1 योहान 5:9 - पवित्र पोल्‍ले

⁹ मनम मनकनाहेंदाल हीता साक्‍सितुन मानांचंतोम अय्ते, पेनदाहेंदाल हीता साक्‍सि बच्‍चोर पेद्‍दा. बद साक्‍सि अय्ते पेन तना मर्रिना बारेमते हीता. अदे साक्‍सि पेनदा साक्‍सि आंदु.

1 योहान 5:9 Iomraidhean Croise

मत्‍तयाल 17:5

पत्रु वळ्‍कसेकेन मत्‍तोर, अस्‍केन उंदि तेल्‍ला मब्बु तेर्पे ओरापोर्रो नीडा कीता, आ मब्बुनाल उंदि इसंटा अल्किर केंजावाता, “ईर नावा पावरमगल्‍ला मर्रि आंदुर, ईनतोनि नना कूस मंतन, मिमेट ईना पोल्‍लें केंजट.”

योहान 10:38

गानि नना अव कबाह्‍कुन कींतन इंचि, नाकुन नम्मकोन्‍ना, नना कियना कबाह्कुनपोर्रो अयना विस्वासम इर्रट. अस्‍के, बाबाल ना लोप्पो, नना बाबाना लोप्पो मंतोम इंचि मीकु तेळियार,” इंचि येसु इत्‍तोर.

योहान 5:39

बस्‍केळ्‍क पिस्सना पिस्वर दर्मसास्‍त्रमहेंदाल दोर्कंता इंचि मिमेट अव्टे पह्कट, अदे दर्मसास्‍त्रम नावा बारेमते गवाइ वेहचंता.

प्रेरितुल्‍कुना कबाह्‍क 17:31

अद पेर्कुत्‍ता मनकनाहेंदाल, इद दुनियाते मनना हरेक मनकना न्‍यायम नीतिते कियानाहाटीं पेन उंदि रोजुन पिक्‍स कीता. अचोने आयका अद पेर्कुत्‍ता मनकन हातोराव्टेटाल मर्रा जीवा अरहचि अंटोर मनकालोर्कुंक अद हीता पोल्‍लेतुन रुजुव कीता.”

प्रेरितुल्‍कुना कबाह्‍क 5:32

इव अन्‍नि पोल्‍लेनहाटीं मोमोट गवाइ मंतोम. पेनदा पोल्‍लें केंजसि ताकानोराहाटीं पवित्र आत्मागुडा गवाइ मंता,” इंचि इत्‍तुर.

इब्रि 2:4

अचोने आयका पेनगुडा चिन्‍हां, इचंत्रमता कबाह्‍क, तीराता अद्‍बूताल्‍क आनि पवित्र आत्माता वराल्‍क दाना इच्‍चा परकारम दाना बक्‍तुल्कुंक हीसि, ई मुक्‍तिता बारेमते गवाइ हीसेक मत्‍ता.

इब्रि 6:18

पेन हीता पोल्‍ले आनि ओट्‍टु, इव रोंडु बस्‍केने बदलांचो. इवुना बारेमते पेन बस्‍केने आबद्‍दम वळ्का पर्रो. मनम बद आसेहेके अय्ते होनालय पेय्सतोमो, अद आसेहेके मनम इंकिच्‍चो गट्‍टि दैरनेमते होनना इंचि पेन अल्हा माकु रोंडु मल्कां गेरांटि हीता.

1 योहान 5:10

बोरय्ते पेनदा मर्रिनपोर्रो विस्वास इर्रंतोर, ओर ओनालोप्‍पो पेनदा साक्‍सितुन इर्रंतोर. पेन इत्‍ता पोल्‍लेनपोर्रो बोरय्ते विस्वास इर्रोर, ओर पेनदुन आबद्‍दम कींतोर. बारित्‍ते पेन तना मर्रिना बारेमते हीता साक्‍सितुन ओर विस्वास किया हिल्‍लोर.

1 योहान 5:8

आत्मा, एर आनि नेत्‍तुर आनि ईर मुव्वुरा साक्‍सि उंदे आंदु.