1 पत्रु 1:1 - पवित्र पोल्‍ले

¹ नना पत्रुन, येसु किरिस्‍तुना प्रेरितुन आंदुन. रोम देसेमता पुंतुस, गलातिया, कप्‍पुदुकिया, आसिया आनि बितुनिया राज्येल्कुने पैलांचि होंचि, पराय देसेमतोर आसि मत्‍ता लोकुल्‍कुंक नना इद सिट्‍टि रासेके मंतन.

1 पत्रु 1:1 Iomraidhean Croise

मत्‍तयाल 10:2

आ पन्‍नेंडु मंदि प्रेरितुल्कुना पोरोलीं इल्‍हा मंतां: मोदाला सिमोन (ओन पत्रुगुडा इंतुर), ओना तम्मुर अंदरियल, जब्‍दिना इव्वुर मर्क याकोब, योहान,

मत्‍तयाल 24:22

ओक्‍कला पेन अव रोजकुन तक्‍को कियाकोंटा मंचि मत्‍ते, बोरे पिसाकोन्‍नेर. गानि पेर्कुत्‍ता लोकुल्‍कुनाहाटीं पेन अव रोजकुन तक्‍को किय्‍यार.

मत्‍तयाल 4:18

येसु गालिल समुद्रम ओड्‍डु पीसि होननेंके वरोर सिमोनुन ओन पत्रुगुडा इनुंदुर आनि ओना तम्मुर अंदरियन हूळतोर. ओर जिम्मां पिय्‍यानोर आताहाटीं, समुद्रमते ओल्‍लां वाटसि जिम्मां पीसेक मत्‍तुर.

लूकाल 18:7

पेन पेरकुत्‍ता लोकुल्‍क न्‍यायम आयागोम इंचि नर्का-पल्‍हिं पेनदुन पारतना कीसेक मनांतुर, पेन ओर्क सहाय्यम कियालय आलसेम किय्‍यारा?

योहान 7:35

अल्हा वेहाटेलक, यहुदि पेद्‍दाल्क ओरद-ओरे, “मनम पहकिना गानि दोर्काकोंटा ओर बगा दांतोर आयावच्‍चु? युनानि देसेमते होंचि, सिल्‍लर-सल्‍लर आसि मनना मना लोकुल्‍कुंक पेनदा पोल्‍लें अय्ते करहोर गदा! हिलाकोंटे युनानि लोकुल्‍कुनगा दांतोरा?

प्रेरितुल्‍कुना कबाह्‍क 18:2

अगा ओर अकविला इनना पोरोलता यहुदि मनकंक कलियतोर. ई अकविलाल पुंतुस इनना एरियाते पुटतोर. रोम सहरते मनना अंटोर यहुदिल्कुन कलादियुस राजाल पेय्सि होंटु इंचि आदेस हीतोर. अदुनहाटीं ओर इटलि एरियाताल ओना मुत्‍तो पिरिसकिलानतोनि कुरिंति वातोर. अय्ते पौलुस ओर्क कलियालय होत्‍तोर.

प्रेरितुल्‍कुना कबाह्‍क 18:23

अगा इच्‍चुं रोजकु मत्‍तारित्‍ते मर्रा ओर गलातिया आनि पुगरिया एरियाताल अंटोर सिस्युल्कुना विस्वासम गट्‍टिगा कीसेके तिरियतोर.

प्रेरितुल्‍कुना कबाह्‍क 19:10

रोंडु वर्सनदाका इल्हे ताकसेके मत्‍ताहाटीं आसिया एरिया पीसि मनना अंटोर यहुदि आनि युनानि लोकुल्‍क पेनदा पोल्‍लेतुन केंजतुर.

प्रेरितुल्‍कुना कबाह्‍क 6:9

गानि स्वतंत्रम दोर्कुता यहुदि लोकुल्‍कुना दर्मसास्‍त्रम कराहना लोताल इच्‍चुर लोकुल्‍क वासि स्‍टिपनुनतोनि जगडम दोसकुत्‍तुर. आ लोकुल्‍कुने कुरेनि, सिकंदरिया इनना सहरकुने मनना यहुदि लोकुल्‍क आनि किलिकिया, आसिया इनना एरियान पीसि मनना यहुदिल्कु मत्‍तुर.

प्रेरितुल्‍कुना कबाह्‍क 8:4

गानि सिलर-सिलर आसि होत्‍ता विस्वासि लोकुल्‍क मात्रम बगा-बगा अय्ते होत्‍तुरो अगा-अगा ओर लोकुल्‍कुंक पेनदा बेसता कबुर वेहुंदुर.

1 कुरेंति 16:19

आसिया राज्येमते मनना कलिसियातोर मीक जोहर वेहतुर. अकविला, ओना मुत्‍तो पिरिसकिला आनि ओरा लोतागा जमा आयाना कलिसियातोरगुडा सामिना पोरोलते मीक जोहर वेहतुर.

2 कुरेंति 1:8

विस्वासुल्‍कुनिटा! आसिया एरियाते माक वेल्‍लेने तकलिप वाता, अद तकलिप मोमोट आपकुना परवच्‍चो मत्‍ता, मोमोट पिसंतोम इंचिगुडा इनकुना हिल्‍लोम. अद पोल्‍ले मीक तेळियसि मनागोम इंचि वेहासेक मंतोम.

गलातिया 1:2

इद सिट्‍टि गलातिया इनना एरियाते मनना कलिसियानोर्क, इत्‍ते मीवाहाटींगे नना नावातोनि मनना दादालोराहेंदाल रासतन.

इपीसि 2:12

अद कालमते मिमेट किरिस्‍तुनलोप्‍पो कलियका मत्‍तिर, मिमेट इस्राएल लोकुल्‍क आयवाहेंका मीकु पेनदा नियमाल्‍क दोर्का हिल्‍लें, करार्क कियाना बारेमते पेन हीता पोल्‍लेताल मीकुन लक्‍कु इरमळ जर्गता. मिमेट इद दुनियाते बदे आसे हिलुवा, पेन हिलुवा पिस्वर पिस्सेक मत्‍तिट.

इपीसि 2:19

अदुनहाटीं मिमेट इंदके परायतोर, वेरे देसेमतोर आयिर, गानि पवित्र लोकुल्‍कुनतोनि दंटाते कूळसि मननोर आनि पेनदा लोता लोकुल्‍क आंदिर.

2 तिमोति 1:15

आसिया राज्येमते मनानोर अंटोर नाकुन होळसि होत्‍तुर इत्‍ता पोल्‍ले नीकु एरपाटे. अव्टे पुगिलुस आनि हिरमुगिनेसगुडा मंतुर.

इब्रि 11:13

पेनदापोर्रो विस्वासम इरतोर अंटोरगुडा दानपोर्रो विस्वासम इरसे हासोत्‍तुर. पेन हींतन इंचि पोल्‍ले हीतद ओर्कु दोर्काहिल्‍ले. गानि पेन हींतन इत्‍तादुन लक्‍कुटाले हूळताप हूळसि कूस आतुर. पजा मनम इद बूमिपोर्रो पय्‍नेम कीसेके वाता पराइतोरम इंचि ओप्‍कुत्‍तुर.

याकोब 1:1

नना याकोबुन, पेन आनि सामि येसु किरिस्‍तुना सेवकुन आंदुन. वेरे-वेरे देसेल्कुने पैलांचि होंचि मत्‍ता पन्‍नेंडु गोत्राल्‍कुनोर्कुंक नना इद सिट्‍टि रासेके मंतन. मीक अंटोर्क जोहार.

1 पत्रु 2:11

नावा पावरमगल्‍लोरिटा, मिमेट वेरे देसेमतोर, वेरे नाटेनोर आसि मंतिर. अदुनहाटीं मी आत्माकु अड्‍डम मनानव दुनियातां अन्‍नि सेड्‍डा आसेनाल लक्‍कु मंटु इंचि विनंति कीसेके मंतन.

2 पत्रु 1:1

नना सिमोन पत्रुन, येसु किरिस्‍तुना दासुन आनि प्रेरितुन आंदुन. बोर अय्ते मना पेन आनि मुक्‍ति हियना येसु किरिस्‍तुना सत्‍तेमताहेंदाल मावालेसीं विलुवाता विस्वासम दोर्किच्‍कुत्‍तुर, ओर्क इद सिट्‍टि रासेके मंतन.

पेन हुपिस्‍ता पोल्‍लें 1:11

“निमे बतल अय्ते हूळांतिन अदुन पुस्तकमते रासि, इपीसि, स्मुरना, पेर्गमम, तुयतीरा, सरदिस, पिलाडेलपिया आनि लोदिकिया इव एडुं कलिसियानोर्क लोहचीम” इंचि इत्‍ता.