1 पत्रु 1:20 - पवित्र पोल्‍ले

²⁰ दुनिया पुट्‍टका मुन्‍नेन किरिस्‍तुन पेन पेरता, गानि मीवाहाटीं इव आकिर रोजकुने ई दुनियाते वातोर.

1 पत्रु 1:20 Iomraidhean Croise

मत्‍तयाल 25:34

अस्‍के राजाल तिना बाजुनोर्कुन इनानुर, “वटु, ना बाबाना आसिर्वाद मीकु दोर्कुता, मीवाहाटीं दुनिया पुटतस्केटाले राज्येम तयार कीसि मंता, दान एतट.

प्रेरितुल्‍कुना कबाह्‍क 2:23

पेनदा उंदि पिलान आनि तेल्वि परकारमे येसुन मीवा कय्‍दे हियमळ जर्गुता. मिमेट सेड्‍डा मनकालोर्कुना सायता पीसि ओन क्रुस पोर्रो मोल्‍लां कोह्‍किसि हव्कतिर.

रोम सहरतोरहाटीं पौलुसना सिट्‍टि 3:25

मना पापाल्कुना सिक्‍सातगा मोक्‍कु आयालय पेन येसुन लोह्ता. येसु किरिस्‍तु मना पापाल्कुनाहाटीं मोक्‍कु आतोर इंचि मनम विस्वासम कीसि ओप्कुनगोम. दीनहेंदाल येसुनपोर्रो विस्वासम कीतोर्कुन पेन नीतिमंतुल्क कींता. इदवेरदाका बोर अय्ते पापम कीतुरो, ओर्क सिक्‍सा हियाकोंटा पेन ओप्के पीसि मत्‍ता. इल्‍हा अद नीतिमंतुड इंचि हुपिस्‍ता.

रोम सहरतोरहाटीं पौलुसना सिट्‍टि 8:29

बारित्‍ते “बोर-बोर नापोर्रो विस्वासम कींतुर” इंचि पेन मुन्‍नेटाले एरपाट कीसि मत्‍ता. दाना मर्रि येसु, ओर अंटोरा दादाल आयगोम इंचि पेन ओर्कुन येसुनसंटोर आयानाहाटीं पेरता.

गलातिया 4:4

गानि बस्के अय्ते पेन निरनायम कीता वेला एवता, अस्‍के दाना मर्रिन ई दुनियाते लोहता. ओर मूसाना नियम परकारम ताकानोरा लोप्पो उंदि मुरतटा पीटे पुटतोर.

इपीसि 1:10

अद बतल इत्‍ते, पेन दाना पिलान परकारम इन्‍कुत्‍ता वेला एवतस्‍के, स्वर्गमते मत्‍तव, बूमिपोर्रो मत्‍तव अन्‍निगुडा उंदगा कीसि अवुन किरिस्‍तुना अदिकारम हिळु हियमळ गावाले.

इपीसि 1:4

अद बल्हा इत्‍ते, मनम पेनदा नदरते पवित्र आनि दोसेम हिलाकोंटा मंदना इंचि, पेन ई दुनियातुन पुट्‍सकामुन्‍नेन अद मनाकुन किरिस्‍तुना लोप्पो पेरकुत्‍ता.

इपीसि 3:11

मुन्‍नेटाले पेन इल्‍हा कियाना विचारमते मत्‍ता. इंदके मना सामि किरिस्‍तु येसुनाहेंदाल पुरागा कीता.

इपीसि 3:9

अन्‍निटतुन पुट्‍टिस्‍ता पेन, मोदोलताल मर्ममते इर्सि मत्‍ता दाना पिलानतुन बल्हा पुरागा कीता, इत्‍तदुना बारेमते हरेक मनकंक कुल्‍ला-कुल्‍ला कीसि वेहनाहाटीं नाकुन पेरता.

1 तिमोति 3:16

मना बक्‍तिता सत्‍तेमता मर्मम वेल्‍लेन पेद्‍देद, इव्टे बतले अनमानम हिल्‍ले: किरिस्‍तु मनकना रूपमते पुटतोर, ओनगा बतले दोसेम हिल्‍ले इंचि पवित्र आत्मा वेहता, पेनदा दूतांक ओर दिसतोर, ओना बारेमते दुनियाता अन्‍नि देसेल्‍कुना लोकुल्‍कुंक प्रचार कियमळ जर्गता, दुनियातोर ओनपोर्रो विस्वासम इरतुर आनि पेनदा कदरते ओन मर्रा स्वर्गमते तेहामळ जर्गता.

इब्रि 1:2

गानि ई आकिरता रोजकुने बारे, पेन दाना मर्रिनाहेंदाल मनातोनि वळ्कता. दाना मर्रिनाहेंदाले इद पूरा दुनियातुन तयार कीसि, ओन ई दुनियाता वारसदार इंचि निलाहता.

इब्रि 2:14

पेनदा पिलाल्क आता मनम, मेंदुल रूपमते मत्‍ताहाटीं येसुगुडा हरेक पोल्‍लेते मनालेहका आसि वातोर. मना पिस्वरंता हामुरता वेर्रे मनागा मत्‍ताहेंका देय्यमता अदिकारम मनापोर्रो मत्‍ता. गानि येसु ओना हामुरताहेंदाल, देय्यमता अदिकारमतुन नासडेम कीसि, मनाकुन हामुरता वेर्रेताल इळबळिस्तोर.

इब्रि 9:26

ओक्‍कला अल्हा ऊके-ऊके मोक्‍कु हियमळगिंटा आसि मत्‍ते, दुनिया पुट्तस्केटाल इदवेरदाका बच्‍चुंगो मल्कां किरिस्‍तुंक ओना जीवा हिय्या पियवड. गानि इद युगमता आकिरते, किरिस्‍तु सतता मोक्‍कु हीसि, पापमतुन नासडेम कियानाहाटीं उंदे मल्का वातोर.

1 पत्रु 1:2

पेनबाबाल मीकुन मुन्‍नेन पेरसि निलाहतोर. अदुनहाटींगे, मिमेट येसु किरिस्‍तु वेहताप ताकगोम, ओना पोंगता नेत्‍तुरते मीवा पापाल्क पायसि होनगोम इंचि पवित्र आत्माताहेंदाल मीकुन पवित्र कीतोर. पेनदा कुर्पा, सांति मीक इरगा दोर्किकांटी.

1 योहान 1:2

आ बस्‍केळ्‍क पिस्‍साना पिस्वर हिय्यना पोल्‍ले मोदाला पेनबाबानतोनि मत्‍तोर. ओन पेन मनकाना रूपमते मारियागोटसि बूमिते लोहताहेंका मोमोट ओन हूळतोम, इंचि गवाइ वेहांतोम. अल्‍हेने आ बस्‍केळ्‍क पिस्‍साना पिस्वरता बारेमता कबुर मीकु वेहांतोम.

1 योहान 3:5

गानि पापाल्कुन लक्‍कु कियानाहाटींगे किरिस्‍तु वातोर इंचि मीकु एरपाटे मंता. ओनगा बतले पापम हिल्‍ले.

1 योहान 3:8

पापम कीसेके मनना हरेक मनकल देय्यमता बाजुनोरे आंदुर. बारित्‍ते सुरुवनाले देय्यम पापम कीसेके वासंता. गानि देय्यमता कबाह्‍कुन नासडेम कियानाहाटींगे पेनदा मर्रि इद दुनियाते वातोर.

पेन हुपिस्‍ता पोल्‍लें 13:8

बूमिपोर्रो मनना अंटोर इद दुनिया तयार आतागटाल, बोरा पोरोल्क अय्ते, मोक्‍कु आता गोर्रे पोरिना पिस्वरता पुस्तकमते हिल्‍लेंगो, ओर अद जिवरासितुन मोळ्‍कानुर.