1 योहान 5:10 - पवित्र पोल्‍ले

¹⁰ बोरय्ते पेनदा मर्रिनपोर्रो विस्वास इर्रंतोर, ओर ओनालोप्‍पो पेनदा साक्‍सितुन इर्रंतोर. पेन इत्‍ता पोल्‍लेनपोर्रो बोरय्ते विस्वास इर्रोर, ओर पेनदुन आबद्‍दम कींतोर. बारित्‍ते पेन तना मर्रिना बारेमते हीता साक्‍सितुन ओर विस्वास किया हिल्‍लोर.

1 योहान 5:10 Iomraidhean Croise

योहान 3:16

पेन दुनियातोर्कुन इच्‍चोन पावरम कीता गदा, दाना वरोरे मर्रिनगुडा ई दुनियातोराहाटीं हीता. ओन नम्मना हरेक मनकल नासडेम आयामन्‍नि गानि ओन्क बस्‍केळ्‍क पिस्सना पिस्वर दोर्कना इंचि अद अल्हा कीता.

योहान 3:18

ओन बोर अय्ते नम्मंतुरो, ओर्क ओर सिक्‍सा हिया वेहोर. गानि बोर अय्ते ओन नम्मुरो, पेनदा वरोरे मर्रिनपोर्रो विस्वासम कियवाहेंका ओर्क पेन मुन्‍नेन सिक्‍सा हीसि इरता.

योहान 3:33

ओर वेहता गवाइतुन बोर अय्ते नम्मंतुरो, ओर अंटोर पेने सत्‍तेम इंचि पक्‍का कबुल कींतुर.

योहान 5:38

अचोने आयका ओर लोहतोना पोर्रो मिमेट विस्वासम इर्रुवाहेंका, ओर कराहता पोल्‍लें मीवा मनसुना लोप्पो मना पर्रों.

प्रेरितुल्‍कुना कबाह्‍क 8:37

(निमे गिंटा मनसुनाल पुरागा विस्वासम कियानय्ते बापतिस्मा एता परांतिन, इंचि पिलिपुस वेहतस्के, ओर हां, येसु सामिए पेनदा मर्रि आंदुर इंचि नना विस्वासम कींतन, इंचि जवाब हीतोर.)

रोम सहरतोरहाटीं पौलुसना सिट्‍टि 8:16

इंका पेनदा आत्मा मना आत्मातोनि कलियसि, मनम पेनदा मर्क-मियाह्कुम इंचि गवाइ हीसेक मंता.

गलातिया 4:1

नना वेहानद बतल इत्‍ते, वारसदार बदवेरादाका सिन्‍ना पेडल मनंतोर, अदवेरदाका ओर लोता मालक आसिगुडा जीतागानलेसीं मनंतोर.

गलातिया 4:6

मनम पेनदा पिलाल्क आताहाटीं अद मनालोप्‍पो दाना मर्रिना आत्मातुन लोह्ता. अद आत्मा मनालोप्‍पो मंचि पेनदुन, “बाबा! बाबा!” इंचेके केयसेक मनंता.

इब्रि 3:12

विस्वासुल्‍कुनिटा, जेगर्ता! जीवाते मंदना पेनदापोर्रोटा विस्वासमताल लक्‍कु कियागोट्‍टनसोंटा कराब, विस्वासम हिलुवा मनसु, मीलोप्‍पो बोरागेन मनानायो.

2 पत्रु 1:19

मनाकु पेनदा कबुरतोरा पोल्‍लेपोर्रो एक्‍को बरोसा अनपिस्ता. अद पोल्‍ले हीकटते एलगना वेळसिलेसीं दिसंता. अदुनहाटीं पंगातारित्‍ते हक्‍केटा सुक्‍का मीवा मनसुने एलगनदाका आ पोल्‍ले परकारम ताकते मीके बेस.

1 योहान 1:10

ओक्‍कला, “मोमोट पापम किया हिल्‍लोम” इंचि मनम इनानय्ते, मनम पेनदुन आबद्‍दम हिळु अरहंतोम. दाना पोल्‍ले मनालोप्‍पो हिल्‍ले.

1 योहान 5:1

येसु, किरिस्‍तु आंदुर इंचि बोरय्ते विस्वास कींतोर, ओर पेनदा मर्रि आंतोर आनि बोरय्ते पेनतोनि पावरम कींतोर, ओर दाना मर्रिनतोनि इंका पावरम कींतोर.

पेन हुपिस्‍ता पोल्‍लें 12:17

इदुनहेंदाल तरासुंक मुरतळ पोर्रो बागा होंग वाता. अस्‍के तरास आ मुरतटा कळमता वंसंमतोरतोनि, पेनदा आदेसकुनपोर्रो ताकानोरतोनि आनि येसुना गवाइ वेहानोरतोनि लडाइ कियालय होत्‍ता.

पेन हुपिस्‍ता पोल्‍लें 2:17

पवित्र आत्मा कलिसियातोर्क बतल वेहांता अदुन, केव्क मत्‍तोर बेस केंजिर. बोर अय्ते गेल्सांतोर ओन्क मक्‍किचि इरता मन्‍ना आनि उंदि तेल्‍ला बंडा हींतन. आ बंडापोर्रो उंदि पूना पोरोल रासि मनंता अद बोन्क अय्ते दोर्कार ओन्‍के तेळियार.

पेन हुपिस्‍ता पोल्‍लें 2:28

अल्हे ननागुडा ओनकु हक्‍केटा सुक्‍कातुन हींतन.