओर नासडेम आंतुर.