1 योहान 4:17 - पवित्र पोल्‍ले

¹⁷ मनालोप्‍पो पेनदा पावरम पुरागा आंता. अदुनहाटीं पेन न्‍यायम कियाना रोजुने मनम वेरियाकोंटा मना परकोम. बारित्‍ते किरिस्‍तु मत्‍तापे, मनमगुडा इद दुनियाते पिस्सेक मंतोम.

1 योहान 4:17 Iomraidhean Croise

मत्‍तयाल 10:15

नना मीकु निजम वेहासेक गदा, पेन न्‍यायम कियना रोजुने सदोम आनि गमोरा सहरकुना परिस्तिति आ नाह्‍कुंकन्‍ना बच्‍चोरो बेस मनंता.

मत्‍तयाल 10:25

सिराप सिस्युड गुरुनलेसीं, जीतागाड मालकुनालेसीं आयगोम अचोने सालु. ओक्‍कला लोता मालकुन नाकुने बेलजेबुल इनानय्ते, लोते मनना मीवद अंटोरद बद गति आयार!

मत्‍तयाल 11:22

गानि नना मीकु वेहासेक गदा, पेन न्‍यायम कियना रोजुने सूर आनि सिदोनतुरा परिस्तिति मीकन्‍ना बच्‍चोरो बेस मनंता.”

मत्‍तयाल 11:24

गानि नना मीकु वेहासेक गदा, पेन न्‍यायम कियना रोजुने सदोम सहरता परिस्तिति मीकन्‍ना बच्‍चोरो बेस मनंता,” इंचि इत्‍तोर.

मत्‍तयाल 12:36

इंका नना मीकु वेहानद बतल इत्‍ते, पज्जो-मुन्‍ने विचारम कियाका मीवा तोळ्‍दाल पेय्सता उंद-उंदि वट्‍टि पोल्‍लेता लेक्‍का आकिर न्‍यायम कियना रोजु पेन मीवाहेंदाल एतार.

योहान 15:20

वरोर दासुड ओना मालकुंकन्‍ना पेद्‍दोड आयोर, इंचि नना दीनकन्‍ना मुन्‍ने वेहता पोल्‍लेतुन मिमेट मति इर्कुंटु. ओर नाकुने तकलिप कीतुर अय्ते, मीकुनगुडा तकलिप कींतुर. ओर नावा पोल्‍ले परकारम ताकानय्ते, मीवा पोल्‍ले पोर्रोगुडा ताकंतुर.

योहान 17:22

निमे ना लोप्पो मंतिन, नना नी लोप्पो मंतन. निमे नाकु हीता कदरतुन नना ओर्क हीतन. मनम इंदके बल्हा उंदि आसि मंतोमो, अल्हेन ओरगुडा उंदि आसि मंदना. अल्हा मत्‍तेने, नाकुन निमे लोहतिन आनि नाकुन पावरम कीताप ओर्कुनगुडा पावरम कीसंतिन, इंचि दुनियाक एरपाट आयापींता.”

रोम सहरतोरहाटीं पौलुसना सिट्‍टि 8:29

बारित्‍ते “बोर-बोर नापोर्रो विस्वासम कींतुर” इंचि पेन मुन्‍नेटाले एरपाट कीसि मत्‍ता. दाना मर्रि येसु, ओर अंटोरा दादाल आयगोम इंचि पेन ओर्कुन येसुनसंटोर आयानाहाटीं पेरता.

इब्रि 9:27

बल्हा लोकुल्‍क अंटोर उंदि मल्का हासि दांतुर, पजा पेन ओरा न्‍यायम कींता, इंचि मुन्‍नेन निरनायम कीसि मंता,

याकोब 2:13

बारित्‍ते बोर अय्ते दया किय्योर, न्‍यायम कियाना रोज पेन ओनपोर्रो दया किय्‍यो. दया कियानोर न्‍यायमतुन गेल्संतोर.

याकोब 2:22

मिमेट हूळसेक मंतिट, विस्वासम ओर कीता कबाह्कुनतोनि कलियसि मंता, अल्हेन विस्वासम ओना कबाह्‍कुनाहेंदाल पूरा आता.

2 पत्रु 2:9

इल्‍हा, बक्‍तिगल्‍लोर्कुन परिक्‍सानाल बल्हा कापाळना आनि बक्‍ति हिल्वोर्कुन न्‍यायमता रोजुनदाका सिक्‍साते बल्हा वाटसि इर्राना इत्‍तद सामिंक तेळियसे मंता.

2 पत्रु 3:7

गानि इंदके मनना मब्बु, बूमितुन, अदे पोल्‍लेते तळमितोनि नासडेम कियाना रोजुनदाका कापाळसि इरसेक मंता. बक्‍ति हिल्‍वोरा न्‍यायम नासडेम आयाना रोजुनदाका अल्हेन मनंता.

1 योहान 2:28

अदुनहाटीं नावा पिलाल्‍कुनिटा! मिमेट किरिस्‍तुने निल्‍सि मंटु. अल्हा मत्‍ते, ओर बस्के अय्ते इद बूमिते मल्सि वायानुर अस्‍के, मनम वेर्रे हिल्‍वोरम आसि ओर वातंका ओना मुन्‍ने सिग्गु वायाकोंटा मंदा परकोम.

1 योहान 2:5

गानि बोर अय्ते पेनदा पोल्‍लेतुन पीसि ताकंतोर, ओनगा पेनदा पावरम निजमे पुरागा आता. दीनहेंदाले, मनम वरोनतोनि वरोर कलियसि उंदासि मंतोम इत्‍तद तेळियसि दांता.

1 योहान 2:6

बोर अय्ते, “नना पेनतोनि कलियसि पिस्सेक मंतन,” इंचि वेहंतोरो, ओर कुद्‍दु किरिस्‍तु पिसतसोंटा पिस्वर पिसागोम.

1 योहान 3:1

हुळट! पेन मनाकुन बच्‍चोन वेल्‍ले पावरम कींता! अदुनहाटीं मनाकु पेनदा पिलाल्क इंचि पोरोल दोर्कता, आनि मनम आंदुमगुडा. गानि दुनियातोर पेनदुन एरपाट किय्युवाहेंका ओर मनाकुन तेल्‍पिचकुन्‍नुर.

1 योहान 3:3

किरिस्‍तुनपोर्रो इसोंटा आसे इर्राना हरेक मनकल किरिस्‍तु पवित्र मत्‍ताप कुद्‍दुगुडा पवित्र कीकुंतोर.

1 योहान 3:7

पिलाल्‍कुनिटा! मीकुन बोरे पसांचकोंटा जेगर्ता मंटु. बोर अय्ते सत्‍तेम कबाह्‍क कींतोर, ओर किरिस्‍तुनलेसीं नीतिमंतुडे आंदुर.

1 योहान 4:12

पेनदुन बोर बस्‍केन हूळा हिल्‍लुर. गानि मनम, वरोंक-वरोर पावरम कियानय्ते पेन मनालोप्‍पो मनंता आनि दाना पावरम मनालोप्‍पो पुरागा आंता.