17 अन्नि कराब कबाह्क पापमे आंदु. गानि अन्नि पापाल्क हामुरताहेके ओयों.
आयंका आ लालच नेला तप्सि एरपूरताप, पापमतुन कनंता आनि पापम बेर्सि हामुरतुन पुटसंता.
नावा पिलाल्कुनिटा! मिमेट पापम कियामन्नि इंचि नना इव पोल्लें मीकु रासेक मंतन. गानि ओक्कला बोरन्ना पापम कियानय्ते, मनाहेंदाल पेनबाबानतोनि वळ्कालय ओनगा वरोर सहायम कियानोर मंतोर, ओरे नीतिमंतुड येसु किरिस्तु आंदुर.
पापम कियाना हरेक मनकल, दर्मसास्त्रमता विरोदमते मनंतोर. दर्मसास्त्रमता विरोदमते ताकमळ इत्तेन पापम आंद.
ओक्कला मना दंटा विस्वासि हामुर हिल्वा पापम कियनेंके हूळानय्ते ओनाहाटीं पारतना कियागोम. पेन ओना पापमताल पायिचंता. इत्ते बोरय्ते हामुरते होनानसोंटा पापम कींतोर ओनाहाटीं आयो. इसोंटा पापमगुडा मनंता दाना परिनाम हामुरे. नना मीकुन इसोंटा पापमताहाटीं पेनदुन तल्कागोम इंचेके हिल्ले.