1 योहान 3:8 - पवित्र पोल्‍ले

⁸ पापम कीसेके मनना हरेक मनकल देय्यमता बाजुनोरे आंदुर. बारित्‍ते सुरुवनाले देय्यम पापम कीसेके वासंता. गानि देय्यमता कबाह्‍कुन नासडेम कियानाहाटींगे पेनदा मर्रि इद दुनियाते वातोर.

1 योहान 3:8 Iomraidhean Croise

मत्‍तयाल 12:28

गानि नना ओक्‍कला पेनदा आत्माता सहायमते देय्याल्कुन गेदमानय्ते, पेनदा राज्येम मीवा दग्गेर्क एव्ता इंचि एरपाट कीम्‍टु.

मत्‍तयाल 13:38

पोलम इत्‍ते ई दुनिया आंदु. आनि बेसता विज्‍जां इत्‍ते पेनदुन ‘मावा राजाल’ इंचि विस्वासम कीतोर, हकोलिं इत्‍ते देय्याल्कुन पोल्‍लें केंजानोर आंदुर.

मत्‍तयाल 4:3

अस्‍के आ पट्‍टु हूळानोर येसुनगा वासि, “ओक्‍कला निमे पेनदा मर्रिन आते ई बंडां हारिं आयिं इंचि आदेस हीम,” इंचि इत्‍ता.

मरकुस 1:24

ओर येसुन हूळसि, “निमे बोन आंदिनो नाक एरपाटे, निमे नासरेत सहरता येसुन, पेनदा पवित्र मनकन आंदिन. मातोनि नीकु बाता कबळ? माकुन नासडेम कियालय वातिना?” इंचि वरगेयसि इत्‍तोर.

लूकाल 10:18

अस्‍के येसु ओर्कुन इल्‍हा इत्‍तोर, “नना पेद्‍दा देय्यमतुन मब्बुनाल पिळगुनलेसीं अरनेंके हूळतन.

योहान 12:31

इंदके इद दुनियाता न्‍यायम कियना वेला एवता. इद दुनियापोर्रो राज्येम कियना अदिकारिन पलाते पेचाहचि गेदमना वेला इंदके वाता.

योहान 16:11

इंका इद दुनियापोर्रो राज्येम एलाना अदिकारिना न्‍यायम अय्ते मुन्‍नेन आसि मंता. अदुनहाटीं सहायम कियानोर न्‍यायमता बारेमते लोकुल्‍कुंक तेळियागोट्‍सि वेहंतोर.

योहान 8:44

मिमेट देय्यमता पिलाल्क आंदिर, देय्यमे मीवा बाबाल आंदुर. अदुनहाटीं मीवा बाबाल कियना तप्‍पुड कबाह्‍क कियमळ इत्‍ते मीकु वेल्‍लेन इस्‍टम. देय्यम मुन्‍नेटाले जीवां तिंचेके वाता. अद सत्‍तेमतुन बस्‍केने हय्सो. दानागा सत्‍तेम हिल्‍लेन हिल्‍ले. आबद्‍दम वळ्‍कमळे दाना गुनम आंदु, अदुनहाटीं अद बस्‍केळ्‍क आबद्‍दमे वळ्कंता, आबद्‍दमतुन पुट्‍संता.

रोम सहरतोरहाटीं पौलुसना सिट्‍टि 16:20

मनाकु सांति हियना पेन बिराने देय्यमतुन मीवा काल्कुनगा तच्‍चि जारसि पोहंता. मना सामि येसु किरिस्‍तुनद मीवापोर्रो कुर्पा मन्‍निकांटी, आमेन.

इपीसि 2:2

मिमेट मुन्‍ने इद दुनियातोर ताकाना रीति-रिवाजकुन पीसि ताकिंदिर. पोर्रो वळिते तिरियना देय्याल्कुना मुक्‍यल बल्हा ताकिस्‍ते अल्हा ताकिंदिर. इंदकेळ्‍कगुडा पेनदा पोल्‍ले परकारम ताकवोर लोप्पो अद आत्मा कबळ कीसेके मंता.

कुलुसि 2:15

इल्‍हा राज्येम कियानोर्कुंक आनि अदिकारकुंक पेन ताकत हिलाकोंटा कीता. कीसि किरिस्‍तु क्रुसुनपोर्रो जीवा हीसि गेल्‍सताहाटीं ओरा अंटोरा मुन्‍ने तमासा आसि सिग्गु हिलाकोंटा आता.

1 तिमोति 3:16

मना बक्‍तिता सत्‍तेमता मर्मम वेल्‍लेन पेद्‍देद, इव्टे बतले अनमानम हिल्‍ले: किरिस्‍तु मनकना रूपमते पुटतोर, ओनगा बतले दोसेम हिल्‍ले इंचि पवित्र आत्मा वेहता, पेनदा दूतांक ओर दिसतोर, ओना बारेमते दुनियाता अन्‍नि देसेल्‍कुना लोकुल्‍कुंक प्रचार कियमळ जर्गता, दुनियातोर ओनपोर्रो विस्वासम इरतुर आनि पेनदा कदरते ओन मर्रा स्वर्गमते तेहामळ जर्गता.

इब्रि 2:14

पेनदा पिलाल्क आता मनम, मेंदुल रूपमते मत्‍ताहाटीं येसुगुडा हरेक पोल्‍लेते मनालेहका आसि वातोर. मना पिस्वरंता हामुरता वेर्रे मनागा मत्‍ताहेंका देय्यमता अदिकारम मनापोर्रो मत्‍ता. गानि येसु ओना हामुरताहेंदाल, देय्यमता अदिकारमतुन नासडेम कीसि, मनाकुन हामुरता वेर्रेताल इळबळिस्तोर.

इब्रि 9:26

ओक्‍कला अल्हा ऊके-ऊके मोक्‍कु हियमळगिंटा आसि मत्‍ते, दुनिया पुट्तस्केटाल इदवेरदाका बच्‍चुंगो मल्कां किरिस्‍तुंक ओना जीवा हिय्या पियवड. गानि इद युगमता आकिरते, किरिस्‍तु सतता मोक्‍कु हीसि, पापमतुन नासडेम कियानाहाटीं उंदे मल्का वातोर.

2 पत्रु 2:4

बारित्‍ते, बस्के अय्ते पेनदा दूतां पापम कीतां, अस्‍के पेन अवुनगुडा होळसा हिल्‍ले. न्‍यायमता रोजु वायानादाका अवुन नरकमते हीकटता पोक्‍काने वाटसि इरता.

1 योहान 1:2

आ बस्‍केळ्‍क पिस्‍साना पिस्वर हिय्यना पोल्‍ले मोदाला पेनबाबानतोनि मत्‍तोर. ओन पेन मनकाना रूपमते मारियागोटसि बूमिते लोहताहेंका मोमोट ओन हूळतोम, इंचि गवाइ वेहांतोम. अल्‍हेने आ बस्‍केळ्‍क पिस्‍साना पिस्वरता बारेमता कबुर मीकु वेहांतोम.

1 योहान 3:10

इदुन पीसे, पेनदा पिलाल्क बोर आंदुर, देय्यमता पिलाल्क बोर आंदुर? इत्‍तद तेळियसि दांता. बोर अय्ते सत्‍तेमते ताकुर, ओरा दादन पावरम किय्युर, ओर पेनदा संतानम आयुर.

1 योहान 3:5

गानि पापाल्कुन लक्‍कु कियानाहाटींगे किरिस्‍तु वातोर इंचि मीकु एरपाटे मंता. ओनगा बतले पापम हिल्‍ले.

1 योहान 5:19

मनाकु एरपाट मनम पेनदा हेंदोरम आंदुम. पूरा दुनिया आ देय्यम कय्‍दे मंता.

यहुदा 1:6

अचोने आयाका, बवय्ते पेनदा दूतां अवुना अदिकारमता जेगान इर्रा हिल्‍लें, अल्हेन अव जेगान होळ्‍सीतां, पेन अवुनगुडा न्‍यायम कियाना रोजुनहाटीं हीकटते बस्‍केन नेम्मुवा गोल्सुल्कुने दोहचि इर्ता.

पेन हुपिस्‍ता पोल्‍लें 20:10

अस्‍के, जिवरासितुन आनि आबद्‍दम कबुरतोर्कुन बगा अय्ते मुन्‍नेन वाटतुरो, अदे गंदकमतोनि बगा-बगा पोतसेके मनना तडमिते, ओर्कुन नडेह कियाना देय्यमतुन वाटमळ जर्गता. अगा ओर नर्का-पिय्यल युगा-युगाल्‍कुनाहाटीं तडमि मंटाते तनलाळसेक मनांतुर.

पेन हुपिस्‍ता पोल्‍लें 20:15

पिस्वरता पुस्तकमते बोरा-बोरा पोरोलीं अय्ते रासि मना हिल्‍लेंगों, ओर्कुन अंटोर्कुन तळमिता सेरवुने वाटमळ जर्गता.