1 योहान 4:1 - पवित्र पोल्‍ले

¹ पावरमगल्‍लोरिटा! नहगा पेनदा आत्मा मंता इनना अंटोरपोर्रो विस्वासम कियमट. मोमोट पेनदा कबुरतोरम इंचेके, तप्‍पुड बोदां कराहनोर वेल्‍लेन मंदि दुनियाते वेलियसंतुर. अदुनहाटीं बरोसा कियाका मुन्‍ने आ वळ्‍कानोनगा मनना आत्मां पेनदागटाल वातावेना इंचि, परिक्‍सा कीसि हुळट.

1 योहान 4:1 Iomraidhean Croise

मरकुस 13:21

अव रोजकुने आबद्‍दम किरिस्‍तुल्‍क, पेनदा आबद्‍दम कबुरतोर वायानुर. आनि कुदुरते पेन पेर्कुत्‍ता लोकुल्‍कुन पसांचलय चिन्‍हां, इचंत्रमता कबाह्‍क कीसि हुप्‍सानुर. अदुनहाटीं ओक्‍कला बोरन्‍ना मीकुन, ‘हुळाट, किरिस्‍तु इगे मंतोर, अगा मंतोर’ इनानय्ते मिमेट ओर्कुन नम्मुमट.

लूकाल 12:57

“असल बेस न्‍यायम बद आंद, अद मीवद मिमेटे बारि निरनायम किया परसाहिल्‍लिर?

लूकाल 21:8

अस्‍के येसु इल्‍हा इत्‍तोर. “मीकुन बोरन्‍ना पसांचनुर, उसारते मंटु. नावा पोरोल एतसेके बचुटूरो लोकुल्‍क वासि, ‘ओन ननाने आंदुन, इंतुर. इंका अद वेला दग्‍गेरा एव्ता,’ इंचि इनानुर. असंटोरा पज्जो होनमट.

प्रेरितुल्‍कुना कबाह्‍क 17:11

तेसलोनि सहरता यहुदिल्कुंकन्‍ना इगेटा यहुदिल्क बच्‍चोरो बेस मत्‍तुर. ईर पौलुस वेहना पोल्‍लेन बेस मनसु ताससि केंजुंदुर. हरेक रोजु दर्मसास्‍त्रमतुन हद्‍विसि पौलुस वेहना पोल्‍लें निजमेना इंचि बेस अर्तम कीकुनुंदुर.

प्रेरितुल्‍कुना कबाह्‍क 20:29

नना होत्‍तारित्‍ते कतरनाक तोडेल्‍लिनसंटा मनकालोर मीवा नड्‍डुम वासि मीकु नुकसान कींतुर इद नाकु एरपाट मंता.

1 कुरेंति 12:10

अद आत्मा बोर्को-बोर्को अद्‍बूतामाता कबाह्‍क कियानद ताकत, बोर्को बविस्यवानि कियानद, बोर्को आत्मान लोप्पो तेडा बतल हूळानद, बोर्को वेरे-वेरे बासां वळकानद आनि इंका बोर्को बासाना अर्तम वेहना वरम हींता.

1 कुरेंति 14:29

पेनदा कबुरतोर इव्वुर हिलाकोंटे मुव्वुरे वेहिर, कळमतोर वेहता पोल्‍लेन परिक्‍सा कीसि हूळिर.

1 तेसलोनि 5:20

पेनदा कबुरतोरा पोल्‍लेन पास्कमट.

1 तेसलोनि 5:21

गानि अन्‍निटवुन परिक्‍सा कीसि हुळाट, बव बेसतवो अवुन पीसि मंटु.

2 तेसलोनि 2:2

अद बतल इत्‍ते, सामि मल्सि वायाना रोजु वाता इंचि मिमेट आत्माताहेंदाल आयि, पोल्‍लेताहेंदाल आयि, मावाहेंदाले सिट्‍टि वाता इत्‍ताप आयि मीक केंजा वाते, मीवा मनसुन हीके-हेके आया हियमटु, वेरियमट.

1 तिमोति 4:1

वायना रोजकुने, इच्‍चुर लोकुल्‍क दोका हियना आत्माना बोदां आनि देय्यमता पोल्‍लें केंजसि ओरा विस्वासमतुन होळसंतुर, इंचि पवित्र आत्मा किलियर वेहंता.

2 तिमोति 3:13

गानि कराब कियानोर, मुळाहनोर, वेरेतोर्कुंक दोका हीसेक, ओर दोकाते अरसेक इंकिच्‍चो कराब आंतुर.

2 पत्रु 2:1

अस्‍के बल्हा लोकुल्‍कुना नड्‍डुम आबद्‍दम कबुरतोर मत्‍तुर, अल्‍हेने मीवा नड्‍डुमगुडा आबद्‍दम कराहनोर मंदानुर. नासडेम कियाना नियमकुन ओर मक्‍किस पीसि वांतुर आनि बोर सामि अय्ते ओर्कुन अस्तोर, ओनगुडा ओर ओप्‍कुन्‍नुर. इल्‍हा ओरद-ओरे नासडेमतुन बिराना ओरापोर्रो तरकुंतुर.

1 योहान 2:18

पिलाल्‍कुनिटा! इद आकिरता वेला आंद, किरिस्‍तुना पगातोर वायानुर इंचि मिमेट केंजसि मत्‍तिर. अल्‍हेने इंदके किरिस्‍तुना वेल्‍लेटोरे पगातोर वातुर. इदुनहेंदाल, इद आकिरता वेला आंद इंचि मनाकु तेळियंता.

1 योहान 2:7

नावा पावरमगल्‍लोरिटा! नना इंदके मीकु पूना आदेस रासेक हिल्‍लेन, मोदोटाल मीकु तेळियसि मत्‍ता पडाना आदेसे आंदु.

2 योहान 1:7

येसु किरिस्‍तु मनकना रूपमते पुट्‍सि वायाहिल्‍लोर इंचि वेह्‍चि पसांचनोर वेल्‍लेन लोकुल्‍क इद दुनियाते पेय्‍सतुर. इसंटोरे हूळा! पसांचनोर आनि किरिस्‍तुना पगातोर्क.

3 योहान 1:11

पावरमगल्‍ला दंटातोना! निमे ओनालेसीं कराबता जोलिक होन्‍मा, सिराप बेस बतल अदे कीसेके मन. बेसता कबाह्‍क कियानोर पेनदा मनकल आंदुर, सेड्‍डा कबाह्‍क कियानोर पेनदा मनकल आयोर.

पेन हुपिस्‍ता पोल्‍लें 2:2

निमे कियाना कबाह्‍क, नीवा मेहनत आनि ओप्के नाक एरपाटे. अल्‍हेने निमे सेड्‍डा लोकुल्‍कुन हय्सिन आनि बोर अय्ते “नना प्रेरित” इंचि इनकुंतुर गानि ओरा परिक्‍सा एततस्के ओर नीकु आबद्‍दम वळ्कतद दिसतुर.