1 पत्रु 1:7 - पवित्र पोल्‍ले

⁷ नासडेम आयाना बंगारमतुन तळमिते करगागोटसि परिक्‍सा कींतुर. गानि आ बंगारमकन्‍ना बच्‍चोरो विलुवाता मीवा विस्वासमतुनगुडा परिक्‍सा एतमळ जर्गंता. येसु किरिस्‍तु मर्रा वातस्के, मीकुन मेच्‍कुंचि पेद्‍दातनम आनि कदर दोर्काना कारनम आयगोम.

1 पत्रु 1:7 Iomraidhean Croise

मत्‍तयाल 19:28

“नना मीकु निजम वेहांतन, पूना दुनियाते, मनकना रूपमते पुटतोन नना नावा महिमाता राजगद्‍देपोर्रो उद्‍दंतन, अस्‍के नावा पज्जो मनानोर मिमेटगुडा पन्‍नेंड राजगद्‍देन पोर्रो उद्‍दिसि, इस्राएलना पन्‍नेंड गोत्राल्कुनोरा न्‍यायम कीकिर.

मत्‍तयाल 25:21

अस्‍के मालक कूस आसि, “वा रे वा, निमे बेस विस्वासमलायक दासुन आंदिन. इच्‍चोटा पोल्‍लेतगा निमे विस्वासमलायक मंतिन, अदुनहाटीं नना नीकु वेल्‍लेटोरपोर्रो अदिकारम हींतन. निमे लोप्पो होंचि मालकुनतोनि कूळसि कुसिते मन,” इत्‍तोर.

मत्‍तयाल 25:23

अस्‍के मालक कूस आसि, “वा रे वा, निमे बेस विस्वासमलायक दासुन आंदिन. इच्‍चोटा पोल्‍लेतगा निमे विस्वासमलायक मंतिन, अदुनहाटीं नना नीकु वेल्‍लेटोरपोर्रो अदिकारम हींतन. निमे लोप्पो होंचि मालकुनतोनि कूळसि कुसिते मन,” इत्‍तोर.

लूकाल 12:33

अय्ते मिमेट मिहगा मत्‍ता आस्तिनअंता अम्मिसि, गरिबोर्कुंक दान-दर्मम कीसि, बस्‍केने पडन आयाकोंटा मनना कोत्‍ताना संचितुन दोर्किच्‍कुंट. इंका मिमेट मीवाहाटीं स्वर्गमते दनम जमा कीम्‍ट. अगा बोर दोंगलगुडा वायोर, दानकु सेदेलगुडा पिय्यो.

लूकाल 17:30

अय्ते मनकना रूपमते पुटतोन नना वायाना रोजुनेगुडा अल्हे आयार.

योहान 12:26

बोर नावा सेवा कींतन इंतोर, ओर नावा पज्जो ताकना. बारित्‍ते नना बगा मनंतनो, अगा नावा सेवा कियानोरगुडा मना पींता. अल्‍हेने बोर नावा सेवा कींतोर, नावा बाबाल ओन्क कदर हींतोर.

योहान 5:44

मीवद मिमेटे कदर कीकुनमळ इत्‍ते मीकु वेल्‍लेन इस्‍टम. गानि पेनदाहेंदाल दोर्कना कदरतुन मात्रम बोरे पहका हूळिर. असोंटस्के मिमेट नापोर्रो बल्हा विस्वासम किया परांतिर?

प्रेरितुल्‍कुना कबाह्‍क 8:20

अस्‍के पत्रु ओन, “निमे कोत्‍ताने पेनदा वरमतुन अस्सा परांतन इंचि इनकुत्‍तिन. अदुनहाटीं नीवा कोत्‍तां नीतोने नासडेम आंतां.

रोम सहरतोरहाटीं पौलुसना सिट्‍टि 2:10

गानि अवे रोजकुने बेसता कबाह्‍क कीसेक ताकानोर्कुंक पेद्‍दातनम, कदर, सांति दोर्कार. अव्टे मोदाला यहुदिल्कुंक पजा युनानिर्कुंक.

रोम सहरतोरहाटीं पौलुसना सिट्‍टि 2:29

बोर अय्ते पेनदा इच्‍चा मत्‍ताप ताकंतुर ओरे निजम यहुदिल्क आंदुर. मूसाना नियम परकारम पलाताल आतदे कतना आयो, गानि पेनदा आत्माहेंदाल मनसु मारियता मनकालोरे निजम कतना आता यहुदिल्क आंदुर. इसंटा मनकालोर लोकुल्‍कुना कदरतुन आयो गानि पेनदा कदरतुन पहकंतुर.

रोम सहरतोरहाटीं पौलुसना सिट्‍टि 2:7

बोर अय्ते बस्‍केळ्‍क बेसता कबाह्‍क कीसेके, पेनदाहेंदाल कदर, दोसेम हिल्वा पिस्वरतुन दोर्किच्‍कुनालय हूळांतुरो पेन ओर्क बस्‍केळ्‍क पिस्सना पिस्वर हींता.

रोम सहरतोरहाटीं पौलुसना सिट्‍टि 8:19

पेन दाना मर्क-मियाह्कुंक हीता कदरतुन बस्के हुप्‍सार इंचि अद पुट्‍टिस्‍तव अन्‍निटवे वेल्‍लेन आसेते एदुर हूळसेक मंतां.

1 कुरेंति 3:13

किरिस्‍तु मर्रा वायाना रोजुने अंटोरा कबळ दिसंता. बारित्‍ते अद रोज ओर तळमितोनि वांतोर, बोर बतल कबळ कीतोर इंचि तळमिते परिक्‍सा कियमळ जर्गंता.

1 कुरेंति 4:5

अदुनहाटीं न्‍यायम कियाना वेला वायाका मुन्‍ने बोने न्‍यायम कियमट, सामि वायानाल एदुर हुळाट. ओर हीकटते मक्‍किस मत्‍ता पोल्‍लेन वेल्‍गुने तरंतोर, मनसुने मत्‍तवुन पलाते अरहंतोर. अस्‍के पेन अंटोर्कुन मिमेट बेस कीतिट इंचि मेच्‍चुकुंता.

याकोब 1:12

बोर अय्ते परिक्‍सां वातस्के अवुन ओर्सकुंतोर, ओर आसिर्वाद दोर्कतोर आंदुर. बारित्‍ते परिक्‍साने गट्‍टिगा नित्‍तिसि मंचि बोर अय्ते पेनदुन पावरम कींतोर, ओनकु पिस्वरता किरिटम हींतन इंचि पेन पोल्‍ले हीसि मत्‍ता, अद ओनकु हिय्यार.

1 पत्रु 1:13

अदुनहाटीं मिमेट बेसता बुद्‍दितोनि, हुसारते मंटु. येसु किरिस्‍तु मर्रा मल्सि वातस्के मीक दोर्कना कुर्पाताहाटीं पूरा आसेते मंटु.

1 पत्रु 1:5

आकिरि रोजकुने पेन अंटोर्कुंक हुप्‍सालय तयार कीसि इरता मुक्‍ति, मीकु दोर्कनाहाटीं मीवा विस्वासम परकारम पेन मीकुन दाना बलमते कापाळसि स्वर्गमते इरसंता.

1 पत्रु 2:4

मिमेट जीवाते मंदना बंडातसोंटा किरिस्‍तुनगा वट, मनकालोर्क ओन हय्‍सा हिल्‍लुर गानि ओर पेनदा लोप्पो पेरकुत्‍तोर आनि विलुवातोर आंदुर.

1 पत्रु 2:7

अदुनहाटीं मिमेट विस्वासम कीतिर इंचि अद बंडा मीक विलुवातद, गानि बोर अय्ते अदुन विस्वासम किय्युर, ओराहाटीं दर्मसास्‍त्रम इल्‍हा वेहता गदा: “बद बंडातुन दोहानोर बतक ओज्‍जो इत्‍तुर, अदे बंडा इंदके सेंकु मूलाता मोदोल बंडा आता.”

1 पत्रु 4:12

नावा पावरमगल्‍लोरिटा! मीवा परिक्‍सा कियानाहाटीं मीवापोर्रो तळमितसोंटा तकलिपकु वांतां, अस्‍के मिमेट “बस्‍केने जर्गवद जर्गना मंता” इंचि, परेसान आयमटु. गानि मोमोटगुडा किरिस्‍तुना दुक्‍कमते पोत्‍तु आतोम इंचि कुसिते मंटु. किरिस्‍तु मल्सि वासि ओना पेद्‍दातनमतुन हुपिस्तस्के मिमेट वेल्‍ले कूस आकिट.

1 पत्रु 5:1

मीलोप्‍पो बोर अय्ते पेद्‍दाल्क मंतुर, ओरालेसींगे ननागुडा पेद्‍दा मनकन, किरिस्‍तु बोगांचता तकलिपकुना गवाइतोन, ओर मल्सि वायानस्के ओना पेद्‍दातनमते कलियानोन आंदुन इंचि, नना आ पेद्‍दाल्कुंक वेहासेक मंतन.

2 पत्रु 1:1

नना सिमोन पत्रुन, येसु किरिस्‍तुना दासुन आनि प्रेरितुन आंदुन. बोर अय्ते मना पेन आनि मुक्‍ति हियना येसु किरिस्‍तुना सत्‍तेमताहेंदाल मावालेसीं विलुवाता विस्वासम दोर्किच्‍कुत्‍तुर, ओर्क इद सिट्‍टि रासेके मंतन.

2 पत्रु 1:4

दुनियाते मनना कराब आसेनाल पुट्‍टना रोता गुनमताल तपिच्‍कुंचि, मनम पेनदा बेस गुनमता हिस्सेदार्क आयाना इंचि अद मनाकु विलुवाता पोल्‍लें हीता.

2 पत्रु 3:14

अदुनहाटीं पावरमगल्‍लोरिटा, मिमेट इवुनाहाटीं एदुर हूळसेक मंतिट, अय्ते पेनदा मुन्‍ने सांतिते, डाग हिलाकोंटा, दोसेम हिलाकोंटा मनालय कोसिस कीम्‍टु.

यहुदा 1:24

पेन मीकुन तप्‍पुळ बोदानाल हिळु अर्राकोंटा कापाळसि, दाना महिमाता मुन्‍ने आनंदमते आनि दोसेम हिलाकोंटा निल्‍हा परांता,

पेन हुपिस्‍ता पोल्‍लें 1:7

हुळाट, येसु किरिस्‍तु मब्बु तेर्पेनतोनि वासेक मंतोर. अंटोर ओन हूळानुर. ओरव्टे ओन कोह्‍कतोरगुडा मंदानुर. दुनियातोर अन्‍नि वंसाल्कुना लोकुल्‍क सातितुन तंचेके दुक्‍कम कियानुर. हो इल्हे आयार आमीन!

पेन हुपिस्‍ता पोल्‍लें 2:10

बव तिप्‍पल्‍क अय्ते नीकु वायानव मंतां अवुना बारेमते निमे वेरियमा. हुळाट! देय्यम मी अव्टेटाल इच्‍चुर लोकुल्‍कुन जेलने वाटंता, मीवा विस्वासमता परिक्‍सा एतालय अल्हा जर्गार. मीकु पदि रोजकु तिप्‍पल्‍क अर्रापींता. हायाना वेला वायिनागानि मिमेट विस्वासमते गट्‍टिगा मंटु. अस्‍के मीकु पिस्वरता किरिटम हींतन” इंचि इत्‍ता.

पेन हुपिस्‍ता पोल्‍लें 3:10

निमे ओप्के पीसि नावा पोल्‍लेते ताकतिन अल्हेन, केंजतिनगुडा. अदुनहाटीं ई दुनियाता लोकुल्‍कुना पट्‍टु हूळालय बतलय्ते परिक्‍सा वायाना मंता, अव्टेटाल नीकुन कापाळंतन.

पेन हुपिस्‍ता पोल्‍लें 3:18

अदुनहाटीं, निमे विस्वासम लोप्पो निजम मत्‍ता मनकल आयानाहाटीं नना नीकु उंदि उपायम वेहांतन अद बतल इत्‍ते, तळमिते सुद्‍द कीता बंगारम निमे नहागटाल एता. दानहेंदाल निमे सिरमंतुन आकिन. कुळकें मत्‍तद हूळसि सिग्गु होनामन्‍नि इंचि केर्रालय तेल्‍ला कपडि नहागटाल एता. कळ्‍क बेस दिस्‍सनाहाटीं कळ्‍कुने वाटालय मत्‍तु अस्सा.