1 पत्रु 2:12 - पवित्र पोल्‍ले

¹² मिमेट अविस्वासुल्‍कुना नड्‍डुम मंतिट इंचि बेस ताकट. ओर मीकुन कराब लोकुल्‍क इंचि बदनाम किय्यिनागानि मीवा बेस कबाह्‍कुन हूळसि, पेन वायाना रोजुने ओर इंका पेनदा कदर कियानुर.

1 पत्रु 2:12 Iomraidhean Croise

मत्‍तयाल 10:25

सिराप सिस्युड गुरुनलेसीं, जीतागाड मालकुनालेसीं आयगोम अचोने सालु. ओक्‍कला लोता मालकुन नाकुने बेलजेबुल इनानय्ते, लोते मनना मीवद अंटोरद बद गति आयार!

मत्‍तयाल 5:11

“मिमेट नावा सिस्युल्क आताहाटीं लोकुल्‍क मीवा अपमानम कींतुर, तिप्‍पल्‍क कींतुर, मीवा विरोदमते बच्‍चुंगो आबद्‍दम पोल्‍लें वेहांतुर, अस्‍के मीकुगुडा पेन आसिर्वाद हींता.

मत्‍तयाल 5:16

अदुनहाटीं मीवा पिस्वर लोकुल्‍कुना मुन्‍ने इल्‍हा मनना गदा मीवा वेलगुनसोंटा बेसता कबाह्‍कुन हूळसि वेरेतोर स्वर्गमता बाबानद कदर कियानुर.

मत्‍तयाल 9:8

अगा मत्‍ता लोकुल्‍कुंक अद हूळसि वेरियसि इचंत्रम आता. “इच्‍चोर पेद्‍दा अदिकारम पेन मनकालोर्कुंक हीता,” इंचि आ पेनदा स्‍तुति कीतुर.

लूकाल 1:68

“मावा इस्राएलतोरा पेनदुन नना तल्‍सकुंतन, बारित्‍ते अद दाना लोकुल्‍कुंक, सहायम कियालय वासि ओर्कु मुक्‍ति हीता.

लूकाल 19:44

मीवा पेन मीकुन पिसागोटालय मिहगा वाता वेलातुन एरपाट किया हिल्‍लिर. अदुनहाटीं मीवा पगातोर मीकुन, मीवा पिलाल्कुन तोळिते कल्‍पानुर. पजा बंडां उंदानपोर्रो उंदि इर्सि दोहता गूरेतुन कूलाह्‍चि समानम कियानुर,” इत्‍तोर.

लूकाल 6:22

मनकना रूपमते पुटता पेनदा मर्रिना सिस्युल्क आताहाटीं, बस्के अय्ते लोकुल्‍क मीकुन हय्साकोंटा आंतुर, गेदमिसींतुर, अपमानम कींतुर, मिमेट हेळसोत्‍तिर इंचि, मीवा पोरोल एताकोंटा आंतुर, अस्‍के मीकु पेन आसिर्वाद हींता.

योहान 13:31

यहुदल पलाते होत्‍तस्के, येसु इल्‍हा वेहालय दल्‍गतोर. “मनकना रूपमते पुटतोंक नाकु, महिमा दोर्कना वेला इंदके एव्ता. नाकु जर्गना अन्‍निटवुनहेंदाल पेनदुक महिमाता कदर दोर्कार.

प्रेरितुल्‍कुना कबाह्‍क 15:14

पेन मोट्‍टा मोदाला वेरे जातितोर पोर्रो दाना दया हुपिच्‍चि ओरागटाल इच्‍चुर्कुन दाना लोकुल्‍कुन लेह्का बल्हा कीकुत्‍ता, इदुना बारेमते सिमोन पत्रु मनाकु वेहचि मत्‍तोर.

प्रेरितुल्‍कुना कबाह्‍क 24:13

इंदके नीवा मुन्‍ने, नावापोर्रो दोस्ता तप्‍पुकुन ईर निजम कीसि हुप्‍सा पर्रुर.

प्रेरितुल्‍कुना कबाह्‍क 25:7

पौलुस वातारित्‍ते, येरुसलेमताल वाता यहुदिल्कु ओना सुट्‍टु निततुर. ओनपोर्रो पेद्‍दा-पेद्‍दा तप्पुक दोस्तुर, गानि उंदिंका तप्पु निजम कीसि वेहा पर्राहिल्‍लुर.

प्रेरितुल्‍कुना कबाह्‍क 28:22

गानि अन्‍नि जेगाने नासरेत पार्टितोरा विरोदतेन वळ्‍कानद माकु एर्का मंता. अयना नीवा विचारम बतल मंता, इद मोमोट नीवाहेंदाले केंजंतोम,” इंचि इत्‍तुर.

रोम सहरतोरहाटीं पौलुसना सिट्‍टि 12:17

बोरन्‍ना मीकु तकलिप हीते, मिमेट ओर्क तकलिप हीसि बदला येतमट. अंटोरा नदरते बद बेसो, अदे कियना विचारमते बस्‍केळ्‍क मंटु.

रोम सहरतोरहाटीं पौलुसना सिट्‍टि 13:13

पोद्‍दला ओप्‍पनालायक मनम ताकाना. अदुनहाटीं लावारिस तिरिया मनि, कराब पार्टिं कियामन्‍नि, रिम्मा वायानव उनामन्‍नि, बोगम कबाह्‍क कियामन्‍नि, जगडाल्‍क कियामन्‍नि, इंकावरोन पोर्रो कळ्‍क पोत्‍ता मन्‍नि, गानि मनम बेसता हर्दे ताकाना.

रोम सहरतोरहाटीं पौलुसना सिट्‍टि 14:18

इल्‍हा किरिस्‍तुना सेवा कीतोन पेन मेच्‍चुकुंता, लोकुल्‍कुना नड्‍डुमगुडा ओनकु कदर दोर्कंता.

रोम सहरतोरहाटीं पौलुसना सिट्‍टि 15:9

अचोने आयाका यहुदि आयवोरगुडा पेन ओरापोर्रो कीता दयाताहाटीं दान तल्‍सकुनना इंचि किरिस्‍तु वातोर. बजन संहिताते इल्‍हा मंता: “नना यहुदि आयवोरतोनि कलियसि, नीकुन तल्‍सकुंतन.”

1 कुरेंति 14:25

ओना मनसुने मक्‍किस मत्‍तव पूरा दिसंतां. अदुनहाटीं ओर बोकबोर्लें अर्सि पेनदुन मोळ्‍कंतोर आनि “निजमे पेन मीलोप्‍पो मंता,” इंचि ओप्‍कुंतोर.

2 कुरेंति 1:12

मोमोट दुनियाते मननेंके कास कीसि मीवा नड्‍डुम मननेंके, पेनदुक इस्‍टामाताप पवित्र आनि सत्‍तेमते मत्‍तोम, अद मनकना तेल्‍विते आयो गानि पेनदा कुर्पातोनि मत्‍तोम इंचि मावा मनसु गवाइ वेहासेक मंता. इद मावाहाटीं पेद्‍दिरकेमता पोल्‍ले आंद.

2 कुरेंति 13:7

ओक्‍काला मोमोट निजम प्रेरितुल्‍कुनालेसीं मीक दिस्‍साकोन्‍नागुडा, बतल सत्‍तेम मंता अदे कियाना इंचि मीहाटीं पेनदुक पारतना कीसेक मंतोम.

2 कुरेंति 8:21

सिराप पेनदा मुन्‍नेने तप्‍पु हिल्‍वाप आयो, गानि मनकालोरा मुन्‍नेगुडा तप्‍पु हिल्‍वाप मंतोम.

इपीसि 2:3

मनम अंटोरमगुडा मुन्‍ने मना मेंदुल्ता आसेन परकारम पिस्‍सुंदुम, मेंदुल आनि मनसुना इच्‍चां पुरागा कियानाहाटीं कराब विचाराल्क कीसेके, ओरा नड्‍डुम ओरालेसीं ताकतोरमे आंदुम. पेनदुन बरोसा कियवोरा गुनम मत्‍ताप मना गुनमगुडा मत्‍ताहेंका, मनम पेनदुक होंग वायाना पिस्वर पिस्सेक मत्‍तोम.

इपीसि 4:22

अय्ते मीवा पडाना पिस्वरते मत्‍ता गुनाल्‍कुन इंदके तेंडसि पोहाट. अव गुनाल्‍क मीलोप्‍पो कराब कबाह्‍क कियाना आसे पुट्‍टिचि मीकुन पाडगीसि पोहंतां.

पिलिपिया 1:27

बद बतले आयि, मीवा पिस्वर मात्रम किरिस्‍तुना बेसता कबुरते मत्‍ताप मनना. अस्‍के बतल आंता इत्‍ते, नना मिहगा वायिना, वायाकोन्‍ना मिमेट अंटोर उंदे आत्माते गट्‍टिगा बेस मंतिर आनि बेसता कबुरहाटीं अंटोर कलियसि पिस्सेक मंतिर इंचि वेरेतोरा हेंदाल नना केंजना.

पिलिपिया 4:8

विस्वासुल्‍कुनिटा! आकिरते इंकुंदि पोल्‍ले वेहानद मंता. अद बतल इत्‍ते, बव पोल्‍लें अय्ते सत्‍तेम, तल्‍सकुननालायक मंतां, अव पोल्‍लेना बारेमतेन विचारम कीसेक मंटु. इत्‍ते, बरोसालायक पोल्‍लें, कदरलायक पोल्‍लें, नीतिता पोल्‍लें, पवित्र पोल्‍लें, कुसिता पोल्‍लें, सोबांचना पोल्‍लें इवे पोल्‍लेना बारेमते विचारम कीसेके मंटु.

1 तेसलोनि 4:12

इल्‍हा मत्‍ते मिमेट विस्वासम कियवोरा मुन्‍नेगुडा कदरलायक मनंतिर, बोना पोर्रोने बर्वु आयिर.

1 तिमोति 2:2

मनम राजालोराहाटीं आनि पेद्‍दा-पेद्‍दा अदिकारिल्कुनाहाटीं पारतना कियगोम. अल्हा कीते मनम आरामते, सांतिते आनि पेनदुक नच्‍चना कदरगल्‍ला पिस्वर पिसा पर्रांतोम.

1 तिमोति 4:12

नीवा लेय्यातनमहेंदाल बोरे नीकुन सिन्‍नगा हूळानायो. गानि वळ्कुमळते, ताकमळते, पावरम हूप्‍समळते, विस्वासमते, पवित्र मनमळते विस्वासुल्‍क नीकुन हूळसि करियगोम, अल्हा मन्‍नु.

1 तिमोति 5:10

इंका अद मुरतळ बेस कबाह्‍कुने बेस पोरोल तरकुंचि मनगोम, मर्क-मियाह्कुन पोस कीतद आयगोम, वाता हेळमितोरा सेवा कीतद आयगोम, पवित्र लोकुल्‍कुना काल्क नोरतद आयगोम, तकलिपने मत्‍तोर्कुंक सहायम कीतद आयगोम इंका अन्‍नि परिस्तितिने बेस कबाह्‍क कियालय अप्पजेपतद आयगोम.

इब्रि 13:18

माहाटीं पारतना कीसेके मंटु. अन्‍नि तीरकुने मोमोट निजम बतल अदे कीसेके, बेस कदरते पिस्सेक मंतोम. इंका मावा बुद्‍दिगुडा सत्‍तेम मंता इत्‍ता बरोसा माकु मंता.

इब्रि 13:5

दनमताहाटीं मिमेट आसे पडानायो. मिहगा बतल अय्ते मंता अव्टेन कूस मंटु. बारित्‍ते पेने कुद्‍दु इल्‍हा इत्‍ता: “नना नीकुन बस्‍केने होळ्‍सोन, नना नीकुन बस्‍केने दिक्‍कु हिल्वोन किय्योन,” इंचि वेहता.

याकोब 3:13

मीलोप्‍पो तेल्वितोर, तेळियतोर बोर मंतोर? ओर ओना बेसता पिस्वर हेंदाल, तेल्‍विते सीदा-सादा मंचि ओर कियाना कबाह्‍कुन हुप्‍सना.

1 पत्रु 2:15

बारित्‍ते, मीवां बेसता कबाह्‍कुन हूळसि, तेल्वि तक्‍को लोकुल्‍कुना तोड्‍डि बंद कियाना इंचि पेनदा इच्‍चा मंता.

1 पत्रु 3:16

गानि मिमेट किरिस्‍तुना लोप्पो बेस पिसमळतुन हूळसि बोर अय्ते मीवा अपमानम कींतुर, असंटोर्क मीवा ताकमळतुन हूळसि सिग्गु वायानाल मीवा विवेक बुद्‍दितुन बेस इर्सि ताकट.

1 पत्रु 4:11

बोन्क अय्ते पेनदा पोल्‍ले वेहाना वरम दोर्कता, ओर पेन वेहतापे वळ्कना. बोर अय्ते सेवा कींतोर, ओर पेन हिय्यना बलमतेने कियाना. अन्‍नि पोल्‍लेने येसु किरिस्‍तुनाहेंदाल पेनदुके महिमा दोर्काना. महिमा आनि ताकत युगा-युगाल्‍कुनदाका पेनदादे आंद. आमीन.

2 पत्रु 3:11

इवन्‍नि नासडेम आयाना मंता, अदुनहाटीं मिमेट पवित्र अल्हेन पेनदा पिस्वरते बल्हा मंदगोम, विचारम कीम्‍टु.