1 योहान 4:14 - पवित्र पोल्‍ले

¹⁴ दीन मनम हूळतोम आनि मनम दीना साक्‍सि मंतोम, मना पेन बाबल दुनियाता पापाल्क पायिचालय ओना मर्रिन लोहतोर.

1 योहान 4:14 Iomraidhean Croise

योहान 1:14

आ पोल्‍ले मनकना रूपमते मारियता. अद कुर्पा, सत्‍तेमतोनि पुरागा निंडिस मना नड्‍डुम जेगा आता. मोमोट महिमातुन हूळतोम. अद महिमा बाबाना वरोरे मर्रिना महिमालेसीं मत्‍ता.

योहान 1:29

इंकुंदि रोजु योहान, येसु ओनाहेके वायनद हूळसि, “अद हुळाट, दुनियातुन पापमता सिक्‍साताल तप्‍सानाहाटीं मोक्‍कु आयाना पेनदा गोर्रे पोरिनसंटोर!

योहान 12:47

बोरे आयिर, ओक्‍कला नावा पोल्‍लें केंजसिगुडा अवुन परकारम ताकाकोंटे, ओना न्‍यायम नना किय्योन. बारित्‍ते नना इद दुनियाते न्‍यायम कियालय वाया हिल्‍लेन, गानि इद दुनियातोर्कुन पिसागोटलय वातन.

योहान 3:11

नना निजम-निजम वेहासेक, माकु तेळियता पोल्‍लेंगें मोमोट वेहांतोम, कळ्‍कुने हूळता पोल्‍लेना गवाइ मोमोट मीकु वेहांतोम. अयना मिमेट मावा गवाइतुन ओप्‍कुंचेक हिल्‍लिर.

योहान 3:32

ओर अगा बतल अय्ते हूळतोर, केंजतोर अदुना बारेमतेन गवाइ वेहंतोर, गानि ओना गवाइतुन बोरे नम्मुर.

योहान 3:34

बोन अय्ते पेन लोहचीता, ओन पेन दाना आत्माते पुरागा निहता. अदुनहाटीं ओर सिराप पेनदा पोल्‍लेंगें वेहांतोर.

योहान 4:42

“सिराप निमे वेहताहेंकेन मोमोट येसुन नम्मा हिल्‍लोम. इंदके कुद्‍दु मोमोटे ओना पोल्‍ले केंजसि, दुनियातोर्कुन पिसागोटना निजम किरिस्‍तु ईरे आंदुर इंचि मोमोट विस्वासम कीतोम,” इंचि आ लोकुल्‍क मुरतटुन इत्‍तुर.

योहान 5:39

बस्‍केळ्‍क पिस्सना पिस्वर दर्मसास्‍त्रमहेंदाल दोर्कंता इंचि मिमेट अव्टे पह्कट, अदे दर्मसास्‍त्रम नावा बारेमते गवाइ वेहचंता.

प्रेरितुल्‍कुना कबाह्‍क 18:5

सिलास आनि तिमोति मेसिडोनिया एरियाताल वातस्के, पौलुस ओना पूरा वेला पेनदा पोल्‍लें कराहमळतेन तासुंदुर. इंका यहुदिल्कुनतोनि वळकिसि, येसे किरिस्‍तु आंदुर, इंचि वेहचि गवाइ हियुंदुर.

1 पत्रु 5:12

विस्वासमगल्‍ला तम्मुर इंचि नना नम्मुता सिल्‍वानुसना कय्‍दे इद सिन्‍ना सिट्‍टि रासतन. इदे पेनदा निजम कुर्पा आंदु, इव्टे मिमेट गट्‍टिगा निल्‍सि मंटु, इंचि नना मीकु इद सिट्‍टिते रासि तेळियागोट्‍सि वेहासेक मंतन.

1 योहान 4:10

मनम पेनदुन पावरम कीतोम इंचि आयो, गानि पेने मनाकुन पावरम कीता. अदुनहाटींगे, पेन दाना मर्रिन मना पापाल्क मापि आयाना इंचि मोक्‍कु आयालय लोहता. इदे निजम पावरम आंद.

1 योहान 5:9

मनम मनकनाहेंदाल हीता साक्‍सितुन मानांचंतोम अय्ते, पेनदाहेंदाल हीता साक्‍सि बच्‍चोर पेद्‍दा. बद साक्‍सि अय्ते पेन तना मर्रिना बारेमते हीता. अदे साक्‍सि पेनदा साक्‍सि आंदु.