1 योहान 3:9 - पवित्र पोल्‍ले

⁹ पेनदा संतानम आतोर बोरे आयिर, ओरा लोप्पो पेनदा गुनम मनंता. अदुनहाटीं ओर पापम किय्युर. ओर पेनदा संतानम आताहाटीं, ओर पापम किय्ये पर्रुर.

1 योहान 3:9 Iomraidhean Croise

मत्‍तयाल 7:18

बेसता मराकु कराब पंडिं हादों कराब मराकु बेसता पंडिं हादों.

योहान 1:13

पेनदा मर्क-मियाह्क आयमळ इत्‍ते मनकना पीटाल, मनकना इच्‍चा मत्‍ताप पुटमळ, मुय्दोना इच्‍चा मत्‍ताप पुटमळ आयो. गानि पेने ओर्कुन दाना संतानम कीकुंता.

योहान 3:3

अस्‍के येसु ओन, “नना निजम-निजम वेहासेक, बोरे आयिर, पूना रीतुने मर्रा पुट्‍टुवा, ओर पेनदा राज्येमतुन हूळा परोर,” इंचि वेहतोर.

प्रेरितुल्‍कुना कबाह्‍क 4:20

बदाय्ते मोमोट हूळतोम, केंजतोम अदुन वेहाकोंटा मनमळ मावातोनि आया परो,” इंचि इत्‍तुर.

रोम सहरतोरहाटीं पौलुसना सिट्‍टि 6:2

बस्‍केने कियामन्‍नि. पापि गुनाल्कुनाल उंदि मल्का मनम बस्‍केळ्‍ताहाटीं वेरे आसि हासोत्‍ताप आतोम. मर्रा असोंटा पापि गुनाल्‍कुने बल्हा पिसकोम?

गलातिया 5:17

बल्हा इत्‍ते, मनकना पापि विचाराल्क, पेनदा आत्माता विचाराल्कुंक अड्‍डम मनंतां अल्हेन पेनदा आत्माता विचाराल्क मनकना पापि विचाराल्कुंक अड्‍डम मनंतां. इव रोंडुना विचाराल्क बस्‍केने कलियों. अदुनहाटीं मिमेट बतल अय्ते कींतोम इंतिर, अद किया परिर.

तीतु 1:2

ई सत्‍तेम, बस्‍केळ्‍क पिस्सना पिस्वरता आसे पोर्रो निल्‍सि मंता. बस्‍केने आबद्‍दम वळ्कुवा पेन इदुन हींतन इंचि वेल्‍लेन मुन्‍ने पोल्‍ले हीसि मत्‍ता.

1 पत्रु 1:23

इंदके मिमेट पूना पिस्वरते पुटतिर, नासडेम आयाना पेडेहेंदाल आयो, गानि बस्‍केन नासडेम आयवद, बस्‍केळ्‍क जीवाते मनना पेनदा पोल्‍लेताहेंदाल, पूना पिस्वरते पुटतिर.

1 योहान 2:29

मिमेट ओक्‍कला किरिस्‍तु नीतिमंतुड इंचि तेल्‍पिचकुत्‍तोर आयानय्ते, सत्‍तेमता कबळ कियाना हरेक मनकल पेनदाहेंदाले पुट्तोर इंचिगुडा मीकु तेळियंता.

1 योहान 3:6

बोर अय्ते किरिस्‍तुना बक्‍तिते निल्‍सि मनंतुर, ओर पापम कीसेके मन्‍नुर. गानि बोर अय्ते पापम कीसेके मनांतुर, ओर किरिस्‍तुन हूळा हिल्‍लुर, ओन एरपाटगुडा किया हिल्‍लुर.

1 योहान 4:7

पावरमगल्‍लोरिटा! पावरम पेनदाहेंदाल वातद आंद. अदुनहाटीं मनम वरोंक-वरोर पावरम कियागोम. पावरम किय्यना हरेक मनकल पेनदा संतानम आंदुर. ओर पेनदुन एरपाट कींतोर.

1 योहान 5:1

येसु, किरिस्‍तु आंदुर इंचि बोरय्ते विस्वास कींतोर, ओर पेनदा मर्रि आंतोर आनि बोरय्ते पेनतोनि पावरम कींतोर, ओर दाना मर्रिनतोनि इंका पावरम कींतोर.

1 योहान 5:18

मनाकु एरपाट, बोरय्ते पेनदा मर्रि आतोर, ओर पापम किय्योर. पेनदा मर्रि ओना कापाळांतोर. आ देय्यम ओना बतल किया पर्रो.

1 योहान 5:4

बारित्‍ते बोरय्ते पेनदा मर्रि आंतोर, ओर दुनियातुन गेल्संतोर आनि मना विस्वासमहेंदाले दुनियापोर्रो मनाकु गेल्‍पु दोर्कंता.

3 योहान 1:11

पावरमगल्‍ला दंटातोना! निमे ओनालेसीं कराबता जोलिक होन्‍मा, सिराप बेस बतल अदे कीसेके मन. बेसता कबाह्‍क कियानोर पेनदा मनकल आंदुर, सेड्‍डा कबाह्‍क कियानोर पेनदा मनकल आयोर.