1 योहान 3:22 - पवित्र पोल्‍ले

²² इंका दाना आदेस परकारम ताकसेके, अद कूस आयाना कबाह्‍क कीसेके मत्‍ते, मनम बतल तल्‍किना अद मनाकु हींता.

1 योहान 3:22 Iomraidhean Croise

मत्‍तयाल 17:5

पत्रु वळ्‍कसेकेन मत्‍तोर, अस्‍केन उंदि तेल्‍ला मब्बु तेर्पे ओरापोर्रो नीडा कीता, आ मब्बुनाल उंदि इसंटा अल्किर केंजावाता, “ईर नावा पावरमगल्‍ला मर्रि आंदुर, ईनतोनि नना कूस मंतन, मिमेट ईना पोल्‍लें केंजट.”

मत्‍तयाल 21:22

मिमेट विस्वासमतोनि पारतनाते बतल तल्‍किना अद मीकु दोर्कार,” इत्‍तोर.

मरकुस 11:24

अदुनहाटीं नना मीकु वेहांतन, मिमेट विस्वासमतोनि पारतनाते बतल तल्‍किना, अद मीकु दोर्कता इंचि विस्वासम कीम्‍टु, अस्‍के अद मीवादे आंता.

योहान 14:13

अदुनहाटीं, मिमेट नावा पोरोल्ते बतल तल्‍किना, नावा बाबांक महिमा वायानाहाटीं नना अदुन कींतन.

योहान 15:10

नना नावा बाबाल वेहता आदेसकुनपोर्रो ताकसेके, ओना पावरमते निलसि मंतन. अल्हेन मिमेटगुडा नना वेहता आदेसकुनपोर्रो ताकतिरित्‍ते, नावा पावरमते निलसि मनंतिर.

योहान 15:7

मिमेट ना लोप्पो आनि नावा पोल्‍लें मीलोप्‍पो मनानय्ते, मीकु गावाले मत्‍तद बतल तल्‍किना, अद मीवाहाटीं कियमळ जर्गंता.

योहान 6:29

पूसकीतस्‍के, “पेन बोन अय्ते लोहतनो, ओनपोर्रो मिमेट विस्वासम इर्रट,” इंचि येसु जवाब हीतोर.

योहान 8:29

नाकुन लोहतोर नावा तोळ मंतोर. नना बस्‍केळ्‍क ओन्क कुसि हियना कबाह्के कींतन, अदुनहाटीं ओर नाकुन बस्‍केने ओंटिगा होळसोर,” इंचि वेहतोर.

योहान 9:31

पेन पापि मनकालोरा पोल्‍लेतुन केंजो, गानि बोर अय्ते दान मोळ्कसेक दाना इच्‍चा परकारम ताकंतोरो ओना पोल्‍लेतुन मात्रम पेन केंजंता, इंचि मनाकु एरपाट मंता.

प्रेरितुल्‍कुना कबाह्‍क 17:30

मुन्‍नेटा लोकुल्‍कुना पेनदा बारेमते तेल्वि तक्‍को लेक्‍कनहेंका पेन ओर्कुन हूळसिगुडा हूळवाप कीता. गानि इंदके मात्रम दुनियाता अंटोर लोकुल्‍क मनसु मार्सकुननाहाटीं आदेस हीसंता.

प्रेरितुल्‍कुना कबाह्‍क 20:21

पापाल्कुनाल मनसु मार्सकुंचि पेनदाहाटीं पिस्‍सट, अल्‍हेने मना येसु सामिना पोर्रो विस्वासम कीम्‍टु इंचि नना यहुदिल्कुंक, युनानि लोकुल्‍कुंक गवाइ हीसि वेहुंदुन.

पिलिपिया 4:18

नहगा अन्‍नि मंतां, नाक बच्‍चोर अय्ते गावाले दानकन्‍ना एक्‍को मंतां. मिमेट इपपरदिसुनतोनि लोहता सहायम नाक दोर्कता. अवुनतोनि नावा अव्‍सराल्क अन्‍नि तीरतां. बल्हा अय्ते मोक्‍कु हीतारित्‍ते पेन दाना गब्‍बु एतंता, अल्‍हेने मिमेट लोहतवुन पेन कुसिते एतकुंता.

कुलुसि 1:10

इदुनहेंदाल, मिमेट अन्‍नि तीरुकुने सामिन कूस कियालय मीवा पिस्वर दानकु इस्‍टमाताप मनंता, मीक हरेक बेसता कबळते पलम दोर्किसि, पेनदा तेल्‍विते बेर्स्‍सेके दांतिट.

याकोब 1:5

गानि मीवा लोप्पोटाल बोनकन्‍ना बुद्‍दि तक्‍को मत्‍ते पेनदुन तल्‍कट, अस्‍के पेन हींता. बारित्‍ते अद बतले तप्‍पु दोस्‍साका, तल्कतोर अंटोर्कुंक वेल्‍लेने हींता.

याकोब 4:3

मिमेट तल्कंतिर गानि मिमेट मीवा सुकमताहाटीं कराब आसेतेन तल्कंतिर, अदुनहाटीं मीक दोर्को.

याकोब 5:16

अदुनहाटीं मिमेट वरोना मुन्‍ने वरोर मीवा पापाल्कुन ओप्‍कुंटु, वरोनाहाटीं वरोर पारतना कीम्‍टु, अस्‍के मिमेट बेस आकिट. नीति मनकना पारतनाते वेल्‍लेने ताकत मनंता.

1 योहान 2:3

मनम ओक्‍कला ओना आदेसकुन पीसि ताकानय्ते, ओन मनम बेस तेल्‍पिचकुत्‍तोम इंचि मनाकु बरोबर तेळियंता.

1 योहान 5:14

मना पेन पोर्रो इदु विस्वास मंता. मनमगिंटा दाना मनसु मत्‍ताप तल्कानय्ते अद मनद केंजंता.