1 पत्रु 1:4 - पवित्र पोल्‍ले

⁴ इंका अद बस्‍केने नासडेम आयवद, तप्पु हिलवद आनि कर्गुवसोंटा वारसान हक्‍क स्वर्गमते मीवाहाटीं इर्सि मंता.

1 पत्रु 1:4 Iomraidhean Croise

मत्‍तयाल 25:34

अस्‍के राजाल तिना बाजुनोर्कुन इनानुर, “वटु, ना बाबाना आसिर्वाद मीकु दोर्कुता, मीवाहाटीं दुनिया पुटतस्केटाले राज्येम तयार कीसि मंता, दान एतट.

मरकुस 10:17

येसु अगटाल पेय्सि हर्रि पीसि होननेंके, वरोर मनकल विच्‍चि वासि काल्कुनपोर्रो अर्सि, “गुरु, निमे बेसतोन आंदिन. बस्‍केळ्‍क पिस्सना पिस्वरता वारसदार आयानाहाटीं नना बतल कीते बेस?” इंचि पूसकीतोर.

प्रेरितुल्‍कुना कबाह्‍क 20:32

इंदके नना मीकुन पेनदा कय्‍दे आनि दाना कुर्पाता कबुरता कय्‍दे अप्‍पजेपंतन. मीकुन बेस बेरसागोटना ताकत अद कबुरते मंता. पेन पवित्र कीता अंटोर लोकुल्‍कुना लोप्पो मीकुनगुडा वारसदार किया पर्रंता.

प्रेरितुल्‍कुना कबाह्‍क 26:18

ओर्कुन हीकटताल वेल्‍गुनहेके, देय्यमता अदिकारमताल पेनदाहेके तिरियना हर्रि हुप्‍सालय नीकुन लोहसेक मंतन. ओर अल्हा तिरियते, ओरा पापाल्क मापि आंतां, अल्‍हेने नापोर्रो बोर अय्ते विस्वासम कीसि पवित्र आतुरो, ओरतोनि ओर्कु वारसाहक्‍क दोर्कार,” इंचि येसु नाकु वेहतोर.

रोम सहरतोरहाटीं पौलुसना सिट्‍टि 8:17

मनम पेनदा मर्क-मियाह्क आताहाटीं वारसदार्कगुडा आंदुम. पेनदा वारसदार्क आताहेंका किरिस्‍तुनतोनिगुडा मनम वारसदार्के. मनम ओनतोनि कलियसि ओना महिमाते पोत्‍तु आंतोम इनकुनानय्ते, ओना तकलिपतेगुडा पोत्‍तु आयापींता.

1 कुरेंति 9:25

कर्सानोर अंटोर बेस करियसि ओरद-ओर तयारते मनंतुर, अदगुडा नासडेम आयाना किरिटम दोर्किच्‍कुनालय इवन्‍नि कींतुर. गानि मनम अय्ते बस्‍केने नासडेम आयवा किरिटम दोर्किच्‍कुनालय कींतोम.

गलातिया 3:18

ओक्‍कला वारसान हक्‍क गिंटा मूसाना नियमतुन पीसि ताकताहेंका दोर्कता इनानय्ते, अद पेन हीता पोल्‍ले परकारम दोर्कतद आयो. गानि अब्राहामुंक अय्ते अद पेन हीता पोल्‍ले परकारमे दोर्कता.

इपीसि 1:11

पेन अन्‍निटवुन दाना इच्‍चा मत्‍ताप पिलान कीसि ताकसंता. अदे पिलान परकारम मनाकुन पेनदा लोकुल्‍क इंचि मुन्‍नेने किरिस्‍तुना लोप्पो पेरमळ जर्गता.

इपीसि 1:14

पेन बोर्कुन अय्ते अस्‍कुत्‍ता ओरा मुक्‍तिहाटीं, दाना पवित्र आत्मातुन वारसान हक्‍कता उंदि इसारालेसीं मनागा इरता. अदुनहाटीं लोकुल्‍क दाना महिमातुन तल्‍सकुंतुर.

इपीसि 1:18

अल्‍हेने, पेन मीकुन बद आसेताहाटीं केयता? दाना पवित्र लोकुल्‍कुंक अद हिय्याना वारसानहक्‍कताल दोर्काना महिमाता दनम बल्हा मंता? इदुना बारेमते तेळियानाहाटीं मीवा मनसुना वेळसि एल्‍गागोट्‍टि.

कुलुसि 1:12

अदुनहाटीं पेनबाबांक मिमेट दन्यवाद कीम्‍टु. ओर मनाकुन वेलगुने मंदना पेनदा लोकुल्‍कुना वारसानहक्‍कुते तूस एताना लायक कीतोर. मनाकुन हीकटता कय्‍दाल इळबळिच्‍चि ओना पावरमगल्‍ला मर्रिना राज्येमते होळाहतोर.

कुलुसि 1:5

मीवाहाटीं स्वर्गमते उंदि आसे इर्सि मंता इंचि, अदुना बारेमते मिमेट मुन्‍नेने बेसता कबुरता सत्‍तेम पोल्‍लेते केंजतिर.

2 तिमोति 4:8

नावाहाटीं इर्सि मत्‍ता नीतिता किरिटम, सत्‍तेमते न्‍यायम कियना सामि, ओर मल्सि वातानाडु नाकु अदुन हींतोर. सिराप नाके आयो गानि, बोर-बोर अय्ते ओर दिस्‍सना रोजुन पावरमते एदुर हूळसेक मंतुरो, ओर्कु अंटोर्कगुडा हींतोर.

इब्रि 10:34

अचोने आयका बेसता कबुर वेहताहाटीं जेलने अर्सि दुक्‍कमते मत्‍तोरा दुक्‍कमते मिमेट कलियतिर. मीवा संपत्‍तितुन दोसकुंचि ओयिना गानि मिमेट कुसिते मत्‍तिट. बारित्‍ते दोसकुंचि ओतादानकन्‍ना बेसतद, बस्‍केळ्‍क मनानद संपत्‍ति पेन मीहाटीं इरता इंचि मिमेट तेल्‍पिचकुत्‍तिर.

इब्रि 9:15

पडाना करारते मत्‍ता नियमकुन पीसि ताकुवाहेंका अस्‍केटा लोकुल्‍क पापम कीसि अद करारतुन नेम्‍हातुर. ओर्कुन ओरा पापाल्कुना सिक्‍साताल तप्‍सानाहाटीं किरिस्‍तु हासोत्‍तोर. इल्‍हा पेन अद केयता लोकुल्‍कुन पूना करारते कल्‍पंता. अद केय्‍सि मत्‍तोर्कुंक, दाना बस्‍केळ्‍क मनना वारसान हक्‍कुन हींतन इंचि केय्‍सि पोल्‍ले हीतानो, ओर्क अद दोर्कता. इल्‍हा किरिस्‍तु ई पूना करारते नड्‍डुमतोर आतोर.

याकोब 1:11

बारित्‍ते पोळ्‍दु पेय्संता अस्‍के एर्राना एद्‍दि मनंता, दानहेंदाल जाडि वतसि दांता, पजा दाना पुंगाह्कु राल्सि होंचि सिंगारम हिलाकोंटा आंता. अल्‍हेने सिरमंत मनकलगुडा ओना कमाइ कियाना विचाराल्‍कुनेन मुळ्‍गिसि मंचि नासडेम आसि दांतोर.

1 पत्रु 3:9

कराबता बदला कराबतोनि एतमट; तेराहतोर इंचि तेराहमट गानि ओर्क आसिर्वाद हीम्टु. बारित्‍ते मीक आसिर्वाद दोर्काना इंचि पेन मीकुन केयता.

1 पत्रु 5:4

इल्‍हा मत्‍तिर इत्‍ते अंटोर्कुंकन्‍ना पेद्‍दा कोहानोर किरिस्‍तु वायानुर अस्‍के, बस्‍केने कळियसि होनवसोंटा पेद्‍दातनमता किरिटम मीकु दोर्कार.

पेन हुपिस्‍ता पोल्‍लें 21:27

गोर्रे पोरिना पिस्वरता पुस्तकमते बोरा पोरोलीं अय्ते रासि मंतां, ओरे अद सहरते होळिया परांतुर. गानि अपवित्र लोकुल्‍क, पापि कबाह्‍क कियानुर हिलाकोंटे आबद्‍दम वळ्कानुर अद सहरते होळिया पर्रुर.