1 पत्रु 1:15 - पवित्र पोल्‍ले

¹⁵ गानि बद पेन अय्ते मीकुन केयता, अद पवित्र मंता. अल्‍हेने मिमेटगुडा मीवा ताकमळते अन्‍नि तीरकुने पवित्र मंटु.

1 पत्रु 1:15 Iomraidhean Croise

मत्‍तयाल 5:48

अदुनहाटीं स्वर्गमते मंदना मीवा पेनबाबाल बल्हा पुरागा मंतोर अल्हे मिमेटगुडा मंटु.

रोम सहरतोरहाटीं पौलुसना सिट्‍टि 9:24

मनम अंटोरम पेन पेरता लोकुल्‍के. गानि पेन सिराप मना यहुदिल्कुनाले पेर्रा हिल्‍ले, यहुदि आयवोर लोप्पोटालगुडा पेरता.

2 कुरेंति 7:1

पावरमगल्‍लोरिटा! पेन हीता इव पोल्‍लें मनकगुडा दोर्किसे मंतां, अदुनहाटीं मनम मना मेंदुल्क, आत्माक अंट्‍सि मत्‍ता मुर्कितुन नोर्सि साप कीकोम, पेनदुक वेरियसि पूरा पवित्र आसेके दाकोम.

पिलिपिया 1:27

बद बतले आयि, मीवा पिस्वर मात्रम किरिस्‍तुना बेसता कबुरते मत्‍ताप मनना. अस्‍के बतल आंता इत्‍ते, नना मिहगा वायिना, वायाकोन्‍ना मिमेट अंटोर उंदे आत्माते गट्‍टिगा बेस मंतिर आनि बेसता कबुरहाटीं अंटोर कलियसि पिस्सेक मंतिर इंचि वेरेतोरा हेंदाल नना केंजना.

पिलिपिया 3:14

स्वर्गमतगा एवानोर्कुंक पेन बद इनाम हींतन इंचि केयता, अद इनामतुन येसु किरिस्‍तुनाहेंदाल दोर्किच्‍कुनालय नना वित्सेक मंतन.

पिलिपिया 3:20

गानि मनम अय्ते ई दुनियाता लोकुल्‍कुम आयोम, मनम स्वर्गमता लोकुल्‍कुम आंदुम. अगाटाले मनाकुन पिसागोटानोर सामि येसु किरिस्‍तु वांतोर इंचि मनम ओना एदुर हूळसेक मंतोम.

1 तिमोति 4:12

नीवा लेय्यातनमहेंदाल बोरे नीकुन सिन्‍नगा हूळानायो. गानि वळ्कुमळते, ताकमळते, पावरम हूप्‍समळते, विस्वासमते, पवित्र मनमळते विस्वासुल्‍क नीकुन हूळसि करियगोम, अल्हा मन्‍नु.

2 तिमोति 1:9

पेन मनाकुन कापाळसि, दाना पवित्र पोल्‍लेते केयता. इदंता मना कबाह्कुनहेंदाल जर्गाहिल्‍ले गानि सिराप ओना पिलान परकारम आनि ओना कुर्पाहेंकेन जर्गता. ई दया-मायातुन पेनबाबाल मनाकु ई दुनिया पुट्‍टका मुन्‍नेन किरिस्‍तु येसुनाहेंदाल हीतोर.

तीतु 3:14

अवसराल्कुन दोर्किच्‍कुननाहाटीं मना लोकुल्‍कगुडा बेस कबाह्‍क कीसेके मनमळ करियगोम, अल्हा कीते ओर पलम हियानोरलेह्का मनांतुर.

तीतु 3:8

इद पोल्‍ले निजम आंद. आनि निमे इव पोल्‍लें दटांचि वेहाना इंचि नावा इच्‍चा मंता. निमे दटांचि वेहतेने, बोर अय्ते पेनदुन विस्वासम कीतुर, ओर जेर्गताते मंचेके बेसता कबाह्‍क कीसेके मनांतुर. बारित्‍ते इव अन्‍नि मनकालोरहाटीं बच्‍चोनो बेस आनि पायदता पोल्‍लें आंदुं.

इब्रि 12:14

अंटोर मनकालोरतोनि सांतिते कलियसि पवित्र मनना कोसिस कीम्‍टु, अल्हा मनाकोंटे बोरे मनकल सामिनगा होना पर्रोर.

इब्रि 13:5

दनमताहाटीं मिमेट आसे पडानायो. मिहगा बतल अय्ते मंता अव्टेन कूस मंटु. बारित्‍ते पेने कुद्‍दु इल्‍हा इत्‍ता: “नना नीकुन बस्‍केने होळ्‍सोन, नना नीकुन बस्‍केने दिक्‍कु हिल्वोन किय्योन,” इंचि वेहता.

याकोब 3:13

मीलोप्‍पो तेल्वितोर, तेळियतोर बोर मंतोर? ओर ओना बेसता पिस्वर हेंदाल, तेल्‍विते सीदा-सादा मंचि ओर कियाना कबाह्‍कुन हुप्‍सना.

1 पत्रु 2:12

मिमेट अविस्वासुल्‍कुना नड्‍डुम मंतिट इंचि बेस ताकट. ओर मीकुन कराब लोकुल्‍क इंचि बदनाम किय्यिनागानि मीवा बेस कबाह्‍कुन हूळसि, पेन वायाना रोजुने ओर इंका पेनदा कदर कियानुर.

1 पत्रु 2:9

गानि मिमेट अय्ते पेन पेरकुत्‍ता वंसमतोर, राजुल्कुनसोंटा पेर्मालोर्क, पवित्र राज्येमतोर, पेनदा लोकुल्‍क आंदिर. अदुनहाटीं मिमेट दाना अद्‍बूतामाता कबाह्‍कुन वेहाना इंचि मीकुन हीकटताल अद्‍बूतामाता वेल्‍गुने तत्‍ता.

1 पत्रु 3:16

गानि मिमेट किरिस्‍तुना लोप्पो बेस पिसमळतुन हूळसि बोर अय्ते मीवा अपमानम कींतुर, असंटोर्क मीवा ताकमळतुन हूळसि सिग्गु वायानाल मीवा विवेक बुद्‍दितुन बेस इर्सि ताकट.

1 पत्रु 5:10

अन्‍नि तीरकुना कुर्पा कियाना पेन मीकुन किरिस्‍तुना लोप्पो दाना बस्‍केळ्‍क मनना पेद्‍दातनमहाटीं केयता. मिमेट कोन्‍नि रोजकु तकलिपकु बोगांचतंका अदे पेन मीकुन दानलायक कींता, मीकु बलम हीसि निलाहंता.

1 योहान 3:3

किरिस्‍तुनपोर्रो इसोंटा आसे इर्राना हरेक मनकल किरिस्‍तु पवित्र मत्‍ताप कुद्‍दुगुडा पवित्र कीकुंतोर.

पेन हुपिस्‍ता पोल्‍लें 3:7

पिलाडेलपिया सहरता कलिसियाता दूताक इल्‍हा रासा. बोर अय्ते पवित्र आनि सत्‍तेमतोर मंतोर, ओर दाविदना अदिकारता चाबि इर्रंतोर, ओर तेंडता तल्‍पुन बोरे बंद किया पर्रोर आनि ओर बंद कीता तल्‍पुन बोरे तेंडा पर्रोर, ओर बतल इंतोर इत्‍ते,

पेन हुपिस्‍ता पोल्‍लें 4:8

जीवाते मनना नालुं जिवरासिंक हारुं-हारुं रेक्‍कां मंतां, अवुना मेंदुलता सुट्‍टु, लोप्पो कळ्के-कळ्‍क मंतां. अव पोद्‍दाला नर्का पल्हीं आराम कियाकोंटा उंदेतीर, “निमेने पवित्र, पवित्र, पवित्र, सामि पेनबाबाल, अन्‍निटकन्‍ना सक्‍तिमंतुन आंदिन. निमेने मुन्‍नेटाल मत्‍तिन, इंदके मंतिन, मुन्‍नेगुडा मनांतिन” इंचि इंचेक मत्‍तां.

पेन हुपिस्‍ता पोल्‍लें 6:10

आ आत्मां पेद्‍दा आवाजते, “ए सामि, पवित्र आनि सत्‍तेम मनानोन, माकुन हव्कुता बूमिपोर्रोटा लोकुल्‍कुना न्‍यायम निमे बस्के कींतिन? ओरा न्‍यायम कीसि मावा नेत्‍तुरता बदला बस्के एतांतिन?” इंचि वरगेयालय दल्‍गतां.