1 योहान 4:19 - पवित्र पोल्‍ले

¹⁹ मनम पावरम कींतोम, बारित्‍ते मुन्‍ने मनाकुन पेन पावरम कीता.

1 योहान 4:19 Iomraidhean Croise

लूकाल 7:47

अदुनहाटीं नना नीकु वेहानद बतल इत्‍ते, दाना अन्‍नि पापाल्क मापि आतां इंचि अद वेल्‍लेन पावरम कीता, गानि बोनद इच्‍चुने पापम मापि आता, ओर इच्‍चुने पावरम कींतोर.”

योहान 15:16

नाकुन मिमेट पेर्रा हिल्‍लिर, गानि मीकुन नना पेरतन. पेरसि, मिमेट बेसता कबाह्‍क कीसेक बेस पलम हियगोम, इंचि नना मीकुन निलाहतन. अल्हा कीते, मिमेट नावा पोरोल्ते बाबान बतल तल्किनागानि, अद मीकु दोर्कंता.

योहान 3:16

पेन दुनियातोर्कुन इच्‍चोन पावरम कीता गदा, दाना वरोरे मर्रिनगुडा ई दुनियातोराहाटीं हीता. ओन नम्मना हरेक मनकल नासडेम आयामन्‍नि गानि ओन्क बस्‍केळ्‍क पिस्सना पिस्वर दोर्कना इंचि अद अल्हा कीता.

गलातिया 5:22

पेनदा आत्माता कबाह्‍क इल्‍हा मंतां: पावरम कियमळ, कुसिते मनमळ, सांतिते मनमळ, ओप्के पीसि मनमळ, दया कियमळ, मंचितनम, इमानदारते मनमळ, मेत्‍तगा मनमळ, बसोंटा परिक्‍सा वायिनागानि अव्टे अर्राकोंटा सततुन आपकुनमळ.

1 योहान 4:10

मनम पेनदुन पावरम कीतोम इंचि आयो, गानि पेने मनाकुन पावरम कीता. अदुनहाटींगे, पेन दाना मर्रिन मना पापाल्क मापि आयाना इंचि मोक्‍कु आयालय लोहता. इदे निजम पावरम आंद.

1 योहान 4:20

ओक्‍कला बोरन्‍ना, “नना पेनदुन पावरम कींतन,” इंचि वेह्‍चि, ओना दादन हय्‍साकोंटे, ओर आबद्‍दम मनकल आंदुर. बारित्‍ते ओर हूळना ओना दादाने ओर पावरम कियुवस्‍के, हूळवा पेनदुन ओर बल्हा पावरम किया परांतोर?