7 साक्सि हिय्यनोर मुव्वुर आंदुर.
पत्रु वळ्कसेकेन मत्तोर, अस्केन उंदि तेल्ला मब्बु तेर्पे ओरापोर्रो नीडा कीता, आ मब्बुनाल उंदि इसंटा अल्किर केंजावाता, “ईर नावा पावरमगल्ला मर्रि आंदुर, ईनतोनि नना कूस मंतन, मिमेट ईना पोल्लें केंजट.”
उंदि वेला ओरगिंटा नीवा पोल्ले केंजुवस्के, वरोर-इव्वुरकुन नीवा पज्जो पीसि होन. बारित्ते, अगा बतल जर्गुतनो अदुन वेहालय ओर गवाइ मनांतुर.
अदुनहाटीं मिमेट होंचि दुनियाता अन्नि देसेल्कुना लोकुल्कुन सिस्युल्क कीम्टु. ओर्कु बाबाना पोरोलते, मर्रिना पोरोलते आनि पवित्र आत्माता पोरोलते बापतिस्मा हीम्टु.
बतले पुट्टका मुन्ने पोल्ले मत्ता. आ पोल्ले पेनतोनि मत्ता. आ पोल्ले पेन आंद.
बाबल, नना मोमोट इव्वुरोम उंदे आंद,” इंचि इत्तोर.
बाबा! नीवा पोरोल्क निमेन कदर हीम,” इंचि येसु इत्तोर. अल्हा इत्तस्के स्वर्गमताल उंदि अल्किर, “नना नावा महिमाता कदरतुन दीनकन्ना मुन्ने हीतन, मर्रा इंका हींतन,” इंचि केंजावाता.
आ सहायम कियानोर इत्ते, पवित्र आत्मा मीकु सत्तेमतुन हुप्संता. दुनियातोर दानहेके हूळसेक हिल्लुर, दान एरपाट कीसेक हिल्लुर. अदुनहाटीं अद दुनियातोर्क दोर्को. गानि मिमेट दान एरपाट कींतिर. बारित्ते अद मीवातोनि मंता आनि पजा मीवा लोप्पेन मन्नार.
गानि बाबानाहेंदाल नना लोहना सहायम कियानोर, इत्ते बाबानगटाल वायना सत्तेम आत्मा, बस्के अय्ते मिहगा वायार. अद मीकु नावा बारेमते गवाइ वेहंता.
बल्हा अय्ते पेनबाबाल कुद्दु पिस्वरता मालक आंदुर, अल्हेन मर्रिनगुडा पिस्वरता मालक कीतोर.
दीन परकारम, नावाहाटीं नना वरोर गवाइ आनि नाकुन लोहचीता ना बाबल इंकावरोर गवाइ,” इंचि येसु इत्तोर.
येसु ओर्क इल्हा जवाब हीतोर, “नावद ननाने कदर कीकुत्ते, अद कदरक बतले विलुवा मन्नो. गानि बोन अय्ते मिमेट, ‘मावा पेन आंदुर’ इंचि इंतिरो, ओरे नावा बाबाल आंदुर, ओरे नाकु कदर हीसंतोर.
इंदके पेन येसुन दाना तिना बाजुंक उपिस्ता. पवित्र आत्मातुन हींतन इंचि पेन पोल्ले हीसि मत्ता अद ओन्क दोर्कता. येसु अदे पवित्र आत्मातुन वळियतोर, अदुन मिमेट हूळसेक, केंजसेक मंतिर.
इव अन्नि पोल्लेनहाटीं मोमोट गवाइ मंतोम. पेनदा पोल्लें केंजसि ताकानोराहाटीं पवित्र आत्मागुडा गवाइ मंता,” इंचि इत्तुर.
सामि येसु किरिस्तुना कुर्पा, पेनदा पावरम आनि पवित्र आत्माता तोळ मी अंटोरतोनि मन्निकांटी.
मोट्टा मोदोल्ताल बोर अय्ते मत्तोर, ओना बारेमते मोमोट मीकु वेहचंतोम. ओन मोमोट केंजतोम, ओन मावा कळ्कुने हूळतोम, मंचिगा हूळसि मावा कय्कुने ओन इट्तोम. पिस्वर हिय्यना पोल्ले ओरे आंदुर.
मनागा एर आनि नेत्तुरतोनी वातोर, ओर येसु किरिस्तु आंदुर. सिराप एतोनि आयो, एर आनि नेत्तुरतोनी. आनि ओना साक्सि हियानद आत्मा आंदु. बारित्ते आत्मे सत्तेम आंदु.
आत्मा, एर आनि नेत्तुर आनि ईर मुव्वुरा साक्सि उंदे आंदु.
ओर नेत्तुरते मुळहाता कपडिं केरसि मत्तोर. ओना पोरोल “पेनदा पोल्ले” आंद.
