1 योहान 5:11 - पवित्र पोल्‍ले

¹¹ पेन मनाकु बस्‍केळ्‍क पिस्सना पिस्वर हीता, ई पिस्वर दाना मर्रिनगा मंता. इदे पेनदा गवाइ आंद.

1 योहान 5:11 Iomraidhean Croise

मत्‍तयाल 25:46

पजा “ई सेड्‍डा लोकुल्‍कुंक मारवा सिक्‍सा आंता. नीतिमंतुल्‍कुंक बारे बस्‍केळ्‍क पिस्सना पिस्वर दोर्कंता,” इंचि येसु इत्‍तोर.

योहान 1:19

“निमे बोन आंदिन?” इंचि योहानुन पूसकियालय येरुसलेम सहरते मनना यहुदि पेद्‍दाल्क, इच्‍चुर पेर्मालोर्कुन आनि लेवि जातितोर्कुन, ओनगा लोहतस्के योहानुना गवाइ इल्‍हा मत्‍ता.

योहान 1:4

अदुन लोप्पो पिस्वर मत्‍ता. आ पिस्वरे अंटोर लोकुल्‍कुनाहाटीं वेलगु आता.

योहान 10:28

नना अवुंक बस्‍केळ्‍क पिस्सना पिस्वर हींतन, अव बस्‍केने नासडेम आयों, नावा कय्‍दाल अवुन बोरे गुंजकुना पर्रोर.

योहान 12:50

ओना आदेस बस्‍केळ्‍क पिस्सना पिस्वरताहेके ओंता इंचि, नाकु एर्का मंता. अदुनहाटीं बाबाल नाकु बल्हा वेहना इंचि वेहतोरो, अल्हेन नना मीकु वेहचंतन,” इंचि ओर्क वेहतोर.

योहान 14:6

पजा येसु, “हर्रि, सत्‍तेम, आनि पिस्वर ननाने आंदुन. नाकुन होळसि बाबानगा बोरे एव्‍वा परोर.

योहान 19:35

अदंता बोर अय्ते हूळतोर ओर, मिमेटगुडा विस्वासम कियगोम इंचि ओना गवाइ वेहतोर. ओर वेहता गवाइ निजम आंद. ओर सत्‍तेम वेहचंतोर इंचि ओन्क एरपाट.

योहान 3:36

पेनदा मर्रिन बोर अय्ते नम्मंतुरो, ओर्क बस्‍केळ्‍क पिस्सना पिस्वर दोर्कंता. गानि बोर अय्ते मर्रिना पोल्‍ले केंजुरो, ओर्क बस्‍केळ्‍क पिस्सना पिस्वर अय्ते दोर्केन दोर्को, गानि ओनपोर्रो पेन होंग पीसि मनंता.

योहान 4:36

पंटा कोय्‍यानोर बूति दोर्किच्‍कुंचेक मंतोर आनि बस्‍केळ्‍क पिस्सना पिस्वरताहाटीं पलम जमा कीसेक मंतोर. दीनहेंदाल वीततोर, कोय्‍यानोर इव्वुरगुडा कुसिते कलियसि मना परांतुर.

योहान 4:4

गानि इंदके ओन्क सामरिया इनना राज्येमताल होनापीता.

योहान 5:21

बल्हा अय्ते बाबो हातोर्कुन मर्रा जीवाते तेहंतोरो, अल्हेन मर्रिगुडा ओन्क इस्‍टमातोर्कुन मर्रा जीवाते तेहंतोर.

योहान 5:26

बल्हा अय्ते पेनबाबाल कुद्‍दु पिस्वरता मालक आंदुर, अल्हेन मर्रिनगुडा पिस्वरता मालक कीतोर.

योहान 6:40

नावा बाबाना इच्‍चा बतल मंता इत्‍ते, मर्रिनेके हूळसि ओनपोर्रो विस्वासम कियानोर अंटोर्क बस्‍केळ्‍क पिस्सना पिस्वर दोर्कना. अल्हा बोर अय्ते विस्वासम इर्रंतुरो, ओर्कुन नना आकिरता रोजुने मर्रा जीवाते तेहांतन,” इंचि येसु ओर्क वेहतोर.

योहान 6:47

नना निजम-निजम वेहासेक, नापोर्रो विस्वासम कीतोन्कु बस्‍केळ्‍क पिस्सना पिस्वर दोर्कते इनकुंटु.

योहान 6:68

अस्‍के सिमोन पत्रु, “सामि, मोमोट इंका बोनगा दाकोम? बस्‍केळ्‍क पिस्सना पिस्वर हियना पोल्‍लें अय्ते निहागेन मंतां!

रोम सहरतोरहाटीं पौलुसना सिट्‍टि 5:21

इल्‍हा बारि आता इत्‍ते, बल्हा पापम हामुरताहेंदाल राज्येम कीसेक मत्‍ता, अल्हेन पेनदा कुर्पागुडा सत्‍तेमतोनि मना सामि येसु किरिस्‍तुनहेंदाल बस्‍केळ्‍क पिस्सना पिस्वरताहाटीं राज्येम कींता.

रोम सहरतोरहाटीं पौलुसना सिट्‍टि 6:23

पापि कबाह्‍कुना कूलि इंचि मनाकु हामुर दोर्कंता. गानि पेन मनाकु मना सामि येसु किरिस्‍तुनहेंदाल वरम इंचि बस्‍केळ्‍क पिस्सना पिस्वर हींता.

1 तिमोति 1:16

अय्नागानि येसु किरिस्‍तु नापोर्रो दया हुपिस्तोर. अल्हा दया हुपिच्‍चि, मुन्‍ने बोर अय्ते बस्‍केळ्‍क पिस्सना पिस्वर दोर्कना इंचि ओनपोर्रो विस्वासम कींतुरो, ओर्क ओना अंतेम हिलुवा सहनमतुन हुपिचनाहाटीं उंदि उदाहरनता रूपमते नावसोंटा पापिन इरतोर.

तीतु 1:2

ई सत्‍तेम, बस्‍केळ्‍क पिस्सना पिस्वरता आसे पोर्रो निल्‍सि मंता. बस्‍केने आबद्‍दम वळ्कुवा पेन इदुन हींतन इंचि वेल्‍लेन मुन्‍ने पोल्‍ले हीसि मत्‍ता.

1 योहान 2:25

किरिस्‍तु मनाकु बस्‍केळ्‍क पिस्सना पिस्वर हींतन इंचि पोल्‍ले हीतोर, अद इदे आंद.

1 योहान 4:10

मनम पेनदुन पावरम कीतोम इंचि आयो, गानि पेने मनाकुन पावरम कीता. अदुनहाटींगे, पेन दाना मर्रिन मना पापाल्क मापि आयाना इंचि मोक्‍कु आयालय लोहता. इदे निजम पावरम आंद.

1 योहान 4:9

दाना मर्रिनाहेंदाल मनाकु बस्‍केळ्‍क पिस्‍साना पिस्वर दोर्कना इंचि पेन दाना वरोरे मर्रिन, इद दुनियाते लोहता. इल्‍हा पेन, मनापोर्रोटा दाना पावरमतुन मनाकु हुपिस्‍ता.

1 योहान 5:10

बोरय्ते पेनदा मर्रिनपोर्रो विस्वास इर्रंतोर, ओर ओनालोप्‍पो पेनदा साक्‍सितुन इर्रंतोर. पेन इत्‍ता पोल्‍लेनपोर्रो बोरय्ते विस्वास इर्रोर, ओर पेनदुन आबद्‍दम कींतोर. बारित्‍ते पेन तना मर्रिना बारेमते हीता साक्‍सितुन ओर विस्वास किया हिल्‍लोर.

1 योहान 5:20

गानि मनाकु एरपाट मंता, पेनदा मर्रि वासि, मनम निजम पेनदुन एरपाट कियागोम इंचि मनाकु तेल्वि हीतोर. बारित्‍ते मनम निजम पेनदुन एरपाट कियागोम इंचि. इत्‍ते, मनम पेनदा मर्रि येसु किरिस्‍तुनलोप्‍पो मंतोम. पेनबाबाले निजम पेन आंदुर आनि बस्‍केळ्‍क पिस्सना पिस्वर ओरे आंदुर.

1 योहान 5:7

साक्‍सि हिय्यनोर मुव्वुर आंदुर.

3 योहान 1:12

देमेतिरियुसना बारेमते अंटोरगुडा बेसतोर इंचि गवाइ वेहांतुर. पेनदा सत्‍तेमते ताकतोर इंचि सत्‍तेमता नदरतेगुडा ओर बेस मनकल आंदुर. ओर बेसतोर इंचि ननागुडा गवाइ हींतन, नावा गवाइ सत्‍तेम इंचि मीकु अय्ते एरपाटे मंता.

यहुदा 1:21

बस्‍केळ्‍क मनना पिस्वरताहाटीं मना सामि येसु किरिस्‍तुना दयाता आसेते एदुर हूळसेक पेनदा पावरमते निल्‍सि मंटु.

पेन हुपिस्‍ता पोल्‍लें 1:2

अस्‍के ओर पेनदा पोल्‍लेता बारेमते, येसु किरिस्‍तुना गवाइता बारेमते आनि ओर हूळता अन्‍नि पोल्‍लेना बारेमते गवाइ वेहतोर.

पेन हुपिस्‍ता पोल्‍लें 22:1

अस्‍के पेनदा दूता नाकु सक्‍कगा मिटकरा मनना पिस्वरता एर हिय्यना बेरेटुन हुपिस्‍ता. अद बेरेड पेनदा आनि गोर्रे पोरिना राजगद्‍देताल सुरुव आसि, अद सहरता पेद्‍दा हरदा नड्‍डुमताल पोंगसेक मनुंदु. अद बेरेटा ओड्‍डुंक रोंडु पक्‍काने पिस्वर हियना मराक मत्‍तां. अव मराक वर्साता हरेक नेलाते पन्‍नेंड तीरकुना पंडि हादसेकेन मनुंदु. दुनियाता अन्‍नि देसेल्‍कुना लोकुल्‍क अव मराकुना आकिने बेस आयुंदुर.