1 पत्रु 2:1 - पवित्र पोल्‍ले

¹ पेन बच्‍चोर दया कियानद आंद इंचि मिमेट अय्ते एरपाट कीतिट. अदुनहाटीं अन्‍नि तीरकुना तप्पु कबाह्‍क, अन्‍नि तीरकुना बोंकिचमळ, नडेह कियमळ, कळ्‍क पोतमळ, अन्‍नि तीरकुना अपमानम कियमळ इवुन होळसीम्टु.

1 पत्रु 2:1 Iomraidhean Croise

मत्‍तयाल 15:7

अरे डोंगिरिटा, यसायाह इनना पेनदा कबुरतोर मीवसोंटा डोंगिरा बारेमते निजमे वेहतोर, ओर इत्‍ताप

मत्‍तयाल 23:28

अल्‍हेने मिमेट इंका पलाताल लोकुल्‍कुंक पक्‍का नीतिमंतुल्‍कुन लेह्का दिसंतिर. गानि मीवा पीट लोप्पो नडेह कियना बुद्‍दि, पापमता कबाह्‍क निंडिस मंता.

मत्‍तयाल 24:51

वासि, आ सेवाकुंक पेद्‍दा सिक्‍सा हीसि, ओन डोंगि लोकुल्‍कुने कल्‍पानुर. अगा सिराप अळमळ, पल्कु कोर्कमळे मनंता.

मत्‍तयाल 7:5

मोदाला नीवा कळ्‍दा सित्‍कुन तेंडा. अस्‍के नीवा दंटातोना कळ्‍दा बुस्सितुन तेंडालय नीकु बेस दिस्‍सार.

मरकुस 12:15

येसु ओरा मनसुना कराब पिलान एरपाट कीसि, ओर्कुन इल्‍हा इत्‍तोर. “मिमेट बारि नावा पट्‍टु हूळांतिर? नाकु उंदि एंडि बंडि हुप्‍सट,” इत्‍तोर.

लूकाल 11:44

मीकु गोसा तप्‍पो. बारित्‍ते, अगा बोंदा मंता इंचि तेळियका लोकुल्‍क जारसेके दांतुर, मिमेट आ बोंदानसंटोर आंदिर.”

लूकाल 12:1

अच्‍चोटेन अगा वेय्‍कुना मंदि जमा आसि, इरगा गर्दि आताहेंका वरोंक वरोर जारसेके मत्‍तुर. अस्‍के येसु मोट्‍टा मोदाला ओना सिस्युल्कुनतोनि इल्‍हा वळकालय दल्‍गतोर. “परिसिल्क डोंगिर्क आंदुर, ओरा पुल्‍लटा पिंडिता बारेमते जेगर्ता मंटु.

लूकाल 6:42

नीवा कळ्‍देन सित्‍कु अर्सि मननेंके, नीवा कळ्‍दे अरता बुस्सितुन तेंडाहीम इंचि नीवा दंटातोन बल्हा इना पर्रांतिन? ए डोंगि मनका! मोदाला नीवा कळ्‍दा सित्‍कुन तेंडा. अस्‍के नीवा दंटातोना कळ्‍दा बुस्सितुन तेंडालय नीकु बेस दिस्‍सार.”

योहान 1:47

येसु नतेनलुन ओनहेके वायनद हूळसि ओना बारेमते, “अद हुळाट, निजम इस्राएल मनकल. ओनालोप्‍पो बतले आबद्‍दम पोल्‍ले हिल्‍ले,” इंचि इत्‍तोर.

रोम सहरतोरहाटीं पौलुसना सिट्‍टि 1:29

ओरा लोप्पो अन्‍नि तीरकुना कराब कबाह्‍क, पगा, आस्‍ति, सीडातनम निंडिस होत्‍ता. चुगलीं कियमळ, कळ्‍क पोतमळ, हव्‍कमळ, जगडाल्‍क कियमळ, विरोद कियमळ, नळेह कियमळ इसोंटा गुनम निंडिस ओर इंकावरोना बारेमते कराब विचारम कियानोर आतुर.

1 कुरेंति 14:20

विस्वासुल्‍कुनिटा! मिमेट तेल्‍विते सिन्‍ना-पिलाल्कुनालेसीं मनमट, गानि पेद्‍दा मनकालोर्कुनालेसीं मंटु. कराब पोल्‍लेने सिन्‍ना-पिलाल्‍कुनलेसीं तेळियवाप मंटु. विचारम कियमळते पेद्‍दोरालेसीं मंटु.

1 कुरेंति 5:8

अदुनहाटीं मनम पळाना पुल्‍लाटा पिंडितसोंटा कराब कबाह्‍कुने, दुस्‍ट गुनाल्‍कुने आयो गानि इमानदारता, सत्‍तेमता पुल्‍लगा आयवा हारिनसोंटा पंडुगु कियमळ गावाले.

2 कुरेंति 12:20

बारित्‍ते नना मिहगा वातास्‍के, मिमेट इनकुत्‍ताप नना मीक दोर्का पर्रोन आयावच्‍चु इंका नना इनकुत्‍ताप मिमेट मंदक होननिर. बोर्क एरपाट, मीलोप्‍पो जगडाल्‍क, कळ्‍क पोतमळ, होंग, सतता पायदा, अपमानम, पेद्‍दिरकेम, चुगलीं, लोल्‍लिं इसोंटवगुडा दिस अर्रानुं इंचि नना वेरियसेक मंतन.

इपीसि 4:31

मिहगा मनना हेळाह्‍ना गुनम, पगा, होंग, वरगेयना बुद्‍दि, अपमानम कियाना बुद्‍दि इसोंटा अन्‍नि कराब गुनाल्‍क-पोल्‍लेन मिहागटाल लक्‍कु कीम्‍टु.

1 तेसलोनि 2:3

बारित्‍ते मावा बोदा गलतितेनो, कराब विचाराल्कुनेनो, पसांचना उद्‍देसमते वेहतद आयो.

1 तिमोति 3:11

इल्हेने मुर्ताह्कगुडा अंटोर कदर हियनलायक मनगोम. अवुनगा वेरेतोर्कुन अपमानम कियना गुनम मनामन्‍नि. गानि बेस ओप्‍केते अन्‍नि पोल्‍लेने विस्वासम कियनलायक अव मनगोम.

तीतु 2:3

अल्‍हेने मातरिह्कुंक करहा गदा, अवुना पिस्वर पवित्र लोकुल्‍कुना पिस्वरलेह्का मंदना. वेरेतोरा पोर्रो दोसेल्क दोस्साकोंटा, कल्कु उनाकोंटा, अव बस्‍केळ्‍क बेसता बारेमतेन कराहगोम.

इब्रि 12:1

इचोन मंदिता गवाइं, मब्बुनलेसीं मना सुट्‍टु आताप मंतां. अदुनहाटीं मनाकुन आपाना हरेक बर्वुन आनि अल्कगा पट्‍टुने अरहना पापमतुन होळसिसि, पेन मनाकु हुपिस्‍ता हरदे ओप्‍केते वितकोम.

याकोब 1:21

अदुनहाटीं मीलोप्‍पो मत्‍ता कराब पोल्‍लेन आनि दुस्‍ट मनसुन तेंडसि पोहाचि, पेन मीवा मनसुने हीता बेसता पोल्‍लेतुन मिमेट पेद्‍दातनम हूळाकोंटा पीकुंटु. बारित्‍ते अद मीवा आत्मान पिसागोटनाहाटीं बलमतद आंद.

याकोब 3:14

गानि मीवा मनसुने वेल्‍लेने कूटा-कूटा, लालचता इच्‍चां निंडिस मत्‍ते, नीवा तेल्‍विता बारेमते पेद्‍दिरकेम कीसि, सत्‍तेमता विरोदमते पापम कियामन्‍नि.

याकोब 4:11

विस्वासुल्‍कुनिटा! वरोना-वरोर अपमानम कीकुनमट, बोर अय्ते ओना दंटातोन अपमानम कींतोर, ओनपोर्रो तप्पु दोसंतोर, असोंटा मनकल दर्मसास्‍त्रमता अपमानम कींतोर, दानपोर्रो तप्पु दोसंतोर. अय्ते निमे गिंटा दर्मसास्‍त्रमपोर्रो तप्पु दोसते, निमे नियम परकारम ताकानोन आयिन गानि न्‍यायम कियानोनालेसीं आंतिन.

याकोब 4:5

दर्मसास्‍त्रमते वेहता पोल्‍लें एर्तमे इंचि मिमेट इनकुंचंतिरा? बद पवित्र आत्मातुन अय्ते पेन मनालोप्‍पो इरता, अद मना नुकसान आयगोम इंचि कोरंतना?

याकोब 5:9

विस्वासुल्‍कुनिटा! वरोनपोर्रो वरोर चुगलीं वेहमट, अल्हा वेहतिर इत्‍ते मी पोर्रोने दोसेम दोसमळ जर्गंता. हुळाट, न्‍यायम कियानोर गलमातगा नित्‍तिसि मंतोर.

1 पत्रु 2:16

मिमेट बोना कय्‍दा हिळु हिल्‍वाप मना परांतिट गानि “बोना कय्‍दा हिळु हिल्‍लोम” इंचि मीवा मनसुंक वाताप कराब कबाह्‍कुने ताकमट, पेनदा सेवाकुल्कुनलेसीं ताकट.

1 पत्रु 2:22

ओर बतले पापम किया हिल्‍लोर, ओना तोळ्‍दाल बस्‍केने बोंकिच्‍चना पोल्‍ले पेय्‍सा हिल्‍ले.

1 पत्रु 3:10

दर्मसास्‍त्रम वेहाताप, “बोर अय्ते पिस्वरतुन मेच्‍कुंचि, बेसता रोजकु हूळंतन इंतोर, ओर ओना नाल्केताल कराब पोल्‍लें, ओना पेद्‍विनाल आबद्‍दम पोल्‍लें वळ्‍कमळ आपापींता.

1 पत्रु 4:2

ओर वायाना रोजकुने मेंदुल्ता इच्‍चाना परकारम आयो गानि पेनदा इच्‍चा परकारम पिस्संतोर.

1 पत्रु 4:4

इंदके मिमेट असोंटा पेद्‍दा बोगमतनाल्कुने ओरतोनि कलियसेके हिल्‍लिर इंचि ओर इचंत्रम आसेक मंतुर. अदुनहाटीं ओर मीकुन बदनाम कीसंतुर.

पेन हुपिस्‍ता पोल्‍लें 14:5

ओरा तोळ्‍दाल बस्‍केन आबद्‍दम पोल्‍ले पेय्‍सा हिल्‍ले, ओर बेकसुर लोकुल्‍क आंदुर.