1 पत्रु 1:3 - पवित्र पोल्‍ले

³ मना सामि येसु किरिस्‍तुना पेनबाबाना दन्यवाद आयि! ओना वेल्‍ले दयाताहेंदाल मनाकुन पूना रीतुने पुटिचमळ जर्गता. अद बल्हा इत्‍ते, पेनबाबाल येसु सामिन हातोरा लोप्पोटाल मर्रा तेहाचि, मनाकु उंदि पिस्वरता आसे हीतोर.

1 पत्रु 1:3 Iomraidhean Croise

योहान 1:13

पेनदा मर्क-मियाह्क आयमळ इत्‍ते मनकना पीटाल, मनकना इच्‍चा मत्‍ताप पुटमळ, मुय्दोना इच्‍चा मत्‍ताप पुटमळ आयो. गानि पेने ओर्कुन दाना संतानम कीकुंता.

रोम सहरतोरहाटीं पौलुसना सिट्‍टि 12:12

पेन हीता आसेते मिमेट बस्‍केळ्‍क कूस मंटु. तिप्‍पल्‍क वायिनागानि पजोळ्क होनाकोंटा ओर्सकुंटु. बस्‍केळ्‍क पारतना कीसेके मंटु.

रोम सहरतोरहाटीं पौलुसना सिट्‍टि 15:13

मिमेट विस्वासम कीताहाटीं, मीकु आसे हियना पेन अन्‍नि तीरकुना कुसि, सांति हियिकांटीं. इल्‍हा पवित्र आत्माता ताकतहेंदाल मीवा आसे बेरस्सेक होंदार.

रोम सहरतोरहाटीं पौलुसना सिट्‍टि 4:25

मना पापाल्कुनाहाटीं हायालय, पेन येसुन वेरेतोरा कय्‍दे अप्पजेपता, आनि मनम पेनदा मुन्‍ने नीतिमंतुल्क आयालय ओन मर्रा हातोरा लोप्पोटाल जीवाते तेहाता.

रोम सहरतोरहाटीं पौलुसना सिट्‍टि 5:10

उंदास्के मनम अंटोरम पेनदा पगातोरमे मत्‍तोम. अल्हा मननेंकेगुडा अद दाना मर्रिना जीवातुन हीसि मनाकुन दाना दग्गेर्क कीकुत्‍ता. इंदके अय्ते मनम पेनतोनि कलियसि मंतोम. अदुनहाटीं किरिस्‍तुना पिस्वरताहेंदाल अद मनाकुन आकिर सिक्‍साताल तप्‍पाकोंटा कापाळंता.

रोम सहरतोरहाटीं पौलुसना सिट्‍टि 8:11

येसु किरिस्‍तुन हातोरव्टेटाल मर्रा जीवाते तेहता पेनदा आत्मा ओक्‍कला मीलोप्‍पो मनानय्ते, मीवा नासडेम आसि होनना मेंदुलतुनगुडा, मीलोप्‍पो मनना दाना आत्माहेंदाल जीवाते इर्रंता.

रोम सहरतोरहाटीं पौलुसना सिट्‍टि 8:24

मुक्‍ति दोर्कता इंचि इसोंटा आसेते मनम मना परंतोम. गानि मनम बद आसेते अय्ते मंतोम, अद आसेतुन मनम मना कळ्‍कुने हूळसेक मननेंके, अद आसे बल्हा आया परंता? बतल अय्ते मनाकु दोर्कता, अदुन एदुर हूळसेक बोरन्‍ना मनांतुरा? मन्‍नुर.

1 कुरेंति 13:13

इंदके विस्वासम, आसे, पावरम इव मूड पोल्‍लें बस्‍केळ्‍क मनानवे आंदुं, गानि इव्टेटाल पावरम अन्‍निंकन्‍ना पेद्‍दा पोल्‍ले आंद.

1 कुरेंति 15:20

गानि निजम बतल इत्‍ते, किरिस्‍तु हामुरताल जीवाते तेदतोर. बोर अय्ते विस्वासुल्‍क हासि होत्‍तुर, ओरव्टेटाल जीवाते तेदतोर ओरे मुन्‍नेटोर आंदुर.

2 कुरेंति 1:3

मना सामि येसु किरिस्‍तुना पेनबाबाल दयागल्‍लोड अल्‍हेने अन्‍नि तीरकुना सांति हियाना पेन आंदुर, अदुनहाटीं ओन्क दन्यवाद आयि.

गलातिया 6:16

अदुनहाटीं, बचुटुर अय्ते ई नियमते ताकंतुर अचटूर्कुंक आनि पेनदुन विस्वासम कीता अंटोर इस्राएल लोकुल्‍कुंक सांति, दया दोर्किकांटी.

इपीसि 1:17

अचोने आयाका मना सामि येसु किरिस्‍तुना पेन, इत्‍ते महिमाते निंडिस मत्‍ता पेन बाबल, ओना बारेमते मिमेट इंका बेस एरपाट कियानाहाटीं ओना पवित्र आत्माहेंदाल मीकु बुद्‍दि आनि बेस तेल्‍पिचकुननाहाटीं तेल्वि हिय्यिर इंचि पारतना कीसेक मंतन.

इपीसि 1:3

मना सामि येसु किरिस्‍तुना पेनबाबांक दन्यवाद. ओर किरिस्‍तुनाहेंदाल, मना बक्‍तिकु संबंदिस्‍तव स्वर्गमते मनना अन्‍नि आसिर्वादाल्‍क मनाकु हीसीतोर.

इपीसि 1:7

किरिस्‍तु ओना सतता नेत्‍तुरतुन पोंगागोटताहेंका मना पापाल्क मापि आसि मनाकु मुक्‍ति दोर्कता. इल्‍हा पेन दाना वेल्‍लेन कुर्पातुन मनापोर्रो कुम्मरिच्‍ता.

इपीसि 2:4

गानि पेन बच्‍चोनो दयागल्‍लद आंद, अद दाना पेद्‍दा पावरमते मनाकुन पावरम कीता.

इपीसि 3:20

इंदके पेन मना पिस्वरता लोप्पो दाना ताकत परकारम कबळ कीसेकेन मंता. इच्‍चोने आयो, मनम तल्‍कानदुंकन्‍ना, मनम विचारम कियानादानकन्‍ना एक्‍को, अद मनालोप्‍पो कबळ किय्‍या पर्रंता.

कुलुसि 1:23

गानि मिमेट विस्वासमते हीके-हेके आयाकुंटा गट्‍टिगा निल्‍सि मंटु, मिमेट केंजता बेसता कबुरता आसेतुन होळ्‍समट. अद बेसता कबुर मब्बुन हिळता अंटोर लोकुल्‍कुंक वेहमळ जर्गसेक मंता. अदे सेवा कियानाहाटीं नना, इत्‍ते पौलुसुन पेनदा सेवक आतन.

कुलुसि 1:27

यहुदि आयवोरा लोप्पो इद मर्ममता महिमाता विलुवा बतल आंद मना लोकुल्‍कुंक तेळियाना इंचि पेन इनकुत्‍ता. मीवालोप्‍पो महिमाता आसे आसि मनना किरिस्‍ते आ मर्मम आंद.

1 तेसलोनि 1:3

मिमेट विस्वासमते कियाना कबाटुन, पावरमते कियाना मीवा कस्‍टमतुन अल्‍हेने सामि येसु किरिस्‍तुनापोर्रोटा आसेते ओप्के पीसि मत्‍तादुन मोमोट मना पेनबाबाना मुन्‍ने बस्‍केळ्‍क मति कीसेके मंतोम.

1 तेसलोनि 4:13

विस्वासुल्‍कुनिटा! हातोरा बारेमते मीक तेळियाकोंटा मनमळ माक इस्‍टम हिल्‍ले. बदे आसे हिल्वोर दुक्‍कमते मनंतुर, गानि ओरालेसीं मिमेट मनमट.

2 तेसलोनि 2:16

मना सामि येसु किरिस्‍तु आनि पेनबाबाल मनाकुन पावरम कीसि, ओना कुर्पाहेंदाल बस्‍केळ्‍क मनना सांति, बेसता आसे हीतोर.

1 तिमोति 1:14

मना सामिना कुर्पा नाकु वेल्‍लेन दोर्कता. अचोने आयका, येसु किरिस्‍तु ओनगा मनना विस्वासम आनि पावरमगुडा नाकु हीतोर.

तीतु 2:13

अचोने आयका मना कदरगल्‍ला पेन आनि मनाकु मुक्‍ति हियना येसु किरिस्‍तु ओना महिमाते वांतोर इत्‍ता आ सक्‍कटा आसेतुन मनम एदुर हूळसेक मंदना इंचेकगुडा कराहंता.

इब्रि 3:6

गानि पेनदा विस्वासमगल्‍ला मर्रि, किरिस्‍तु, पेनदा पूरा लोतोरा अदिकारि आसि मत्‍तोर. मनमगिंटा मना विस्वासम आनि आसेता बारेमते आकिरदाका इरगा गट्‍टिगा मत्‍ते, मनमगुडा पेनदा लोतोरम आसि मनंतोम.

याकोब 1:18

ओर पुटिस्तवुन लोप्पो मोट्‍टा मोदाटा पलम मनमे आयागोम इत्‍ता ओना सतता इच्‍चातुन पीसि, सत्‍तेम पोल्‍लेताल मनाकुन पुटिस्तोर.

1 पत्रु 1:13

अदुनहाटीं मिमेट बेसता बुद्‍दितोनि, हुसारते मंटु. येसु किरिस्‍तु मर्रा मल्सि वातस्के मीक दोर्कना कुर्पाताहाटीं पूरा आसेते मंटु.

1 पत्रु 1:21

ओनहेंदाल मिमेट पेनदापोर्रो बरोसा कीतिर. पेन ओन हातोरा लोप्पोटाल मर्रा जीवाते तेहाचि, ओन्क पेद्‍दातनम हीता. अदुनहाटीं मीवा आसे आनि विस्वासम पेनदापोर्रो मंता.

1 पत्रु 1:23

इंदके मिमेट पूना पिस्वरते पुटतिर, नासडेम आयाना पेडेहेंदाल आयो, गानि बस्‍केन नासडेम आयवद, बस्‍केळ्‍क जीवाते मनना पेनदा पोल्‍लेताहेंदाल, पूना पिस्वरते पुटतिर.

1 पत्रु 2:2

इंदके पुटता पसिबाला बल्हा पाल उन्‍नालय तनलाळंता, अल्‍हेने मिमेटगुडा बेसता पाललेसीं मनना पेनदा पोल्‍लेताहाटीं तनलाळट. अल्हा तनलाळते मिमेट मुक्‍तिहाटीं पेनदा पोल्‍ले परकारम बेरस्सेक दांतिट.

1 पत्रु 3:15

गानि मीवा मनसुने किरिस्‍तु मावा सामि इंचि ओनकु कदर हीम्टु. येसुना पोर्रोटा मीवा आसेता बारेमते बोरन्‍ना मीकुन पूसकीते, मिमेट सादा-सिंपल आनि मान-मर्यादाते बस्‍केळ्‍क वेहालय तयार मंटु.

1 पत्रु 3:21

आ एताल पिस्ता आनवल इत्‍तेने बापतिस्मा आंद. बापतिस्मा एतमळ इत्‍ते मेंदुलता मुर्कि होनालय आयो गानि येसु किरिस्‍तु हासि मर्रा जीवाते तेदताहेंदाल मनाकुन पिसागोटसि, विवेक बुद्‍दिताहाटीं पेनदुन विनंति कियाना करार आंद.

1 पत्रु 3:5

एनकटा कालमते पेनदापोर्रो आसे इर्राना पवित्रमाता मुर्ताह्क बेसता गुनमते सिंगारिंचुंदुं आनि मुय्दोना पोल्‍लेते ताकुंदुं.

1 योहान 2:29

मिमेट ओक्‍कला किरिस्‍तु नीतिमंतुड इंचि तेल्‍पिचकुत्‍तोर आयानय्ते, सत्‍तेमता कबळ कियाना हरेक मनकल पेनदाहेंदाले पुट्तोर इंचिगुडा मीकु तेळियंता.

1 योहान 3:3

किरिस्‍तुनपोर्रो इसोंटा आसे इर्राना हरेक मनकल किरिस्‍तु पवित्र मत्‍ताप कुद्‍दुगुडा पवित्र कीकुंतोर.

1 योहान 3:9

पेनदा संतानम आतोर बोरे आयिर, ओरा लोप्पो पेनदा गुनम मनंता. अदुनहाटीं ओर पापम किय्युर. ओर पेनदा संतानम आताहाटीं, ओर पापम किय्ये पर्रुर.

1 योहान 4:7

पावरमगल्‍लोरिटा! पावरम पेनदाहेंदाल वातद आंद. अदुनहाटीं मनम वरोंक-वरोर पावरम कियागोम. पावरम किय्यना हरेक मनकल पेनदा संतानम आंदुर. ओर पेनदुन एरपाट कींतोर.

1 योहान 5:1

येसु, किरिस्‍तु आंदुर इंचि बोरय्ते विस्वास कींतोर, ओर पेनदा मर्रि आंतोर आनि बोरय्ते पेनतोनि पावरम कींतोर, ओर दाना मर्रिनतोनि इंका पावरम कींतोर.

1 योहान 5:18

मनाकु एरपाट, बोरय्ते पेनदा मर्रि आतोर, ओर पापम किय्योर. पेनदा मर्रि ओना कापाळांतोर. आ देय्यम ओना बतल किया पर्रो.

1 योहान 5:4

बारित्‍ते बोरय्ते पेनदा मर्रि आंतोर, ओर दुनियातुन गेल्संतोर आनि मना विस्वासमहेंदाले दुनियापोर्रो मनाकु गेल्‍पु दोर्कंता.