1 योहान 4:2 - पवित्र पोल्‍ले

² पेनदा आत्मातुन मिमेट इल्‍हा एरपाट किय्‍याना; बद आत्मा अय्ते, “येसु किरिस्‍तु मनकना रूपमते वातोर,” इंचि ओप्‍कुंता, आ हरेक आत्मा पेनदाहेंदाल वातद आंद.

1 योहान 4:2 Iomraidhean Croise

योहान 1:14

आ पोल्‍ले मनकना रूपमते मारियता. अद कुर्पा, सत्‍तेमतोनि पुरागा निंडिस मना नड्‍डुम जेगा आता. मोमोट महिमातुन हूळतोम. अद महिमा बाबाना वरोरे मर्रिना महिमालेसीं मत्‍ता.

1 कुरेंति 12:3

अदुनहाटीं पेनदा आत्माते वळ्कानोर बोरे आयिर, “येसु सापनेम दल्‍गतोर आंदुर,” इंचि इन्‍नुर. अल्‍हेने पवित्र आत्माते ताकवोर बोरे आयिर, “येसु सामि आंदुर,” इंचि इन्‍नुर.

1 तिमोति 3:16

मना बक्‍तिता सत्‍तेमता मर्मम वेल्‍लेन पेद्‍देद, इव्टे बतले अनमानम हिल्‍ले: किरिस्‍तु मनकना रूपमते पुटतोर, ओनगा बतले दोसेम हिल्‍ले इंचि पवित्र आत्मा वेहता, पेनदा दूतांक ओर दिसतोर, ओना बारेमते दुनियाता अन्‍नि देसेल्‍कुना लोकुल्‍कुंक प्रचार कियमळ जर्गता, दुनियातोर ओनपोर्रो विस्वासम इरतुर आनि पेनदा कदरते ओन मर्रा स्वर्गमते तेहामळ जर्गता.

1 योहान 1:2

आ बस्‍केळ्‍क पिस्‍साना पिस्वर हिय्यना पोल्‍ले मोदाला पेनबाबानतोनि मत्‍तोर. ओन पेन मनकाना रूपमते मारियागोटसि बूमिते लोहताहेंका मोमोट ओन हूळतोम, इंचि गवाइ वेहांतोम. अल्‍हेने आ बस्‍केळ्‍क पिस्‍साना पिस्वरता बारेमता कबुर मीकु वेहांतोम.

1 योहान 2:23

बोर अय्ते मर्रिन ओप्‍कुन्‍नोर, ओर बाबोनगुडा ओप्‍कुन्‍नोर. मर्रिन ओप्‍कुनानोर बाबोनगुडा ओप्‍कुंतोर.

1 योहान 4:15

बोरन्‍ना ओक्‍कला, येसुए पेनदा मर्रि इंचि ओप्‍कुनानय्ते, पेन ओनालोप्‍पो निल्‍सि मनंता, ओर पेनदा लोप्पो निल्‍सि मनंतोर.

1 योहान 4:3

गानि बद आत्मा अय्ते, येसु मनकना रूपमते वातोर इंचि ओप्‍कुन्‍नो, अद आत्मा पेनदाहेंदाल वातद आयो. अद किरिस्‍तुना पगातोना आत्मा आंद. असोंटा आत्मा वायाना मंता इंचि मिमेट मुन्‍नेन केंजसि मत्‍तिर, अद इंदके दुनियाते वासि मंता.

1 योहान 5:1

येसु, किरिस्‍तु आंदुर इंचि बोरय्ते विस्वास कींतोर, ओर पेनदा मर्रि आंतोर आनि बोरय्ते पेनतोनि पावरम कींतोर, ओर दाना मर्रिनतोनि इंका पावरम कींतोर.

2 योहान 1:7

येसु किरिस्‍तु मनकना रूपमते पुट्‍सि वायाहिल्‍लोर इंचि वेह्‍चि पसांचनोर वेल्‍लेन लोकुल्‍क इद दुनियाते पेय्‍सतुर. इसंटोरे हूळा! पसांचनोर आनि किरिस्‍तुना पगातोर्क.