1 योहान 3:16 - पवित्र पोल्‍ले

¹⁶ किरिस्‍तु मनाहाटीं ओना सतता जीवा हीतोर. दीनाहेंदाल, पावरम इत्‍ते बतल मनाकु तेळियता. अदुनहाटीं मनम मना दंटा विस्‍वासुल्‍कुनाहाटीं जीवा हियालय तयार मनगोम.

1 योहान 3:16 Iomraidhean Croise

मत्‍तयाल 20:28

बारित्‍ते मनकना रूपमते पुटतोन नना, सेवा कियागोटकुनालय वाया हिल्‍लेन गानि वेरेतोरा सेवा कियालय आनि वेल्‍लेटोर्कुन पापमताल पेचाहलय, ओराहाटीं नावा जीवा हियालय वातन,” इत्‍तोर.

योहान 10:11

बेस मेहानोन ननाने आंदुन. बेस मेहानोर, गोर्रेनाहाटीं ओर ओना जीवा हींतोर.

योहान 13:34

अदुनहाटीं नना मीकु उंदि पूना आदेस हीसंतन, मिमेट वरोंक-वरोर पावरम कीम्‍टु. नना मीकुन बल्हा पावरम कीतन, अल्हेन मिमेटगुडा वरोंक-वरोर पावरम कीम्‍टु.

योहान 3:16

पेन दुनियातोर्कुन इच्‍चोन पावरम कीता गदा, दाना वरोरे मर्रिनगुडा ई दुनियातोराहाटीं हीता. ओन नम्मना हरेक मनकल नासडेम आयामन्‍नि गानि ओन्क बस्‍केळ्‍क पिस्सना पिस्वर दोर्कना इंचि अद अल्हा कीता.

प्रेरितुल्‍कुना कबाह्‍क 20:28

पवित्र आत्मा मीकुन मीवा कलिसियातोरपोर्रो कोहानोन-मेहानोन लेह्का पेर्कुत्‍ता. अद मंदातुन पेन कुद्‍दु दाना मर्रिना नेत्‍तुर हीसि असकुत्‍ता. अदुनहाटीं मीवद मिमेट अल्‍हेने मीवा जिम्मेदारिते मनना मंदातुनगुडा मिमेट बेस कापाळसेके मंटु.

रोम सहरतोरहाटीं पौलुसना सिट्‍टि 16:4

ओर नाकुन पिसागोटनाहाटीं ओरा जीवातुन हियालयगुडा तयार मत्‍तुर. नना ओर्क दन्यवाद कींतन. सिराप ननाने आयो गानि यहुदि आयवोरा अन्‍नि कलिसियानोरगुडा दन्यवाद कींतुर.

रोम सहरतोरहाटीं पौलुसना सिट्‍टि 5:8

गानि मनम इंका पापमतेन मत्‍तोम, अस्‍केने किरिस्‍तु मनाहाटीं जीवा हीतोर. इदुना हेंदाल पेन मनापोर्रो बच्‍चोन पावरम कींता इंचि दिसंता.

2 कुरेंति 4:12

अदुनहाटीं मावा लोप्पो हामुर, मीलोप्‍पो पिस्वर कबळ कींता.

इपीसि 5:2

किरिस्‍तु मनाकुन पावरम कीसि मनाहाटीं पेनदा मुन्‍ने मोक्‍कु आसि, पेनदुक नच्‍चना गुगलेमलेसीं ओनद ओर बलि आतोर. अदे पावरमते मिमेटगुडा ताकट.

इपीसि 5:25

अय्ते ए मरमिं आता मांडसुरिटा! किरिस्‍तु बल्हा कलिसियातुन पावरम कीसि, दानाहाटीं ओना सतता जीवातुन हीतोर, अल्हेन मिमेटगुडा मीवा मुत्‍तोह्‍कुन पावरम कीम्‍टु.

पिलिपिया 2:17

पेनदा सेवा कियनाहाटीं मिमेट उंदि मोक्‍कुनलेह्का आसि वेल्‍लेन तिप्‍पल्‍क अरसंतिर. इदंता मीकु पेनदापोर्रो वेल्‍लेन विस्वासम मत्‍ताहेंका आसंता. अदुनहाटीं इसोंटा मीवा मोक्‍कुनतोनि नावा जीवा हीसि नेत्‍तुर वारागिच्‍चालयगुडा नना पजोळ्क होन्‍नोन, गानि वेल्‍लेन कूस मनंतन.

1 तेसलोनि 2:8

अदुनहाटीं मीपोर्रो इच्‍चोर पावरम मंता गदा, मोमोट मीक सिराप पेनदा बेसता कबुरे आयो, मावा जीवागुडा हियालय तयार मत्‍तोम. मिमेट अच्‍चोर पावरमतोर आसि मत्‍तिट.

तीतु 2:13

अचोने आयका मना कदरगल्‍ला पेन आनि मनाकु मुक्‍ति हियना येसु किरिस्‍तु ओना महिमाते वांतोर इत्‍ता आ सक्‍कटा आसेतुन मनम एदुर हूळसेक मंदना इंचेकगुडा कराहंता.

1 पत्रु 1:18

मीवा तादो-बाबुरागटाल ताकसेके वाता एर्तम पिस्वरतुन, नासडेम आयाना एंडि-बंगारम इळबळिचा हिल्‍ले, गानि दोसेम हिल्‍वद, मर्का हिल्‍वद गोर्रे पोरिनसोंटा किरिस्‍तुना विलुवाता नेत्‍तुरताहेंदाल मिमेट इळबळतिर, इदु मीकु एरपाटे मंता.

1 पत्रु 2:24

मनम पापाल्कुनाहाटीं हासि होंचि सत्‍तेमताहाटीं पिसागोम इंचि येसु ओना मेंदुल्तुन क्रुस पोर्रो हीतोर. ओर तित्‍ता देब्बाना हेंदाल मना बिमार्क बेस आतां.

1 पत्रु 3:18

बारित्‍ते अंटोरा पापाल्कुनाहाटीं किरिस्‍तु उंदे मल्का हातोर. मनाकुन पेनदागा ओयालय वरोर नीतिमंतुड अनीतिमंतुनाहाटीं हातोर. मेंदुलताल ओन हव्कतुर गानि आत्माते ओन जीवाते तेहमळ जर्गता.

1 योहान 2:6

बोर अय्ते, “नना पेनतोनि कलियसि पिस्सेक मंतन,” इंचि वेहंतोरो, ओर कुद्‍दु किरिस्‍तु पिसतसोंटा पिस्वर पिसागोम.

1 योहान 2:9

बोर अय्ते, “नना वेलगुने मंतन,” इंचि वेहकुंचि, ओना दंटा विस्वासिन हय्‍सोर, ओर इंकागुडा हीकटतेन मंतोर.

पेन हुपिस्‍ता पोल्‍लें 5:9

पज्जो ओर अंटोर उंदि पूना पाटा पारालय दल्‍गतुर, “निमे इद पुस्तकमतुन एतसि, दाना सिक्‍कान नेम्‍हाचि विच्‍चनालायक मंतिन. बारित्‍ते, निमे मोक्‍कु आसि नीवा नेत्‍तुर कुदुवा दोस्‍सि हरेक जातिताल, हरेक बासानोरव्टेटाल, हरेक लोकुल्‍कुनाल आनि हरेक देसेमतोरव्टेटाल पेनदाहाटीं अस्‍कुत्‍तिन. निमे ओर्कुन पेनदाहाटीं दाना राज्येमतोर आनि पेर्मालोर्क कीतिन. ओर बूमिपोर्रो राज्येम कींतुर.”